Muzyka44

Popyt na viniłavyja kružełki ŭ Brytanii dasiahnuŭ piku z 1990 hoda

Rastuć taksama prodažy kasiet, jakija, zdavałasia, kanuli ŭ letu ŭ pačatku 1990-ch.

Tejłar Śvift, napeŭna, samaja jarkaja zorka sučasnaj pop-muzyki. Fota: Buda Mendes / TAS23 / Getty Images for TAS Rights Management

Pa danych handlovaj hrupy British Phonographic Industry (BPI), u paraŭnańni ź minułym hodam prodažy kružełak vyraśli na 11,7% — da 5,9 młn adzinak.

Samym pradavanym staŭ pierazapisany albom Tejłar Śvift «1989», na druhim miescy novy albom hurta Rolling Stones «Hackney Diamonds».

Prodažy kasiet taksama zastajucca vysokimi, pieravyšajučy 100 tysiač adzinak čaćviorty hod zapar.

Choć prykładna 80% zapisanaj muzyki ŭ śviecie pa-raniejšamu spažyvajecca ŭ ličbavym vyhladzie praz stryminhavyja płatformy, vinił nabiraje papularnaść.

Miełamany adznačajuć jaho kalekcyjny patencyjał, a aŭdyjofiły — lepšuju jakaść huku.

BPI zajaviła, što hetamu taksama spryjali papularnaść niezaležnych muzyčnych kram i adradžeńnie sietki muzyčnych kram HMV, jakaja znoŭ adkryła svoj hałoŭny markiet na Oksfard-stryt u Łondanie ŭ listapadzie hetaha hoda paśla čatyrochhadovaha pierapynku.

U śpisie samych pradavanych viniłavych albomaŭ 2023 hoda daminujuć novyja relizy. U dziasiatku najlepšych uvajšli vykanaŭcy Ed Šyran, Ljuis Kapaldzi i Łana Del Rej.

Adnak kłasičnyja albomy taksama pakazali vydatny vynik. Vialikim popytam karystajucca, naprykład, albom «Rumours» anhła-amierykanskaha hurta Fleetwood Mac, stvoranaha ŭ 1967 hodzie, i chit usich časoŭ «The Dark Side Of The Moon» hurta Pink Floyd, ale nie studyjny, a zapisany žyŭcom padčas vystupu hurta na stadyjonie Uembli ŭ 1974 hodzie.

Try albomy Tejłar Śvift — «1989», «Speak Now» i «Midnights» — uvajšli ŭ dziasiatku samych pradavanych łonhpłejaŭ u Vialikabrytanii ŭ hetym hodzie.

«Speak Now» i «1989» byli pierazapisany ŭ ramkach kampanii pa adnaŭleńni kantrolu nad tvorčaściu Śvift paśla taho, jak inviestycyjnaja kampanija kupiła jaje aryhinalnyja zapisy ŭ 2019 hodzie.

«Ja pierazapisała svaje pieršyja šeść albomaŭ, bo chacieła viarnuć sabie pravy na ŭłasnuju tvorčaść paśla taho, jak źmianiła hukazapisvalnuju kampaniju», — raspaviała śpiavačka na šou Hrema Nortana Bi-bi-si.

Top-10 samych pradavanych viniłavych albomaŭ 2023:

  • Tejłar Śvift — «1989 «(pierazapis)
    Rolling Stones — «Hackney Diamonds»
    Łana Del Rej — «Did You Know There's a Tunnel Under Ocean Blvd»
    Tejłar Śvift — «Speak Now» (pierazapis)
    Fleetwood Mac — «Rumours»
    Blur — «The Ballad of Darren»
    Pink Floyd — «The Dark Side of the Moon»
    Tejłar Śvift — «Midnights»
    Alivija Radryha — «Guts»
    Ljuis Kapaldzi — «Broken by Desire to be Heaven Sent»

U BPI kažuć, što prodažy kasiet, jakija praktyčna vyjšli z užytku ŭ pačatku 1990-ch hadoŭ, taksama pačali raści.

Što tyčycca CD, to, pa słovach śpiecyjalistaŭ, tut słušniej kazać nie pra rost popytu na ich, a pra zapavoleńnie spadu ich prodažaŭ: u 2023 hodzie było pradadziena kala 11 młn kampakt-dyskaŭ.

Albom This Life brytanskaha pop-hurta Take That staŭ samym pradavanym CD 2023 hoda. Samy papularny albom, zapisany na kasietu, — «Guts» Alivii Radryha.

«Choć prodažy kružełak u apošnija 16 hadoŭ rastuć, pryjemna bačyć stabilizacyju popytu na kampakt-dyski, a taksama toje, što novyja pakaleńni miełamanaŭ ulublajucca ŭ kasiety. Heta daje ludziam bolš čym kali-niebudź vybar u srodkach atrymlivać asałodu ad svajoj lubimaj muzykaj», — kaža kiraŭnik kampanii BPI Džo Tvist.

U 1990 hodzie piaciorka samych papularnych viniłavych kružełak u śviecie vyhladała tak:

  • «But Seriously» Fiła Kolinza
    «The Immaculate Collection» Madonny
    Kancertny albom troch tenaraŭ — Chase Karerasa, Płasida Daminha i Łučana Pavaroci
    «The Very Best» Ełtana Džona
    «Soul Provider» Majkła Bołtana

Kamientary4

  • A
    29.12.2023
    Tre chutka pisać Ryčardu Brensanu, mo ŭ jaho na składzie niešta zastałosia...
  • bhagawan
    29.12.2023
    spačatku mnie padavałasia heta prosta duraściu, ale heta bołš padobna na nadźmańnie finansavaha puchira. viniłavyja dyski kupłajyć mienavita jak finansavaje ŭkładańnie.
  • Vład
    29.12.2023
    A čamu ličbavy dysk vle viniłavaja kružełka?

Zamach na Donalda Trampa: u jaho stralali ŭ čas vystupu ŭ Piensilvanii2

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki15

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii2

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →