Hramadstva3333

«Vy ž im skažycie, što ja nie prarasijski staŭlenik». Byłaja advakatka Babaryki zhadvaje ich sustrečy

Advakatka Natalla Mackievič, jakaja abaraniała ŭ tym liku Viktara Babaryku, u vypusku kanała «Žyćcio-malina» zhadała apošni vizit da jaho. A taksama adkazała, ci razumieŭ Babaryka, čym pahražaje jamu ŭdzieł u vybarach.

Ci razumieŭ Babaryka, na što idzie

Natalla Mackievič zhadvaje, što paznajomiłasia ź Viktaram Babarykam u červieni 2020 hoda niezadoŭha da jaho zatrymańnia. «My pryjšli ŭ štab. Heta było tak uračysta. U pieramoŭnym pakoi była ŭsia kamanda. Jany razhladali mianie jak advakata pa pravach čałavieka. Ja pračytała nievialikuju lekcyju, što takoje pravy čałavieka i čaho ad mianie možna čakać».

Pa słovach advakatki, užo na toj sustrečy jana patłumačyła Babaryku, što jahonyja pravy parušajucca: «Vy ŭžo publična nazvanyja machlarom. Vaša prezumpcyja nievinavataści ŭžo parušajecca. Kali dalej tak sprava pojdzie, budzie jašče horš. Tamu važna hetuju liniju pravodzić. Potym heta buduć bačyć ludzi. Jany nie buduć unikać u niejkija ekanamičnyja abstaviny spravy, a buduć hladzieć na toje, što z vami robiać».

Natalla Mackievič Natalja Mackievič Natalia Matskevich
Natalla Mackievič. Skryn videa malina_by / YouTube

Pa słovach Natalli, pad čas toj sustrečy Babaryka spytaŭsia ŭ jaje, jak pravaabaroncy pryznajuć čałavieka palitźniavolenym, ci nie buduć jany dumać, što jon — prarasijski staŭlenik. «Vy ž im skažycie (jon dumaŭ, što ŭ mianie pramaja suviaź z pravaabaroncami), što nie, što ja biełarus», — zhadvaje słovy Babaryki advakatka.

Natalla Mackievič miarkuje, što sam Viktar Babaryka dapuskaŭ vierahodnaść taho, što jaho pasadziać. Ale nie dumaŭ, što heta budzie tak nadoŭha i žorstka.

«My (asabliva advakaty pa kryminalnych spravach) takuju mahčymaść dapuskali. My adrazu tłumačyli, jak pavodzić siabie na dopytach, što brać z saboju ŭ SIZA. Ale nie ŭsim u štabie heta padabałasia. Niekatoryja kazali: «Navošta vy pužajecie? U nas tut pazityŭ. My tolki da pieramohi. My pra drennaje nie dumajem». My pramaŭčali i nie stali havaryć, što kali tut budzie AMAP, vy nas vielmi zachočacie ŭbačyć».

Mackievič zhadvaje, što jana i inšyja advakaty tłumačyli členam štaba, što było raniej padčas vybarčych kampanij i što adbyvałasia z kandydatami na vybarach.

«Kali my sustrakalisia hety adziny raz ź Viktaram Dźmitryjevičam, kali jon byŭ na svabodzie, ja jamu skazała: «Mnie zdajecca, što nie ciapier vas zatrymajuć». Bo ŭ papiarednija vybary kandydataŭ zatrymlivali paśla vybaraŭ. Ale ja pamyliłasia. Nastupny raz ja jaho bačyła ŭ kabiniecie KDB», — raspaviała advakatka.

Pra apošniuju sustreču ź Viktaram Babarykam

Natalla Mackievič zhadvaje, što apošni raz sustrakałasia ź Viktaram Babarykam u kancy vieraśnia 2021 hoda, kali jon znachodziŭsia ŭ Navapołackaj kałonii:

«Paśla taho, jak jon pačaŭ pracavać, nam skazali, što my majem prava pryjazdžać paśla pracy, paśla viačery. Prykładna ŭ 18.30 možna było tudy zajści. Nam kazali: «My vas nie abmiažoŭvajem, ale ŭ 19.30 — viačerniaja pavierka». Potym možna było jašče zajści na paŭhadziny, ale my heta nie praktykavali, bo čałavieku nieabchodny niejki volny čas».

Natalla zhadvaje, što na apošniaj sustrečy jany abmiarkoŭvali pytańnie ŭmovaŭ pracy, a kankretna tempieraturu ŭ piakarni, jak možna na heta paŭpłyvać, mahčymaść pasyłki knih.

Pa słovach advakatki, joj padavałasia, što Viktar Babaryka zusim nie źmianiŭsia adnosna svaich unutranych ustanovak i pierakanańniaŭ, a taksama pavodzin: «Z pazityvam, niedzie my ź im pažartavali. Chiba što tady ja skazała: «Viktar Dźmitryjevič, vy pachudzieli. Vam heta dobra». Jon adkazaŭ: «Dziakuj, ja sam sabie i z toj vahoju padabaŭsia. Nie taja abstanoŭka, kab radavacca, što ja pachudzieŭ», —

zhadvaje advakatka i adznačaje, što tady jašče ŭsio było «ništavata».

@nashaniva Žachlivyja naviny pra Viktara Babaryku ŭ turmie #novopołock #biełaruś #sročnyjenovosti #navinybiełarusi #naviny #našaniva #novostibiełarusi #biełorusy #babariko #viktorbabariko ♬ snowfall - Øneheart & reidenshi

Čytajcie jašče:

«Byli traŭmy na hałavie». Stali viadomy padrabiaznaści špitalizacyi Viktara Babaryki naprykancy krasavika

Viktaru Babaryku — 60. Što viadoma pra jaho za kratami

Kamanda Viktara Babaryki prapanuje źniać pra jaho film

Kamientary33

  • Ci razumieŭ Babaryka, na što idzie
    23.12.2023
    šmat hazpramaŭskich mieniedžaraŭ apaśla taho słučajna vyšła ŭ mackvie ni ŭ to akno...
    a ety kałabok choć žyvy)
  • ja vam nie jeva )
    23.12.2023
    [Red. vydalena]
  • za jazyk nichto nie ciahnuŭ, ŭsie čuli,
    23.12.2023
    Nu i nie biełaruski,
    "a počiemu nie million" taksama ŭsie (?)) čuli )
    i taksama nichto za jazyk nie ciahnuŭ

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena2

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena

Usie naviny →
Usie naviny

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

Były palitviazień spaliŭ svoj biełaruski pašpart VIDEA22

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

bolš čytanych navin
bolš łajkanych navin

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena2

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena

Hałoŭnaje
Usie naviny →