Hramadstva4949

U navahodnim vinšavańni Paźniak źviarnuŭsia da prychilnikaŭ Łukašenki i čynoŭnikaŭ

U navahodnim zvarocie, apublikavanym na Youtube, lider ruchu «Volnaja Biełaruś» Zianon Paźniak źviarnuŭsia da roznych katehoryj biełarusaŭ unutry krainy i zaklikaŭ šanavać adzin adnaho, padtrymlivać usio biełaruskaje, piša «Radyjo Svaboda».

Zianon Paźniak
Zianon Paźniak

U pryvatnaści, Paźniak źviarnuŭsia i da tych biełarusaŭ, jakija padtrymlivajuć režym Łukašenki i ličać, «što heta dobra».

«Takich ludziej šmat, i my nie možam ich ihnaravać. Ale što b ja chacieŭ skazać takim ludziam? Pamiatajma, što Biełaruś — naš ahulny dom. My pavinny jaho bierahčy, usie, jakim by my čynam nie adnosilisia da palityki. Nie pradajecca chata baćkoŭ, jak śpiavajecca ŭ pieśni. Tamu dbajma pra našuju niezaležnaść, naš ahulny biełaruski dom i našu dziaržavu», — skazaŭ Zianon Paźniak.

Źviartajučysia da dziaržaŭnych słužboŭcaŭ, palityk kanstatavaŭ, što mnohija ź ich apynulisia ŭ ciažkim stanoviščy, kali treba vykonvać palityku, jakaja nie spryjaje biełaruskamu narodu.

«Šanoŭnaje spadarstva, nie zabyvajcie, što vy biełarusy, nie zabyvajcie, što ŭ vašych rukach ułada. Budźcie patryjotami svajoj krainy, bieražycie naš narod. Možna nie vykonvać antynarodnyja rasparadžeńni. Možna pahladzieć na niejkuju złuju spravu, jakuju ad vas patrabujuć, skroź palcy. Možna jaje nie vykanać i hetym paspryjać našym ludziam. Kali milicyjant idzie pa vulicy i bačyć, što maładyja ludzi kažuć «Žyvie Biełaruś», nie kidajciesia tudy, nie čapajcie hetuju moładź, nie bicie ich dručkami. Nie zaŭvažcie hetaha, i hetym vy dapamožacie biełarusam», — zaklikaŭ Paźniak.

Pad kaniec jon zaklikaŭ Łukašenku vyzvalić traich palitviaźniaŭ, kab prajavić dobruju palityčnuju volu. Havorka idzie pra šmatdzietnuju maci Volhu Załatar, žurnalista Dzianisa Ivašyna i bieraściejskuju aktyvistku Palinu Šarendu-Panasiuk.

Kamientary49

  • Anatol Starkou
    02.01.2024
    "Pad kaniec jon zaklikaŭ Łukašenku vyzvalić traich palitviaźniaŭ..."

    Heta nie palitviaźni, Zianon Stanisłavavič, heta tvaje dzieci. Tak by mović, jany "dzieci" Zianona abo dzieci jaho palityki. Sam ty niadrenna ŭładkavaŭsia niepadaloku ad amierykanskaj kasy Svabody, a voś tyja chto pavieryŭ u ciabie, chto dezierciravaŭ z RB, jak i ty, miarkuju, nie tak dobra adčuvajuć siabie ŭ Jeŭropach. Tym bolš u amierykancy KDB ci na zonie MUS.

    Nahadaju moładzi, što ZS heta toj čałaviek, jaki zadurmaniŭ majo pakaleńnie svaim tak zv adradžeńniem nacyi, pačynajučy ź leta 1988 hoda. Ja ŭpieršyniu jaho ŭbačyŭ na mitynhu niedzie na praśpiekcie Iźviestija letam 1989-ha i z tych časoŭ na dvaccać hadoŭ byŭ paplečnikam ZC i BNF. Taksama nahadaju, što jašče da źjaŭleńnia narodu Alaksandra Łukašenki (u pačatku 1994), ZS i jaho amal tryccać čałavieka paplečnikaŭ pajšli ŭ kamunistyčnuju zapadniu = stali deputatami VS, u jakim frakcyja BNF była amal u dziesiać razoŭ mieniej pa kolkaści deputataŭ, čym astatniaja kamunistyčnaja bolšaść. 
    Što mahła zrabić bčb frakcyja ŭ takich umovach, kali nie zabyvać, što meta źjaŭleńnia ŭ našaje palitycy ZS była ADRADZIĆ NACYJU? Supraca z kamunistyčnaj bolšaściu, a nie kanfrantacyja. Ale bčb mieńšaść deputataŭ vybrała apošniaje i ŭpustuju prastajała biez małaha ŠEŚĆ hadoŭ ź siami hadoŭ tak zv ADRADŽEŃNIA NACYI la mikrafonaŭ VS, upustuju pikirujučysia z kamunistyčnaj bolšaściu. U vyniku hetaj kanfrantacyi, frakcyja BNF viarnuła našym balšavikam-kamunistam uładu na Biełarusi (1994), jakaja ŭ ich była z 1919 hoda (BSSR), pryviała da ŭłady staŭleńnika našych balšavikoŭ Alaksandra Łukašenku, i krychu paźniej (1999) źniščyła samuju mahutnuju palityčnuju siłu taho času Biełaruski narodny front.

    I pry ŭsich hetych bčb pieramohach byŭ Zianon Stanisłavavič Paźniak, deziercir, jaki druhim z toj frakcyi BNF źbieh za buhor u viasnu 1996 ad nieadrodžanaj im nacyi, i razdaje siońnia śviatočnyja parady "svaim dzieciam" - dzieciam Zianona, jakija pavieryli ŭ jaho bčb ideju fiks.  
  • A.N.
    02.01.2024
    [Red. vydalena]
  • Džek
    02.01.2024
    Dziakuj, usio pa spravie, cikava...

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Usie naviny →
Usie naviny

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu19

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

bolš čytanych navin
bolš łajkanych navin

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Hałoŭnaje
Usie naviny →