Usiaho patrochu

Ci sapraŭdy subcitry dapamahajuć vyvučyć zamiežnuju movu?

Kožny nastaŭnik zamiežnaj movy raić svaim vučniam hladzieć filmy z subcitrami. Heta adzin z dobrych sposabaŭ papoŭnić svoj słoŭnikavy zapas. Adnak, jak śćviardžajuć psichołahi, nie ŭsio tak adnaznačna.

Filmy z subtytrami Movies with subtitles Filmy s subtitrami
Fota: Getty Images

Jak piša prafiesar kahnityŭnaj psichałohii Univiersiteta Paryž-Uschod — Kretej — Val-de-Marn Ksaŭje Aparyśjo (Xavier Aparicio), efiektyŭnaść prahladu filmaŭ z subcitrami zaležyć ad uzroŭniu vałodańnia movaj, a taksama ad vidu subcitraŭ, jakija mohuć być troch typaŭ:

  • standartnyja — praduhledžvajuć pierakład z movy aryhinału na rodnuju movu aŭdytoryi;
  • zvarotnyja — film dublujecca na movu aŭdytoryi, a subcitry padajucca na movie aryhinału;
  • adnamoŭnyja — i mova filma, i subcitry padajucca na adnoj movie (dla ludziej z parušeńniami słychu).

Vučonyja z Univiersiteta Manpielje vyvučali rolu subcitraŭ u razumieńni filma. Rodnaj movaj udzielnikaŭ ekśpierymientu była francuzskaja. A vyvučali jany anhlijskuju. Pry hetym uzrovień vałodańnia byŭ dastatkova nievysoki. Udzielnikaŭ padzialili na try hrupy. Kožnaj pakazvali adnu ź viersij filma: sa standartnymi subcitrami, zvarotnymi ci subcitrami na toj ža movie (anhlijskaj).

Aŭtary adznačajuć, što ŭdzielniki hrupy, jakaja hladzieła film sa zvarotnymi subcitrami (francuzski dublaž i subcitry na anhlijskaj movie), prademanstravali lepšyja vyniki pa zapaminańni dyjałohaŭ.

Inšyja daśledavańni vyjavili, što prahlad filmaŭ z subcitrami na toj ža movie dapamahaje lepš zapomnić słovy. A voś standartnyja subcitry, naadvarot, pieraškadžajuć razumieńniu i zapaminańniu.

Vučonyja z Univiersiteta Manpielje praciahnuli svaje ekśpierymienty. Hetym razam jany vyrašyli vyznačyć, ci jość roźnica ŭ avałodańni movaju pry dapamozie filmaŭ z subcitrami ŭ navučencaŭ pačatkovaha, siaredniaha i prasunutaha ŭzroŭniaŭ.

Udzielniki kožnaj uzroŭnievaj hrupy byli padzieleny na čatyry častki, kožnaj była pakazanaja adna ź viersij: aryhinalnaja (biez subcitraŭ), adnamoŭnaja viersija, standartnaja i zvarotnaja.

Vyniki pakazali, što ŭdzielniki ź siarednim uzroŭniem vałodańnia movaj demanstravali adnolkavyja pośpiechi niezaležna ad viersii filma. A voś hrupa pačatkoŭcaŭ pakazała lepšyja vyniki pry prahladzie filma sa zvarotnymi subcitrami (dyjałohi na rodnaj movie i subcitry na zamiežnaj).

Udzielniki z vysokim uzroŭniem vałodańnia movaj adznačyli, što subcitry na ekranie źnižali jakaść razumieńnia. Vučonyja heta tłumačać tym, što subcitry — skaročanaja i adkarektavanaja viersija dyjałohaŭ. A ich źjaŭleńnie na ekranie nie zaŭsiody adpaviadaje momantu dyjałohu. U vyniku hladač nie moža źviazać słova, napisanaje ŭ subcitrach, sa słovam, skazanym u dyjałohu.

Čytańnie subcitraŭ składana kantralavać. Naša voka aŭtamatyčna čytaje infarmacyju a ekranie. Heta pakazali vyniki daśledavańnia, padčas jakoha fiksavaŭsia ruch vačej. Adciahnieńnie ŭvahi na subcitry aŭtamatyčna źmianšała čas kancentracyi na dziejańni, jakoje adbyvałasia na ekranie.

Jak adznačaje aŭtar artykuła, u vypadku standartnych i zvarotnych subcitraŭ, jakija praduhledžvajuć chutkaje čarhavańnie dźviuch roznych movaŭ, rastuć kahnityŭnyja vydatki, što ŭ vyniku pryvodzić da składanaściej u intehracyi elemientaŭ dyjałohu.

Takim čynam, efiektyŭnaść prahladu filmaŭ z subcitrami zaležyć ad spałučeńnia movaŭ, a taksama ad uzroŭniu vałodańnia hetymi movami hledača. Subcitry mohuć dapamahčy lepš zrazumieć dyjałohi i situacyju ŭ cełym, ale mohuć taksama stać pryčynaj źnižeńnia ŭvahi da taho, što adbyvajecca ŭ filmie (pavialičvajuć kahnityŭnuju nahruzku i paharšajuć utrymańnie ŭvahi).

Čytajcie jašče:

Jak chutka vyvučyć zamiežnuju movu? Voś 11 prostych paradaŭ

Chočacie na rodnaj movie? Voś piać resursaŭ, dzie možna pahladzieć kino pa-biełarusku

Nabiraje abaroty pietycyja za toje, kab na płatformie Duolingo stvaryć kurs vyvučeńnia biełaruskaj movy

Kamientary

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →