Muzyka11

Što za hurt Nizkiz, jaki amal u poŭnym składzie zatrymali ŭ Mahilovie

Ranicaj 6 studzienia stała viadoma pra zatrymańnie ŭdzielnikaŭ mahiloŭskaha hurta Nizkiz. U niavoli apynulisia Alaksandr Iljin, Siarhiej Kulša i Dźmitryj Chalaŭkin — troje z čatyroch udzielnikaŭ kalektyva. Raskazvajem, što varta viedać pra Nizkiz — hurt, što pajšoŭ pa śladach Tor Band.

Fota: modernrock.ru

Hurt Nizkiz składajecca z čatyroch muzykantaŭ:

  • Alaksandr Iljin (vakał, teksty piesień);
  • Siarhiej Kulša (bas-hitara);
  • Dźmitryj Chalaŭkin (barabany);
  • Leanid Nieściaruk (hitara).

U ruki siłavikoŭ trapili pieršyja try muzykanty. Leanid Nieściaruk ciapier znachodzicca za miažoj.

Nizkiz uźnik u 2008 hodzie. Cikavaja nazva, pavodle Alaksandra Iljina, nasamreč ničoha nie značyć — heta prosta pryhožaje spałučeńnie litar. Na tym etapie isnavańnia hurt aktyŭna ładziŭ žyvyja vystupy, udzielničaŭ, pavodle słovaŭ Dźmitryja Chalaŭkina, va ŭsich mahčymych konkursach i adborach.

I heta dało svoj plon — pra Nizkiz pačali havaryć, pastupova hurt nabiraŭ viadomaść. Da 2020-ha jany vypuścili try albomy, źniali šeść klipaŭ, atrymali bahata ŭznaharodaŭ. A jašče źbirali tysiačnyja anšłahi ŭ biełaruskich kłubach i vystupali na razahrevie ŭ Thirty Seconds To Mars, kali tyja pryjazdžali ŭ Minsk.

Jašče adzin cikavy fakt pra Nizkiz — ich trek «Połnoč» trapiŭ u futbolny simulatar FIFA online 4. Heta było nie pytańnie hrošaŭ, a chutčej jašče adzin sposab prasunuć svaju tvorčaść, dy jašče i pryjemny — muzykanty dobra staviacca da futboła.

Najbolšuju viadomaść u svajoj historyi Nizkiz nabyli ŭ 2020-m. Jašče da pačatku kavidu, u lutym taho hoda, mahiloŭcy zładzili solny kancert u Falcon Club — na toj čas heta było ich najvialikšaje ŭłasnaje vystupleńnie. A praź niekalki miesiacaŭ, 26 červienia 2020 hoda, hurt pradstaviŭ mocny trek «Praviły», stvorany ŭ supracoŭnictvie z amierykanskim pradziusaram Nikałasam Esiham. A kali pačalisia maršy, Nizkiz źniali na ich klip da «Praviłaŭ» — i jon staŭ vielmi papularny.

Iljin tak apisvaŭ naradžeńnie «Praviłaŭ»: «Pieśnia stvarałasia davoli lohka, bo ŭsie słovy, dumki i pasyły łunali ŭ pavietry. Nam zastavałasia tolki ahučyć heta».

Paśla pačatku vajny Nizkiz vystupili za mir i admianili svaje kancerty ŭ Rasii. Hitaryst Leanid Nieściaruk (adziny čalec hurta, jaki ciapier na voli) kazaŭ tady pra heta: «Mnie zdajecca, być suprać hvałtu i biaźmiežža — heta pytańnie nie palityki, a prystojnaści i adekvatnaści».

Chłopcy vystupali ŭ Jeŭropie — naprykład, pryjazdžali ŭ Vilniu, Bierlin, dajazdžali navat da Kipra. Ale čalcy hurta praciahvali žyć u Biełarusi. Vyklučeńnie — hitaryst Leanid Nieściaruk. U kastryčniku 2022 jon pisaŭ u fejsbuku, što niejki čas budzie žyć u Varšavie i što hatovy pravodzić pryvatnyja ŭroki elektrahitary.

Los Nizkiz nahadvaje historyju hurta Tor Band, jašče adnych muzykaŭ pratestnaha času. Muzyki z Rahačova nie žadali źjazdžać ź Biełarusi i trapili pad kryminalny pieraśled. U vyniku Tor Band abviaścili ekstremisckim farmavańniem, a 31 kastryčnika 2023-ha troch muzykaŭ za ich pieśni prysudzili da terminaŭ ad 7,5 da 9 hadoŭ kałonii.

«Naša Niva» — bastyjon biełaruščyny

PADTRYMAĆ

Čytajcie jašče:

Ludzi hoda pa viersii «Našaj Nivy» — hurt Tor Band

Što słuchać pa-biełarusku? Top papularnych piesień u Spotify na rodnaj movie PŁEJLIST

Jak amierykancy reahujuć na biełaruski rok

Kamientary1

  • root
    06.01.2024
    "Premija radyjo ANT"

    Łoł, nia viedaŭ što ŭ kanała z zombaskryni jość svajo radyjo. Lepiej by napisali, što Nizkiz u svoj čas pieramahli na konkursie Euravision, jaki ładzili na bujniejšym u śviecie forumie reddit. To bok heta suśvietna viadomaja hrupa. Pra takoje ANTšnym vykanaŭcam zastajecca tolki maryć.

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →