Hramadstva1313

Jak skłalisia losy byłych kiraŭnikoŭ KDB

Pa atrymańni Biełaruśsiu niezaležnaści staršyniami KDB pabyli 10 słužboŭcaŭ. Paśla zvalnieńnia adny byłyja čekisty znachodzili pracu ŭ Maskvie, inšyja, choć i byli ŭ apale, jechali pasłami. Ale byvali i inšyja pavaroty.

Eduard Šyrkoŭski

Staršyniavaŭ u KDB z 1990 pa 1994 hady. Byŭ kiraŭnikom KDB BSSR i zachavaŭ pasadu ŭ niezaležnaj Biełarusi.

Nahodaj stała vydača Litvie kiraŭnikoŭ tamtejšaj kampartyi Mikołasa Burakavičusa i Juozasa Jermałavičusa, jakich na radzimie abvinavačvali ŭ sprobie dziaržaŭnaha pieravarotu ŭ studzieni 1991 hoda. Kamunisty pierabyvali ŭ Biełarusi nielehalna.

Eduard Šyrkoŭski. Archiŭnaje fota

61-hadovy Eduard Šyrkoŭski 31 sakavika 1994 hoda vyjšaŭ na piensiju. U dastupnych krynicach niama źviestak, čym zajmaŭsia adstaŭny hienierał KDB.

Hienadź Łavicki

Łavicki ŭznačalvaŭ KDB 5 miesiacaŭ: z 22 lutaha pa 23 lipienia 1994 hoda.

U adstaŭku siłavik syšoŭ paśla taho, jak Kiebič, jakoha jon padtrymlivaŭ, prajhraŭ na prezidenckich vybarach Łukašenku.

Hienadź Łavicki. Fota: bis.nlb.by

U 1995 hodzie Łavicki pryniaŭ prapanovu Łukašenki stać pasłom Biełarusi ŭ Izraili.

Pamior Łavicki paśla ciažkaj chvaroby 18 vieraśnia 2013 hoda. Jamu byŭ 71 hod.

Uładzimir Jahoraŭ

Kiraŭnikom viedamstva Łukašenka pryznačyŭ Jahorava praz paŭhoda, jak Viarchoŭny saviet adpraviŭ taho ŭ adstaŭku z pasady ministra ŭnutranych spraŭ.

Uładzimir Jahoraŭ. Fota: kp.ru

Pracoŭnuju dziejnaść Jahoraŭ pačaŭ z dyrektarstva ŭ Čerykaŭskim domie kultury. Padčas prezidenckich vybaraŭ 1994 hoda byŭ davieranaj asobaju Stanisłava Šuškieviča.

U adstaŭku ž syšoŭ, bo ŭ 1995-m navažyŭsia bałatavacca ŭ Viarchoŭny saviet.

Paśla refierendumu 1996 hoda Łukašenka padpisaŭ zakon «Ab spynieńni paŭnamoctvaŭ Viarchoŭnaha savieta trynaccataha sklikańnia». Z deputataŭ, łajalnych Łukašenku, była sfarmavanaja Pałata pradstaŭnikoŭ.

U dalejšym vyjšaŭ na piensiju. Pieranios niekalki apieracyj na sercy.

Uładzimir Mackievič

Staršynia KDB z 20 śniežnia 1995 hoda pa 27 listapada 2000 hoda.

Uładzimir Mackievič. Fota: bis.nlb.by

Mackievič i Bažełka prychodzili da Alaksandra Łukašenki z prapanovaj aryštavać dziaržsakratara Rady Biaśpieki Viktara Šejmana, jaki daručyŭ kamandujučamu ŭnutranymi vojskami (u budučym ministru ŭnutranych spraŭ) Juryju Sivakovu sfarmavać kamandu dla vykanańnia śpiecyjalnych zadańniaŭ.

Byŭ pasłom Biełarusi ŭ Juhasłavii (z 2001) i pa sumiaščalnictvie ŭ Bośnii i Hiercahavinie (z 2002).

U Rasii pracavaŭ daradcam u kampanii «Savkamfłot», jakaja śpiecyjalizujecca na dastaŭcy naftapraduktaŭ pa mory.

U 2015 hodzie viarnuŭsia ŭ Biełaruś. Rabiŭ daradcam u kampanii «Hazpromnafta».

Leanid Jeryn

Jeryn kiravaŭ viedamstvam, kali ŭ Biełarusi prachodzili try elektaralnyja kampanii, jakija supravadžalisia masavymi pratestami. 

Pa jaho vynikach była źmienienaja kanstytucyjnaja norma, jakaja abmiažoŭvała prezidenckija paŭnamoctvy dvuma terminami. Łukašenka atrymaŭ mahčymaść bałatavacca na pasadu prezidenta kolki zaŭhodna razoŭ.

Leanid Jeryn. Fota: hvali.by

Jeryn byŭ pieršym na toj čas kiraŭnikom biełaruskaha KDB, jaki vinavaciŭ zamiežnyja siły ŭ pravakacyjach padčas praviadzieńnia vybarčych kampanijach. Jon ža zajaŭlaŭ, što KDB maje namier uzmacnić kantrol za internetam.

Staršynia KDB dazvalaŭ sabie niesankcyjanavanyja Łukašenkam publičnyja volnaści.

Padčas hutarki Jeryn skazaŭ, što «pryjdzie čas i ŭsie daviedajucca praŭdu».

U 2005 hodzie hienierał-lejtenant Leanid Jeryn znajšoŭ pracu ŭ Maskvie. Jaho ŭziali daradcam hienieralnaha dyrektara Rasijskaj čyhunki pa transpartnaj biaśpiecy.

U 2019 hodzie 67-hadovy były kiraŭnik biełaruskaha KDB uvachodziŭ u praŭleńnie fondu «Transpartnaja biaśpieka» i ŭznačalvaŭ upraŭleńnie pa abaronie piersanalnych danych Rasijskaj čyhunki.

Ściapan Sucharenka

Sucharenka prasłaviŭsia hučnymi zajavami ab padrychtoŭcy apazicyjaj bajevikoŭ, jakija buduć udzielničać u masavych biesparadkach i navat pravodzić terakty.

Ściapan Sucharenka. Fota: biathlon.by

25 sakavika byŭ zatrymany pretendent na prezidenctva Alaksandr Kazulin, jaki vioŭ kałonu da izalatara na Akreścina. Paźniej palityka asudzili da 5,5 hoda kałonii ahulnaha režymu za «złosnaje chulihanstva». Jon byŭ vyzvaleny ŭ 2008 hodzie.

Aficyjna Sucharenku i jaho pieršaha namieśnika Vasila Dziemiancieja adpravili ŭ adstaŭku «ŭ suviazi ź pierachodam na inšuju rabotu».

U 2008 hodzie Sucharenku Łukašenka adpraviŭ pasłom u Armieniju. Tam jon prabyŭ da 2015 hoda.

U 2018 hodzie siamja Sucharenki zdavała katedž u Drazdach za 3500 dalaraŭ u miesiac.

Juryj Žadobin

Staršynia KDB z 17 lipienia 2007 hoda pa 15 lipienia 2008 hoda.

Jon patrabavaŭ ad padnačalenych, kab na słužbu prychodzili ŭ formie, šychtavaŭ ich na płacu i začytvaŭ zahady.

«U tak zvanuju supolnaść destruktyŭnych elemientaŭ, — kazaŭ jon, — uvachodzić usiaho 1767 asobaŭ. My ich usich viedajem pajmienna, i ich nie robicca ni bolš, ni mienš».

Juryj Žadobin. Fota: mil.by

Dziaržsakratarom u Radzie biaśpieki były kiraŭnik KDB prabyŭ bolš za hod. Paśla krytyki Łukašenka pryznačyŭ jaho ministram abarony.

Zatym u 60 hadoŭ u zvańni hienierał-lejtenanta byŭ zvolnieny ŭ zapas pa ŭzroście.

