«Navat jaho dzieci byli za». Chalezin raspavioŭ, jak Łukašenku prapanoŭvali pakinuć krainu pad harantyi
Dramaturh i suzasnavalnik biełaruskaha Svabodnaha teatra Mikałaj Chalezin zhadaŭ na «Biełsacie», jak u 2020 hodzie z Łukašenkam sprabavali vieści pieramovy.
Havaryli ŭ tym liku pra vyzvaleńnie palitviaźniaŭ.
«Navat Anhieła Mierkiel zvaniła jamu. Jon nie padniaŭ trubki. My prapanoŭvali varyjant adlotu. Byŭ čałaviek, jaki hatovy byŭ harantavać jamu biaśpieku. Navat jaho dzieci byli za heta», —
raspavioŭ Chalezin, ale nie ŭdakładniŭ, adkul jamu heta viadoma.
«Nie mahu skazać. Heta pytańnie biaśpieki ludziej», — koratka prakamientavaŭ dramaturh.
Razvažajučy, što možna zrabić dla vyzvaleńnia palitźniavolenych, Chalezin zaŭvažyŭ, što ciapier heta pytańnie źviazana z adchileńniem Łukašenki ad ułady.
«Staŭki zanadta vysokija. Jon nie budzie vypuskać palitźniavolenych», — zaŭvažyŭ dramaturh.
Čytajcie jašče:
Imunitet, achova, zarobak, vyzvaleńnie ad padatkaŭ. Apublikavany pieralik harantyj dla eks-prezidentaŭ Biełarusi
Kamientary