Kultura1818

«A, pacuk! Pacuk!» Jak pracuje novaje treš-šou Marharyty Laŭčuk

Zabaŭlalnaje šou Marharyty Laŭčuk, u jakim jana vystupaje pad psieŭdanimam Jalenaŭna, častkova źmianiła svoj farmat — ciapier heta treš-intervju ź viadomymi biełarusami. Raskazvajem, što ŭ kadry i adkul pachodzić ideja.

«Jeŭranačos» z Volhaj Karač. Kadr z šou

Pieršapačatkova na jutub-kanale «Jeŭranačos» publikavalisia videa ŭ vyhladzie satyryčnych repartažaŭ z varšaŭskich vulic ci alternatyŭnych vypuskaŭ navin na kałarytnaj trasiancy.

Śmieła razmalavanaja Jalenaŭna (jakuju Laŭčuk talenavita vykonvaje) z vysokim načosam, masiŭnymi čyrvonymi karalami i nie mienš vialikim čyrvonym mikrafonam vyhladaje kłasičnaj lichadziejkaj z dyśniejeŭskich multfilmaŭ. U varožym stanie, dzie joj daviałosia pracavać, jana pavodzić siabie adpaviedna vobrazu dziorzka i ahresiŭna, kudy aktyŭniej za sapraŭdnych biełaruskich prapahandystaŭ — mlavych i biezydejnych.

Tankoviča prymusili pieraabucca. Kadr z šou

Ale za apošni čas «Jeŭranačos» pačaŭ pierachodzić u niezvyčajny farmat treš-tok-šou. Roliki dosyć karotkija, ale i hetych chvilin dastatkova, kab pieražyć składanyja pačućci ad taho, što adbyvajecca na ekranie.

U kancy listapada vyjšaŭ pieršy vypusk u takim farmacie, hościem jakoha staŭ kaleha Jalenaŭny, komik Dźmitryj Tankovič, jaki na jutub-kanale Nexta Live vioŭ satyryčnuju prahramu «A ja siejčas vam pokažu». Tankoviču, jaki raniej pracavaŭ na biełaruskim telebačańni, a paśla źjechaŭ va Ukrainu, Jalenaŭna prapanavała pieraabucca ŭ śmiešny draŭlany abutak, maŭlaŭ, «davaj, tabie ž nie ŭpieršyniu».

Na Sachaščyka Jalenaŭna sprabuje načapić šapku z rohami, ale toj admaŭlajecca. Kadr z šou

Nastupnyja dva hości byli kudy bolš niečakanymi — aktyvistka Volha Karač i pradstaŭnik Abjadnanaha pierachodnaha kabinieta pa abaronie i nacyjanalnaj biaśpiecy Valeryj Sachaščyk. Pytańni, zajavy i pavodziny viadoŭcy stali bolš vostrymi i pravakacyjnymi.

U Sachaščyka Jalenaŭna pytałasia, da prykładu, ci paŭsiul u jaho hetak ža hładka, jak na łysaj hałavie, i jak situacyja z «areškami», u Karač — ci stajała jana na trasie.

Jalenaŭna z krykami «Pacuk! Pacuk!» źbiahaje sa studyi, pakidajučy Karač adnu. Kadr z šou

Finał tok-šou z Volhaj Karač nie moža pakinuć abyjakavym: Jalenaŭna z krykami «Pacuk! Pacuk!» vylataje sa zdymačnaj studyi, a kamiera fakusirujecca na aktyvistcy, jakaja niekalki chvilin siadzić adna ŭ absalutnaj cišyni i nie viedaje, jak reahavać.

U hety momant niemahčyma nie paspačuvać Karač. 

Hałoŭnaje pačućcio, jakoje pakidaje šou — adčuvańnie ispanskaha soramu, ci, jak ciapier kažuć, krynžu. I mienavita na hetaje pačućcie i skiravany takija šou.

Pad kaniec šou, jakoje abmiarkoŭvalisia jašče doŭha, Saša Borcič adviesiła viadoŭcu aplavuchu. Kadr z «Opiať nie Halciev»

Najbolš blizki anałah — heta rasijskaje zabaŭlalnaje šou «Opiať nie Halciev», jakoje vychodzić na jutub-kanale «Pluški». Kanał byŭ zasnavany ŭ 2020 hodzie byłymi ŭdzielnikami kamandy KVZ «Pluški imieni Jarosłava Mudroho». Viadoŭca šou, stendapier Bahdan Lisieŭski, z surjoznym vyrazam tvaru zadaje niazručnyja i niedarečnyja pytańni rasijskim akcioram, komikam, viadoŭcam i spartsmienam. Siarod haściej byli i «ekstrasens» Uład Kadoni, i «zvodnica» Roza Siabitava i aktrysa Saša Borcič.

Absurdnaść i pravakacyjnaść pytańniaŭ niaredka davodzić haściej, jakija spačatku sprabujuć zachoŭvać spakoj i byccam nie razumiejuć, što ŭvohule adbyvajecca. Zryvy haściej mnohija ličać pastanovačnaj častkaj šou.

Halifijanakis biesić usich haściej, abo ŭsie robiać vyhlad, što biesić. Kadr z šou

Abodva šou, rasijskaje i biełaruskaje, biaruć pačatak ad amierykanskaha šou «Pamiž dvuma paparaciami z Zakam Halifijanakisam» (Between Two Ferns with Zach Galifianakis), jakoje nierehularna vychodziła z 2008 pa 2018 hady. U karotkich rolikach da 6 chvilin — bolš, vidać, ciažka vytrymać usim udzielnikam pracesu — źjaŭlalisia zorki pieršaj vieličyni: Natali Portman, Bredli Kupier, Brus Uilis, En Cheteŭej, Džaścin Bibier, Bred Pit i mnohija inšyja.

Sceničny vobraz Halifijanakisa, zmročnaha i panuraha «admarozka», takim, jaki jon i pradstaje pierad hledačami ŭ sieryi filmaŭ «Chłapiečnik u Viehasie», dapaŭniaje abraźlivyja i prynižalnyja pytańni, jakija jon zadaje svaim haściam.

Nie paškadavaŭ Halifijanakis navat prezidenta Baraka Abamu i kandydatku ŭ prezidenty Chiłary Klintan, zakidajučy im niepalitkaretnyja pytańni, naprykład, jak heta być «apošnim čornym prezidentam», abo ŭstaŭlajučy pasiarod vypusku «apłačanuju» rekłamu z Donaldam Trampam, kankurentam Chiłary na vybarach.

Fiłamiena Kank zadaje nieprystojnaje pytańnie navukoŭcu, karystajučysia suhuččam słoŭ z nazvaj zamka Kamiełot. Kadr z šou

Da heta ž žanru možna pryličyć i brytanskija psieŭdadakumientalnyja prajekty, u jakich komik pad psieŭdanimam Fiłamiena Kank sa spakojnym tvaram tłumačyć źjavy samym pramym i tupym čynam abo zadaje śpiecyjalistam takija niedarečnyja i hrubyja pytańni, što tyja litaralna niamiejuć.

Rasijskaje i zachodnija šou ŭ hetym farmacie niečakana akazalisia nadzvyčaj paśpiachovymi. A što ź biełaruskim? 

Vypuski ź Jalenaŭnaj, pierajmajučy asnoŭnuju kancepcyju hetych šou, usio ž trochi adroźnivajucca. Pa-pieršaje, viadoŭca tut nie imituje surjoznaść, a zadaje pytańni ŭ karykaturnym vobrazie. 

Chiłary Klintan zajaviła, što paškadavała, što pryjšła na šou «Pamiž dvuma paparaciami z Zakam Halifijanakisam». Kadr z šou

Pa-druhoje, vybar haściej dla šou adroźnivajecca. Lisieŭski i Halifijanakis pačynali z zorak šou-biznesu, jakija razumieli što, navošta i jak musić adbyvacca ŭ kadry i mahli padyhrać viadoŭcu, zakaciŭšy isteryku ci pakazvajučy svajo razdražnieńnie dy pahardu.

Jalenaŭna pačała z bolš-mienš viadomych palityčnych fihur, jakija, vidać, nie ŭjaŭlali, kudy patrapiać i jak im reahavać na pavodziny viadoŭcy.

Navat Abama i Chiłary, jakija pryjšli na šou, kab, vidavočna, pryciahnuć da svajoj partyi dadatkovuju aŭdytoryju, pačuvalisia vielmi strymana i niajomka — i heta była nie ihra.

Što tady kazać pra biełaruskich palitykaŭ, jaki nie zvyklisia z tym, što mohuć być vyśmiejanyja ci pastaŭlenyja ŭ niajomkuju situacyju. 

«Naša Niva» — bastyjon biełaruščyny

PADTRYMAĆ

Kamientary18

  • Idiotizm i połnaja tuposť
    06.01.2024
    Diehradacija połniejšaja! Levčuk, idi von, sovsiem z hłuzdu sjechała? Otvratitielno prosto! Napominajet staryj sovietskij aniekdot: u dievuški sprašivajut kto ona po profieśsii, otviečajetie čto ona "pivica" - pivo v kioskie prodajet.
  • Marfa
    06.01.2024
    Nu śpiavačka ty, dyk śpiavaj, čaho lezieš tudy, dzie poŭny nul?
  • Ja
    06.01.2024
    Idiotizm i połnaja tuposť, ona nie sjezžała. Ona takoj była vsiehda. Posmotri na vsiu jeje žizń. Otvratitielnoje zrieliŝie.

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Usie naviny →
Usie naviny

Interpał vyklučyŭ sa svajho «čyrvonaha śpisu» režysiora Andreja Hniota. Ale heta jašče nie kaniec spravy1

Polskija śpiecsłužby rasśledujuć pahrozu zabojstva Paŭła Łatuški 10

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć5

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

bolš čytanych navin
bolš łajkanych navin

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Hałoŭnaje
Usie naviny →