Sport11

Matč za Supierkubak Turcyi, što mieŭsia prajści ŭ Saudaŭskaj Aravii, admianili z-za cytat Ataciurka

Z-za palityki «Fienierbachče» i «Hałatasaraj», vidać, tak i nie zhulajuć u Er-Ryjadzie.

Fota: Murat Akbas / dia images via Getty Images

U Turcyi varjaciejuć ad futboła: takoj zaradžanaj atmaśfiery i dzikaha šumu na trybunach, jak tam, mabyć, niama nidzie ŭ Jeŭropie. Tym bolš kali supierničajuć najpapularniejšyja «Fienierbachče» i «Hałatasaraj». Niahledziačy na heta, z kamiercyjnych mierkavańniaŭ Supierkubak-2023 vyrašyli pravieści 29 śniežnia ŭ Er-Ryjadzie (Saudaŭskaja Aravija), piša Championat.com.

Suprać takoha pierajezdu vosieńniu vystupili abodva kłuby. Pryčyna — 100-hodździe z dnia ŭtvareńnia Tureckaj Respubliki ŭ 1923 hodzie ŭ vyniku raspadu Asmanskaj impieryi.

Voś što zajaŭlali pradstaŭniki «Hałatasaraja»: «My chočam, kab ludzi pahladzieli matč na ziemlach, jakimi jany vałodajuć, z nacyjanalnaj samaśviadomaściu. Niezaležna ad taho, chto za jakuju kamandu zaŭzieje».

Čynoŭniki nie pasłuchalisia, i heta pryviało da krachu. Kamandy ŭžo prylacieli ŭ Saudaŭskuju Araviju, jak raptam pierad samym matčam zdaryŭsia skandał.

Jany płanavali ŭ honar važnaj daty vyjści na pole pad turecki himn u futbołkach z vyjavaj pieršaha prezidenta Tureckaj Respubliki Mustafy Kiemala Ataciurka, a zaadno zachapić transparanty z cytatami znakamitaha palityka: «Mir doma — mir va ŭsim śviecie» i «Nakolki ščaślivy toj, chto kaža: «Ja turak».

U samy apošni momant, kali da pačatku Supierkubka zastavalisia ličanyja chviliny, arhanizatary zapatrabavali admovicca ad samadziejnaści. Haściam heta, samo saboj, nie spadabałasia, i ŭ vyniku matč admianili.

Kamandy viartajucca ŭ Stambuł, a tureckija zaŭziatary mocna aśvistali prymajučy bok — i za admienu futboła, i za sprobu zahłušyć muzykaj himn.

Paźniej «Fienierbachče» i «Hałatasaraj» vypuścili sumiesnuju zajavu:

«Kab adśviatkavać 100-hodździe našaj respubliki i Tureckaj fiederacyi futboła za miažoj, my arhanizavali pracu z našymi kłubami takim čynam, kab spryjać pavyšeńniu kaštoŭnaści brenda tureckaha futboła i našych kłubaŭ. Matč za Supierkubak Turcyi, jaki płanavaŭsia dla praviadzieńnia ŭ piatnicu, 29 śniežnia 2023 hoda, pieraniesieny na bolš poźni termin u vyniku sumiesnaha rašeńnia, pryniataha nami z našymi kłubami, z-za niekatorych zbojaŭ u arhanizacyi. My chacieli b padziakavać fiederacyi futboła i adpaviednyja ŭstanovy i arhanizacyi prymajučaj krainy za namahańni, jakija jany prykłali na ciapierašni momant u arhanizacyi Supierkubka».

Kamientary1

  • Žvir
    30.12.2023
    I chren ź imi.

Bajden vychodzić z prezidenckaj honki28

Bajden vychodzić z prezidenckaj honki

Usie naviny →
Usie naviny

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»9

bolš čytanych navin
bolš łajkanych navin

Bajden vychodzić z prezidenckaj honki28

Bajden vychodzić z prezidenckaj honki

Hałoŭnaje
Usie naviny →