Vajna1010

Vajskovy ekśpiert daje prahnoz pa situacyi na froncie va Ukrainie na nastupny hod

Vajskovy ekśpiert Aleh Ždanaŭ u svaim strymie acaniŭ suadnosiny rasijskich i ŭkrainskich sił na froncie i akreśliŭ pierśpiektyvy 2024 hoda.

Vyniki kontrnastupu Ukrainy ŭ 2023 hodzie Itohi kontrnastuplenija Ukrainy v 2023 hodu The results of Ukraine's counteroffensive in 2023

Jak adznačaje Ždanaŭ, za hod suadnosiny viernutych i stračanych Ukrainaj terytoryj prykładna adnolkavyja. Ale 2023 hod u adroźnieńnie ad 2022-ha adznačyŭsia karennym pierałomam u chodzie samoj vajny.

«Hałoŭnaje dasiahnieńnie 2023 hoda — pazbaŭleńnie rasijskaj armii zdolnaści pravodzić nastupalnyja apieracyi apieratyŭna-taktyčnaha ŭzroŭniu i apieratyŭnaha ŭzroŭniu. Jak raspavioŭ sam Šajhu na kalehii Ministerstva abarony Rasii, u 2023 hodzie straty rasijskaj armii pavialičylisia ŭ paŭtara raza», — zaŭvažaje Ždanaŭ.

Rasijskija ŭłady nie dajuć kankretnaj ličby svaich strataŭ.

«Z taktyčnaha punktu hledžańnia rasijski bok sprabuje atakavać pa ŭsioj linii frontu. Ciapier idzie inercyjny etap — paŭzučy nastup, pry jakim jany majuć častkovy pośpiech na asobnych učastkach apieratyŭnych napramkaŭ i prasoŭvajucca na adnu-dźvie pazicyi — na 100, 200, 300 mietraŭ.

Tolki na Bachmuckim napramku za ŭsiu vosień było 300-500 mietraŭ. I heta pry tym, što jany niasuć kratna bolšyja straty. Naprykład, za tydzień — 11 bataljonaŭ. Pad Bachmutam było 20 tysiač zabitych i kala 50 tysiač sanitarnych strat», — havoryć Ždanaŭ.

Aleh Ždanaŭ Oleh Ždanov Oleg Zhdanov
Aleh Ždanaŭ padčas strymu. Skryn videa OlegZhdanov / YouTube

Na pohlad analityka, tak zvany paŭzučy nastup doŭha nie praciahniecca, bo «palityčnyja tendencyi 2024 hoda nie dajuć Kramlu mahčymaści abviaścić druhuju chvalu mabilizacyi», a taja kolkaść ludziej, jakaja «vyciahvajecca z vajenkamataŭ», nie pakryvaje strataŭ na froncie.

Ždanaŭ adznačaje, što na siońnia na akupavanaj terytoryi Ukrainy razhornuta da 34 tysiač čałaviek Rashvardyi. U ich hałoŭnuju zadaču na 2023 hod uvachodziŭ adłoŭ dyzierciraŭ i ŭtrymańnie pad vartaj tych, chto admoviŭsia iści vajavać. Akramia hetaha źjavilisia amal što štatnyja zahradatrady.

Ukraina, na pohlad analityka, za 2023 hod vyrasła ŭ ahniavoj mahutnaści i pierałamiła ŭ palityčnym płanie Zachad, prymusiŭšy jaho pieraacanić hałoŭnyja sensy vajny. Ciapier tam razumiejuć nieabchodnaść pavieličeńnia pastavak uzbrajeńnia, kab Ukraina była ŭ stanie nanieści razhrom rasijskaj armii. Z palityčnaha punktu hledžańnia heta budzie pieramoha Zachadu.

Pierśpiektyvy 2024 hoda

Pa słovach Ždanava, na nadychodziačy hod Ukraina rychtuje maštabny nastup. Pry hetym «druhi raz nastupać na tyja ž hrabli nichto nie budzie». Nastupleńnie budzie pravodzicca pa mietodykach NATA z ahniavoj padtrymkaj z pavietra i ahniavym paražeńniem z dapamohaju rakietnych vojskaŭ.

Płanujecca, što Ukraina atrymaje ad 50 da 80 samalotaŭ. Asnoŭnaja ich masa pavinna pastupić u kancy studzienia — lutym. Ź imi razam, miarkuje Ždanaŭ, buduć pastaŭleny rakiety i inšyja bojeprypasy. Takim čynam, adbudziecca kratnaje ŭzmacnieńnie bajavoj mahutnaści.

«I ŭžo nie važna, kolki budzie linij Suravikina. A apieracyi buduć pravodzicca na adnym, maksimum na dvuch apieratyŭnych napramkach. Ale jany buduć upłyvać na ahulnuju karcinu linii frontu», — prahnazuje Ždanaŭ.

Pytańniem zastajecca, jakim čynam budzie praviedziena mabilizacyja 450-500 tysiač čałaviek. Na pohlad Ždanava, heta patreba Uzbrojenych sił Ukrainy na 2024 hod i «dla pakryćcia dvuch tracin budzie dastatkova pierahladu štatu dziaržsłužačych i siłavych struktur».

Suadnosiny sił na froncie

Šajhu 19 śniežnia zajaviŭ pra płany pavieličeńnia kolkaści rasijskich vojskaŭ u 2024 hodzie da 1,5 miljona. Ciapier kolkaść składaje 1 miljon 150 tysiač.

Ale z hetaj kolkaści, jak adznačaje Ždanaŭ, na ŭkrainskim froncie vajuje kala 430 tysiač čałaviek. Ź ich na piarednim krai — kala 250-300 tysiač.

Kali havaryć pra ŭkrainski bok, to «pad ružžom» znachodzicca 1 miljon 100 tysiač čałaviek. Hetuju ličbu ŭ adnym ź intervju nazyvaŭ David Arachamija. Ź ich 500 tysiač na froncie i 250 tysiač «na nuli». Takim čynam, adznačaje vajskovy analityk, na linii frontu pa kolkaści vojskaŭ nazirajecca parytet.

Nielha zabyvacca i pra padrychtoŭku ŭkrainskich vajskoŭcaŭ u vučebnych centrach za miažoju. Taksama padobnyja centry adkryvajucca na terytoryi Ukrainy. Instruktarami ŭ ich zjaŭlajucca vajskoŭcy, što prajšli navučańnie na Zachadzie.

Akramia hetaha Ukraina atrymlivaje bolš sučasnuju techniku. Heta artyleryjskija sistemy, tanki. Rychtujucca pastaŭki avijacyi i rakiet dalokaściu 300 kiłamietraŭ. Iduć pastaŭki sistem SPA. «Piać samalotaŭ za tydzień prosta tak nielha źbić. Značyć, niešta dali supiersučasnaje, što rasijanie nie mohuć navat uśviadomić», — raspaviadaje analityk.

Čytajcie jašče:

Ci stanie vajna va Ukrainie pazicyjnaj? Tłumačyć ekśpiert

Navošta ŭtrymlivać ukrainski płacdarm na levym bierazie Dniapra? Tłumačyć ekśpiert

Rasija stvaraje štrafnyja bataljony dla aficeraŭ

Kamientary10

  • Tak
    27.12.2023
    Ci varta kožnaha chto pramaŭlaje na YouTube nazyvać ekśpiertam? Dziela abjektyŭnaści čytačam varta było pradstavić, što pra "ekśpiertnaść" Ždanava dumajuć inšyja analityki i nie tolki.
  • Chacha tri raza((
    27.12.2023
    Rośsii v bližajšiej pierśpiektivie i nie nužny nastupatielnyje opieracii. Rośsijskije vojska chorošo okopaliś i mohut otnositielno spokojno pieriemałyvať nastupajuŝich ukrainciev. Dažie jeśli ukrainskije vojska budut s aviacijej. A jeśli lahut jeŝio nieskolko sotien tysiač Ivanov, Putinu na eto vsio ravno.
  • Naša Niva, surjozna?
    27.12.2023
    Cytavać «eksperta», jaki ŭ siaredzinie leta minułaha hodu (!) prarokavaŭ jadzierny terakt u Lidzie abo Astraŭcy?

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

Tramp aficyjna pryniaŭ naminacyju kandydata ŭ prezidenty ad Respublikanskaj partyi

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →