Viarchoŭny pradstaŭnik Jeŭrasajuza pa zamiežnych spravach Žazep Barel ličyć, što prezident Rasii Uładzimir Pucin vyrašyŭ praciahvać vajnu da «poŭnaj pieramohi». Ab hetym jon skazaŭ u intervju The Guardian.
«Pucin nie moža być zadavoleny tolki častkaj Ukrainy i situacyjaj, kali astatniaja terytoryja Ukrainy naležyć da Jeŭrapiejskaha sajuza. Jon nie moža być zadavoleny abmiežavanaj terytaryjalnaj pieramohaj. Jon nie spynić vajnu — tym bolš pierad amierykanskimi vybarami, jakija mohuć dać jamu našmat bolš vyhadny scenar. Tak što my pavinny być hatovymi da vysokaintensiŭnaha kanfliktu na doŭhi čas», — zajaviŭ Barel.
Na jaho dumku, Pucin pamyliŭsia adnosna siły svajoj armii i mahčymaściaŭ ukrainskaha supracivu.
«Jon pamyliŭsia adnosna voli Jeŭrasajuza. Jon pamyliŭsia adnosna siły transatłantyčnaha aljansu. Ale jon usio jašče tut. Jon pa-raniejšamu hatovy zmahacca, dazvolić svajmu narodu pamierci, kab jaho armija i jaho narod pakutavali, tamu što ŭ jaho niama zvarotnaha šlachu», — skazaŭ Barel.
Jon taksama papiaredziŭ, što va Ukrainie na kon pastaŭlena isnavańnie Jeŭrasajuza.
«Kali my chutka nie źmienim kurs, kali nie mabilizujem usie svaje mahčymaści, heta dazvolić Pucinu vyjhrać vajnu va Ukrainie», — dadaŭ jon.
Pa infarmacyi The New York Times, Pucin ź vieraśnia 2023 hoda pa roznych dypłamatyčnych kanałach padaje sihnały, što hatovy pačać pieramovy ab spynieńni ahniu va Ukrainie. Krynicy NYT śćviardžajuć, što Pucin pieradaŭ praz pasiarednikaŭ, što hatovy spynić ahoń i zamarozić bajavyja dziejańni ŭ ciapierašnich miežach. Surazmoŭcy vydańnia zajavili, što prezident RF «nie hatovy adychodzić ni na mietr».
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary