Muzyka66

Jak ciapier žyvie bajanist Vital Varanko, jaki ŭ 2020 hodzie nazyvaŭ Łukašenku supierhierojem?

«Ja prosta hladžu na hetu situacyju i baču: naohuł nichto nie padtrymlivaje našaha prezidenta», — tłumačyŭ u 2020-m bajanist Vital Varanko, čamu zapisaŭ klip u padtrymku Łukašenki. Jak skłałasia žyćcio artysta paśla? 

Fota sa staronki Vitala Varanko ŭ instahramie

Ledź nie zabłytaŭsia ŭ «baćkach»

Raniej Varanko to śmiašyŭ žury i hledačoŭ papularnaha brytanskaha šou talentaŭ Britain's Got Talent, to «šukaŭ sapraŭdnaje kachańnie» na rasijskim šou «Dom-2».

A ŭ 2020 hodzie źniaŭ klip u padtrymku Łukašenki.

«Baťka, rodnyj naš Baťka. Bulba s toboju, s narodnoj lubovju. Apłodiruju stoja supierhieroju», — badziora śpiavaŭ tady Vital i skakaŭ pa poli. Ale reakcyja na pieśniu akazałasia zusim nie takoj, na jakuju raźličvaŭ śpiavak. Za try hadziny paśla premjery ŭ klipa było 1300 dyzłajkaŭ i ŭsiaho 52 łajki. A siarod 1682 kamientaryjaŭ vielmi ciažka było znajści pazityŭnyja. Zatoje hledačy napisali šmat svaich varyjantaŭ pieśni pra ŭčynak Varanko.

Vitalu navat pryjšłosia niejak apraŭdvacca ŭ intervju «Kamsamolskaj praŭdzie». Jon skazaŭ, byccam radok «Apłodiruju stoja supierhieroju» pryśviaciŭ svajmu baćku, jaki zmahaŭsia z ankałohijaj. Ale ž i Łukašenku padziakavaŭ — za «mirnaje nieba» i toje, što niama vajny.

— Ja mahu spakojna pakinuć adkrytaj mašynu na vulicy, mahu spakojna hulać nočču pa vulicy. Mnie nie strašna, — kazaŭ tady Vital. — A mnie jość z čym paraŭnać: ja žyŭ u Aŭstralii, Amierycy i Vialikabrytanii. Pamiataju, jak pražyvaŭ na 8-j Avieniu ŭ Ńju-Jorku, a na 10-j u hety momant kahości zabili. I mnie nasamreč stała strašna.

U Aŭstralii Varanko pužali jadavityja skarpijony, jakija mohuć ukusić. U Biełarusi takich niama, tamu radzimu Vital nazvaŭ krainaj dla žyćcia.

U 2020 hodzie Vital taksama vystupaŭ na praŭładnym kancercie ŭ Kijeŭskim skviery, padčas jakoha chłopcy za dydžejskim pultam źnianacku ŭklučyli «Pieramien» Coja.

Fota sa staronki Vitala Varanko ŭ instahramie

Paśla hetaha vypadku Varanko nijakich hučnych zajaŭ nie rabiŭ. U vieraśni 2020 hoda napisaŭ u svaim instahramie: «Kali byvaješ u inšych haradach i krainach, razumieješ, što ŭ cełym Biełaruś — heta cudoŭnaje miesca dla stvareńnia materyjału suśvietnaha maštabu i tolki lanivyja ludzi nie skarystajucca tymi resursami, jakija ŭ nas jość u krainie — heta studyi hukazapisu, fotastudyi, arenda luboha abstalavańnia pa dastupnaj canie i, viadoma ž, talenavityja ludzi, jakimi zachaplaješsia z kožnym dniom usio bolš i bolš. A fota zroblena ŭ Maskvie».

Źjechaŭ z «krainy dla žyćcia»

U kancy śniežnia 2020 hoda Vital paviedamiŭ padpisčykam u instahramie, što kampanija Zonta vyrašyła zabrać u artysta svoj elektrabajan, ź jakim Vital časta vystupaŭ (raniej u intervju artyst raspaviadaŭ, što hety bajan ekśpierymientalny i nabyć taki ŭ kramie niemahčyma). Ale supakoiŭ svaich prychilnikaŭ: maŭlaŭ, u jaho zastaŭsia instrumient, na jakim jon vyjhraŭ šmat konkursaŭ jak kłasičny muzykant — jaho artystu nabyŭ baćka.

Jašče Vital pryznaŭsia, što źjechaŭ u Rasiju i bolš nie piaje soła, a vystupaje ŭ składzie hurta «Chašmal» (u pierakładzie ź iŭryta heta słova aznačaje śviatło, elektryčnaść). Novy 2021 hod Varanko sustrakaŭ u Maskvie na pryvatnaj viečaryncy.

Ad «Jeŭrabačańnia» da vystupaŭ u rasijskich restaranach

Hurt «Chašmal» prymaŭ udzieł u biełaruskim adbory na «Jeŭrabačańnie-2021» (raniej Vital sam šeść razoŭ sprabavaŭ trapić na hałoŭny piesienny konkurs Jeŭropy, ale zaŭsiody zastavaŭsia tolki ŭdzielnikam nacyjanalnaha finału). Śpiavaŭ kalektyŭ tady pieśniu «Shugar Ball» — darečy, na jutub-kanale hurta hety klip nabraŭ miljon prahladaŭ.

Tady pieramohu addali hurtu «Hałasy ZMiesta» (pra isnavańnie kalektyvu šyrokaja hramadskaść daviedałasia paśla vybaraŭ — jon vykonvaŭ źjedlivyja ahitki pra pratesty, dvarovyja čaty, apazicyjnych palitykaŭ) ź pieśniaj «Ja navuču ciabie». Ale Jeŭrapiejski viaščalny sajuz u vyniku dyskvalifikavaŭ Biełaruś, bo heta palityzavanaja pieśnia parušała praviły konkursu.

Hurt «Chašmal». Fota sa staronki Vitala Varanko ŭ instahramie

Zdajecca, spravy ŭ «Chašmal» tady išli nie vielmi dobra, bo Varanko ŭ instahramie pisaŭ pra toje, što hurt z zadavalnieńniem budzie hrać navat u nievialikich pamiaškańniach, dzie niemahčyma pastavić scenu — tolki zaprašajcie.

Paśla niaŭdałaj historyi z «Jeŭrabačańniem» Varanko na niekalki miesiacaŭ źnik z sacsietak, a potym pačaŭ vykładać anonsy kancertaŭ hurta ŭ rasijskich restaranach dy pabach.

Hurt «Chašmal». Skrynšot staronki Vitala Varanko ŭ instahramie

Nastaŭnik spartoŭki

Varanko pazicyjaniruje siabie i jak muzyčnaha koŭča. Na jaho jutub-kanale jość niekalki videa z vakalnymi praktykavańniami. Maksimalnaja kolkaść prahladaŭ — 132.

Mienavita Vital vučyŭ vakału lohkaatletku Nastaśsiu Mirončyk-Ivanovu, adnu z samych aktyŭnych spartovak, jakija padtrymlivajuć łukašenkaŭskuju ŭładu. Jana kazała ŭ intervju «Słuckamu kraju», što ciapier jaje tvorčaja karjera na paŭzie: «Śpiavak, kampazitar i bajanist-virtuoz Vital Varanko, ź jakim my supracoŭničali, ciapier u Maskvie — u jaho prajekty. Zajmajusia pavoli doma sama, šukaju piedahoha pa vakale. Ale ja nie maru stać zorkaj sceny, heta prosta chobi. Niechta viaža, niechta marki źbiraje, a ja lublu śpiavać».

«U mianie jość płan»

Sioleta Varanko znoŭ vyrašyŭ prajavić aktyŭnaść na radzimie. Razam sa śpiavačkaj Hiuneš jon zapisaŭ pieśniu «Pasłuchaj», a ŭ žniŭni pachvaliŭsia novaj pieśniaj hurta «Chašmal» — «U mianie jość płan».

Uletku hurt udzielničaŭ prahramie zasłužanaha artysta Biełarusi Viktara Babarykina «Viečar u mažory» na «Radyjo-Minsk».

Fota sa staronki Vitala Varanko ŭ instahramie

Užo ŭ vieraśni Vital, jak i raniej, vystupaŭ na «Dobraj ranicy, Biełaruś!» na telekanale «Biełaruś 1» i chvaliŭ viadučych. A 10 listapada «Chašmal» syhraŭ u Minsku ŭ stejk-chaŭsie «Rya» (kancert sprabavali rekłamavać jak hrandyjoznuju padzieju). Kvitki kaštavali 35 rubloŭ.

Kali mierkavać ź instahrama Varanko, nastupnaje vystupleńnie hurta adbyłosia na dni naradžeńnia rasijskaj pradziusarki Dzijany Bičaravaj (jana pijaryła roznych skandalnych asobaŭ, naprykład, Dzijanu Šuryhinu). A zatym jon znoŭ śpiavaŭ u rasijskim pabie — navat nie svaju pieśniu, a kavier na chit śpiavački Maksim «Znaješ li ty».

Kamientary6

  • losik
    15.12.2023
    Bolš cikava, jak spravy ŭ dydžejaŭ pieramien
  • Josik
    15.12.2023
    Mirončyk-Ivanova, idzi da Hruździevych ci Saładuchi, jany taksama nie viedajuć, što takoje vakał - bolš nachvalvać łukašenku i ty ŭžo estradnaja zorka.
  • mikola
    15.12.2023
    [Red. vydalena]

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →