Navuka i technałohii

U Telegram ciapier možna mianiać hołas padčas zvankoŭ. Jak heta pracuje?

U miesiendžary Telegram źjaviłasia mahčymaść źmianiać svoj hołas padčas zvankoŭ. Novaja funkcyja adnak nie źjaŭlajecca častkaj aficyjnaha abnaŭleńnia Telegram, i jaje nielha adšukać ŭ naładach sacsietki. 

Fota: «Naša Niva»

Kampanija Voicemod, stvaralnica adnajmiennaj papularnaj niejrasietki Voicemod dla źmieny hołasu ŭ realnym časie, adaptavała svoj pradukt pad Telegram i ŭ supracoŭnictvie z kiraŭnictvam sacsietki vypuściła novy dadatak VMgram.

Debiut VMgram, pa słovach jaho stvaralnikaŭ, źjaŭlajecca «pieršaj pramoj intehracyjaj praduktaŭ kampanii Voicemod ź inšaj kamunikacyjnaj płatformaj (Telegram), jaki dazvolić karystalnikam sacsietki pieraŭtvarać svaje hałasy ŭ realnym časie padčas aŭdyjo– i videazvankoŭ».

Novy dadatak adnak dastupny pakul tolki dla smartfonaŭ Android. A iOS-viersiju VMgram raspracoŭščyki abiacali vypuścić bližejšym časam.

«Naša Niva» spampavała VMgram (pradukt jašče ŭ beta-viersii) i pravieryła, jak toj pracuje padčas zvankoŭ u Telegram i jakija jašče funkcyi jość u dadatku. 

Paśla ŭstanoŭki dadatku, VMgram paprosić vas uvajści ŭ svoj dziejny pa aktualnym numary telefona akaŭnt Telegram (praces uvachodu całkam identyčny uvachodu ŭ Telegram, u tym liku pa ŭvodzie sms-koda i parola dvuchfaktarnaj aŭtentyfikacyi, kali jon ŭ vas majecca).

Dalej praz dadatak adkryjecca hałoŭny ekran vašaha akaŭnta ŭ Telegram z usimi čatami, naładami i hetak dalej (poŭnaja kopija miesiendžara). Funkcyja źmieny hołasu taksama stanovicca dastupnaj.

Kab joj skarystacca, treba zajści praz VMgram u luby dyjałohavy čat i nacisnuć na značok, jaki pakazany na skrynšocie źnizu.

Paśla hetaha adkryjecca mieniu sa śpisam dastupnych hałasavych efiektaŭ. U beta-viersii VMgram ich pakul tolki 10. 

Dziakujučy im možna zrabić hołas dziciačym ci naadvarot nadać jamu hłybini i nizkaha basu (byccam jaho apracavali siłaviki). Možna dadać na fon recha, staronnija šumy, imitacyju drennaj suviazi albo razmaŭlać, jak aŭtaadkazčyk. 

Adnak častka hetych filtraŭ na stadyi beta-viersii nie zaŭsiody pracuje spraŭna, i byvaje tak, što efiekt ad niekatorych ź ich naohuł nie adčuvajecca surazmoŭcam.

U lubym vypadku, dadatak tolki vyjšaŭ u śviet i heta jašče nie finalnaja jaho viersija.

Źmianiać hołas možna i padčas samoha zvanka. Dla hetaha, kali telefanujecie, treba nacisnuć na značok «Sound Effects» i abrać funkcyju «Apply voice filer» (u pracesie zvanka možna źmianiać ci adklučać hałasavyja efiekty). Pracuje i ź videa.

Akramia hetaha, dadatak VMgram dazvalaje adpraŭlać vašym kantaktam hukavyja paviedamleńni, kalekcyja jakich składaje bolš za 150 tysiač roznych hukaŭ. Dasyłać huki možna padčas pierapiski ŭ čatach i padčas zvankoŭ.

Dla taho, kab znajści hukavuju panel u čacie, naciśnicie na značok emodžy ŭ levaj nižniaj častcy ekrana i zatym abiarycie ŭkładku «Soundboard». Hukavyja paviedamleńni tam raźbityja pa katehoryjach.

Kali vy žadajecie adpravić huk padčas zvanka, to prosta naciśnicie na značok «Sound Effects» i zatym abiarycie varyjant «Send a Sound».

Ale važna pamiatać, što hetym dadatkam ciapier mohuć karystacca i machlary ź siłavikami.

«Naša Niva» — bastyjon biełaruščyny

PADTRYMAĆ

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →