30 vieraśnia 2022 hoda Pušylin padpisaŭ z Pucinym «damovu» ab uvachodžańni «DNR» i novych akupavanych terytoryj Danieckaj vobłaści ŭ skład RF nibyta na pravach subjekta.
Da 15 hadoŭ za kratami zavočna asudžany kiraŭnik niezakonnaha ŭzbrojenaha farmavańnia «DNR» Dzianis Pušylin, havorycca ŭ paviedamleńni ŭkrainskaha suda.
Zaznačajecca, što ŭ vieraśni 2022 hoda Dzianis Pušylin sklikaŭ i pravioŭ pazačarhovaje pasiadžeńnie fejkavaj rady «DNR».
«Na schodzie nielehitymny deputacki korpus pryniaŭ tak zvany zakon «Ab refierendumie DNR pa pytańni ŭvachodžańnia ŭ skład RF». U dalejšym Pušylin nieadnarazova padkreślivaŭ u padkantrolnych miedyja nieabchodnaść dałučeńnia časova akupavanaj terytoryi Danieckaj vobłaści da RF, to-bok zaklikaŭ da zachopu Rasijaj terytoryi Ukrainy».
30 vieraśnia 2022 hoda Pušylin padpisaŭ z Pucinym «damovu» ab uvachodžańni kvazirespubliki i novych akupavanych terytoryj Danieckaj vobłaści ŭ skład RF nibyta na pravach subjekta.
24 lutaha 2022 hoda na padstavie abarony «DNR» ad «kijeŭskaha režymu» armija RF pačała tak zvanuju «śpiecapieracyju». U chodzie poŭnamaštabnaha ŭvarvańnia va Ukrainu parušany jaje suvierenitet, źniščanyja dziasiatki nasielenych punktaŭ i dahetul praciahvajucca zabojstvy i teror mirnaha nasielnictva.
Šmatdzietnaja maci Volha Załatar vyjšła na svabodu, całkam adbyŭšy čatyrochhadovy termin6
Kamientary