Vadzim Zajcaŭ

Staršynia KDB z 15 lipienia 2008 hoda pa 9 listapada 2012 hoda.

Na 4,5 hoda staršynavańnia Zajcava ŭ viedamstvie prypali libieralizacyja, prezidenckija vybary, jakija skončylisia brutalnym razhonam Płoščy-2010 i aryštam kandydataŭ u prezidenty.

U 2011 hodzie adbyŭsia terakt u minskim mietro.

Vadzim Zajcaŭ. Fota: telegraf.by

Za čas kiraŭnictva KDB Zajcavym byli skandały, źviazanyja z supraćstajańniem jaho viedamstva z roznymi inšymi siłavymi słužbami.

Zajcava adpravili ŭ adstaŭku 9 listapada 2012 hoda.

U 2013 hodzie hienierał-lejtenant Zajcaŭ staŭ hienieralnym dyrektaram najbujniejšaha ŭ Minsku pryvatnaha kabielnaha apieratara «Kosmas TB».

Valeryj Vakulčyk

Na hety čas prypała vyzvaleńnie palitviaźniaŭ, jakija trapili za kraty pa razhonie Płoščy-2010, čarhovaja libieralizacyja, jakaja pačałasia paśla interviencyi Rasii va Ukrainu (akupacyi Krymu i raźviazańnia vajny na Danbasie), masavyja pratesty suprać dekretu «Ab darmajedstvie».

Valeryj Vakulčyk. Fota: Tut.by

Łukašenka ŭ intervju rasijskim žurnalistam zajaviŭ, što kiraŭnik KDB pazbaviŭsia svajoj pasady praz zatrymańnie ŭ krainie 33 rasijan.

Łukašenka pryznačyŭ Vakulčyka dziaržaŭnym sakratarom Rady biaśpieki.

3 listapada Vakulčyk byŭ zvolnieny sa słužby ŭ zapas pa ŭzroście.

Ciapierašni kiraŭnik KDB — Ivan Cierciel. Na pasadu byŭ pryznačany 3 vieraśnia 2020 hoda.

Ivan Tertel chief of State Security Committee of Belarus
Ivan Cierciel, staršynia Kamiteta dziaržaŭnaj biaśpieki. Skrynšot videa

Da pryznačeńnia ŭ KDB mieniej za try miesiacy kiravaŭ Kamitetam dziaržaŭnaha kantrolu.

@nashaniva Jak skłalisia losy byłych kiraŭnikoŭ KDB #tiertiel #khb #khbbiełaruś #milicijabiełarusi #biełaruś #novostibiełarusi #pabiełarusku #biełaruskityktok #našaniva ♬ TRANSGENDER (PEARL WHITE VIP) - PEARL WHITE

«Naša Niva» — bastyjon biełaruščyny

PADTRYMAĆ

Jak skłaŭsia los siłavikoŭ, što dušyli narod u 2020 hodzie

Bajpoł: Zajcava źniali za toje, što sprabavaŭ pastavić prasłuchoŭku ŭ kabiniecie Vakulčyka. Što kažuć krynicy?

Cierciel pra Tarajkoŭskaha: «Vyjšaŭ — i nachabna staić pierad milicyjaj»

Kamientary13

  • korrupcija
    04.01.2024
    Łukašienko utvierždał, čto śniał Sucharienko za to, čto on naličnymi płatił stroitielam svojeho doma, čto v Drozdach, proischoždienije kotorych nie smoh podtvierdiť pri provierkie. https://d-zholik.livejournal.com/101350.html
  • Pravdorub
    04.01.2024
    Pri etom, nie znaju, kak otnosiťsia k ličnosti Vakulčika, nieodnoznačnyj čiełoviek
    No Fantomas - točno dopryhałsia do požiźniennoho za pomoŝ v zachvatie vłasti!
  • Zmahar
    04.01.2024
    “Byłych” kiraŭnikoŭ KDB nie byvaje 😁

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →