Śviet

Zorka sportu Pistoryus, jaki zastreliŭ svaju dziaŭčynu, vyjšaŭ na volu

Za sudom nad lehiendarnym paralimpijcam dziesiać hadoŭ tamu sačyŭ uvieś śviet.

Oskar Pistoryus u 2016 hodzie. Shiraaz Mohamed / AP

Były paralimpijski čempijon z PAR Oskar Pistoryus vyjšaŭ z turmy ŭmoŭna-daterminova praz amal 11 hadoŭ paśla taho, jak zabiŭ svaju siabroŭku, fotamadel Ryvu Stynkamp, piša Bi-bi-si.

Ułady paćvierdzili, što ŭ piatnicu ranicaj Pistoryus užo byŭ doma. Jon adbyŭ pałovu svajho bolš čym 13-hadovaha terminu.

Maci Ryvy Stynkamp, Džun, zajaviła, što zhadžajecca z rašeńniem vyzvalić byłoha spartsmiena, ale dadała, što jaje siamja «adbyvaje pažyćciovaje źniavoleńnie».

Siabroŭka Pistoryusa, 29-hadovaja Ryva Stynkamp, była dypłamavanym jurystam i viadomaj fotamadellu.

Pistoryus, jakomu ciapier 37 hadoŭ, čatyry razy streliŭ u jaje praź dźviery vannaj ranicaj 14 lutaha 2013 hoda ŭ ich domie ŭ Pretoryi. Jak jon paźniej śćviardžaŭ, jon pryniaŭ jaje za rabaŭnika, jaki prakraŭsia ŭ dom, što niaredka zdarajecca ŭ PAR.

Pieršapačatkova Pistoryus byŭ asudžany pa bolš miakkim artykule za nienaŭmysnaje zabojstva, ale paśla patrabavańniaŭ siabroŭ i siamji Ryvy ŭ 2015 hodzie Viarchoŭny apielacyjny sud pierahledzieŭ hetaje rašeńnie.

Sud pastanaviŭ, što Pistoryus šmatkroć mianiaŭ svaje pakazańni pra padziei toj ranicy i adkryŭ stralbu biez słušnych padstaŭ bajacca za svajo žyćcio. Urešcie Pistoryus byŭ asudžany za zabojstva.

Zhodna z zakanadaŭstvam Paŭdniovaj Afryki, usie pravaparušalniki majuć prava na ŭmoŭna-daterminovaje vyzvaleńnie paśla taho, jak adbuduć pałovu ahulnaha terminu źniavoleńnia, jakoje dla Pistoryusa kančatkova ŭstanavili ŭ 2017 hodzie — 13 hadoŭ i piać miesiacaŭ.

Jon budzie žyć u surovych umovach, u pryvatnaści, nie zmoža kamunikavać sa ŚMI, pakul termin jaho pakarańnia nie skončycca ŭ 2029 hodzie.

Miarkujuć, što jon pasialiŭsia ŭ domie svajho dziadźki Arnolda Pistoryusa ŭ elitnym pryharadzie stalicy PAR — Pretoryi.

Maci Ryvy, Džun Stynkamp, zajaviła, što jaje siamja viedała, što ŭmoŭna-daterminovaje vyzvaleńnie źjaŭlajecca častkaj pravavoj sistemy Paŭdniovaj Afryki, i «zakon pavinien być vykanany».

Jana taksama vitaje ŭmovy, jakija kamisija pa ŭmoŭna-daterminovym vyzvaleńni ŭstanaviła dla Pistoryusa. Jany ŭklučajuć kursy pa kiravańni hnievam i prahramy pa praduchileńni i supraćdziejańni hiendernamu hvałtu.

«Ale spraviadlivaść nastupiła dla Ryvy? — pytajecca maci. — Ci dastatkova adsiedzieŭ Oskar? Nivodny adbyty termin nie viernie Ryvu, i spraviadlivaści tut być nie moža. My, jaje siamja, adbyvajem pažyćciovaje źniavoleńnie».

Jana dadała: «Majo adzinaje žadańnie — pražyć svaje apošnija hady ŭ śviecie, zasiarodziŭšy ŭvahu na fondzie Ryvy, kab praciahnuć jaje spadčynu».

Oskar Pistoryus naradziŭsia 22 listapada 1986 hoda ŭ Jochanesburhu. Z-za pryrodžanaj chvaroby daktary byli vymušanyja amputavać chłopčyku abiedźvie nahi nižej za kalena va ŭzroście 11 miesiacaŭ.

Adnak pośpiechi miedycyny i najnoŭšyja technałohii ŭ halinie pratezavańnia dazvolili jamu nie tolki chadzić, ale i stać šmatrazovym paralimpijskim čempijonam pa biehu.

Jon atrymaŭ mianušku «Toj, chto biažyć pa lozie», bo jaho pratezy častkova nahadvajuć dva vyhnutyja lozy.

Atlet šeść razoŭ vyjhravaŭ zołata Paralimpijskich hulniaŭ. Jon prasłaviŭsia tym, što staŭ pieršym spartsmienam z amputavanymi kaniečnaściami, jaki vystupiŭ ŭ spryncie na Alimpijskich hulniach.

Oskar Pistoryus pieramahaje na dystancyi 400 mietraŭ na Paralimpijadzie ŭ Łondanie ŭ 2012 hodzie. Fota: Kirsty Wiggleswort / AP

Pistoryus navat spaborničaŭ sa spartoŭcami bieź invalidnaści na łondanskaj Alimpijadzie 2012 hoda.

Kamientary

Stryžak pra Pratasieviča: Sa mnoj takoha adbycca nie mahło3

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło3

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →