Vareńnie z šyšak, advar ź ihołak. Jak dać navahodniaj jalincy druhoje žyćcio?
U pieršuju dekadu studzienia pa ŭsioj krainie nazirajecca masavy vynas navahodnich jołak z kvater i damoŭ. Učorašnija znaki zimovych śviataŭ, pazbaviŭšysia svajho zichotkaha i pryvabnaha ŭbrańnia, adpraviacca ŭ apošni šlach da śmietnika, absypajučy ŭsio za saboj, niby ślazami, tysiačami ihołak. Sumnaje vidovišča dla adeptaŭ bieražlivych adnosin da pryrody i ekaaktyvistaŭ. Ale, zdajecca, vychad ź biespraśvietnaj nudy znojdzieny, piša Slushna.by.
Hetaj zimoj šef-kuchary znakamitych restaranaŭ śvietu i kulinary-hurmany ź liku amataraŭ varjaciejuć ad niezvyčajnaha inhredyjenta straŭ… jałovych ihołak.
Trend «jełkavareńnia» ŭžo zachapiŭ TikTok i nie źbirajecca spyniacca na dasiahnutym. Zrešty, paśla našumiełaha vareńnia z chvajovych šyšak ździŭlać ludziej usio składaniej.
Stravy ź jałovych ihołak
Vam harbaty čornaj, zialonaj ci jałovaj?
Dla tych, chto nie žadaje, kab navahodniaja pryhažunia skončyła svajo stahodździe na śmietniku, jość mnostva sposabaŭ dać drevu druhoje žyćcio, śćviardžajuć kulinarnyja błohiery i instahramnyja šef-kuchary. Brytanski tabłoid DailyMail apublikavaŭ parady pa pryhatavańni straŭ z navahodniaj jełki.
Naprykład, ź jałovaj ihlicy možna hatavać advary i harbatu, vykarystoŭvać jaje jak klučavy ci dadatkovy inhredyjent marynadu dla miasa.
Trend, jaki nabiraje papularnaść u TikTok, zaklučajecca ŭ tym, što ludzi vykarystoŭvajuć halinki kaladnych jełak dla hatavańnia harbaty ź jałovych ihołak.
Harbata ź jałovaj ihlicy
Papiarednie vymytuju ihlicu i jałovyja łapki zalivajuć kipniem i kipiaciać niekalki chvilin, zatym advar pracedžvajuć i pjuć.
Amatary jałovaj harbaty śćviardžajuć, što napoj nie tolki smačny, ale i karysny, pakolki badzioryć i napaŭniaje enierhijaj nie horš za kubak adbornaj kavy.
Sirop ź ihołak
Niekatoryja ludzi vykarystoŭvajuć ihołki dla padrychtoŭki sałodkaha siropu. Dla hetaha dadajuć ich u rondal z cukram i vadoj dy davodziać da kipieńnia.
Zapravy ź jełki
Vostraja jełka
Kulinarny ahladalnik tabłoida Džulija Hieorhalis ličyć, što, kali sprava dachodzić da kaladnaj jełki, praktyčna ŭsie jaje składniki ŭ tym ci inšym vyhladzie padychodziać u ježu: ihlica, kara, draŭnina… Ale jość niekalki receptaŭ straŭ ź inhredyjentami ź jełki, jakija karystajucca pośpiecham hurmanaŭ bolš, čym inšyja.
Naprykład, ihlicu jełki možna vykarystoŭvać u jakaści rezkaj zapravy hetak ža sama, jak razmaryn ci łaŭrovy list, kab nadać śviežy pikantny vodar miasu, ptušcy ci rybie.
A ŭ ekskluziŭnym jałovym mieniu ad Džulii Hieorhalis jość braŭni z kiedravaj pamadkaj, jaki padajecca z łustačkami kiedravych areškaŭ i harbataj ź biełaj chvoi.
Džulija nastolki zdabyła pośpiech u smakavych i charčovych navatarstvach, što navat napisała knihu pad nazvaj «Jak źjeści svaju kaladnuju jełku». I ciapier dla amataraŭ niezvyčajnych smakavych adčuvańniaŭ jana arhanizuje afłajn-sustrečy ŭ Łondanie.
Jašče adzin šef-kuchar, jaki vykarystoŭvaje chvajovyja inhredyjenty na praciahu bolš čym dvuch dziesiacihodździaŭ, — Rene Redzievi, kiraŭnik restarana Noma, adznačanaha zorkaj Mišlen, u Kapienhahienie.
Jon adkazna padychodzić da vybaru inhredyjentaŭ dla svaich firmovych straŭ i ŭłasnaručna źbiraje chvajovyja i jałovyja ihołki ŭ lesie i moža na smak vyznačyć roźnicu pamiž maładym ihličnym drevam i bolš stałym.
Šef-kuchar ličyć ihlicu nievierahodna ŭniviersalnaj: jaje možna zdrabniać i vykarystoŭvać u jakaści suchoj zapravy da straŭ ci, źmiašaŭšy z vocatam, užyvać u jakaści zapraŭki da sałataŭ ci dadavać pry marynavańni harodniny.
Adnak admysłoviec pa jałovaj ihlicy papiaredziŭ: biezdakorny smak i vodar možna atrymać tolki tady, kali źbirać ihołki ŭ ihličnym lesie z arhaničnych dreŭ, vyraščanych biez užyvańnia piestycydaŭ.
Śviatočnyja napoi ź jełki
Ź jełkaj na bruderšaft
Amatary niezvyčajnych smakaŭ i charčovych spałučeńniaŭ pajšli jašče dalej i prydumali, jak z kaladnaj jełki rabić śviatočnyja napoi.
Tak, Kiembrydžskaja łabaratoryja džynu stvaryła niekalki kaladnych napojaŭ z vykarystańniem ihličnaha liścia.
Siarod ich asabliva vyłučajecca ihlica marcini ź lodam, jaki źmiaščaje džyn, sirop razmaryna i viermut, upryhožany nievialikaj łapkaj kaladnaj jełki ŭ kufli. Vydatnaja alternatyva dla tych pieraborlivych haściej, kamu nadakučyła banalnaja aliŭka ŭ kufli dla marcini. Biarycie na zamietku!
Miž inšym, mnohija bary i restarany z zadavalnieńniem padchapili ideju i na ŭsiu moc vykarystoŭvajuć jełku, ihlicu i sirop ź ihlicy dla stvareńnia kaladnych kaktejlaŭ.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy18
Kamientary
na radaść 'dla adeptaŭ bieražlivych adnosin da pryrody i ekaaktyvistaŭ ' (