Były prezident Ukrainy Leanid Kučma. Fota: Yurii Stefanyak / Global Images Ukraine via Getty Images

Były prezident Ukrainy Leanid Kučma. Fota: Yurii Stefanyak / Global Images Ukraine via Getty Images

U svaim pieršym z 2015 hoda intervju zachodnim vydańniam, jakoje jon daŭ The Guardian, Kučma nazvaŭ Pucina karjernym supracoŭnikam KDB. «Heta jaho prafiesija, z usim, što vynikaje z hetaha, — skazaŭ jon, dadaŭšy. — Ludzi kažuć, što jaho apantanaść Ukrainaj — heta niejkaja manija abo psichičnaje rasstrojstva. Moža, i praŭda».

Kučma raspavioŭ vydańniu, što 24 lutaha 2022 hoda padčas napadu Rasii jon i jaho žonka Ludmiła znachodzilisia ŭ centry Kijeva.

«Ja byŭ upeŭnieny, što Pucin zdolny ŭvarvacca, ale nie ŭpeŭnieny, ci navažycca jon na ŭvarvańnie», — skazaŭ jon.

Ranicaj jany pračnulisia ad vybuchaŭ: «Heta było žudasna, šok. Na vulicy ja ŭbačyŭ dva bambaviki, jakija lacieli nad majoj hałavoj».

Na dumku Kučmy, metaj Pucina było nie tolki zachapić ziamlu, ale i źniščyć «kancepcyju» samoj Ukrainy jak «kankurentnaj alternatyvy Rasii».

Pieršyja prykmiety revizijanisckich ambicyj Maskvy zjavilisia ŭ 2003 hodzie, skazaŭ Kučma. Pucin, novy prezident Rasii, zajaviŭ tady pretenzii na nievialiki vostraŭ Tuzła ŭ Čornym mory, pamiž Krymam i macierykovaj častkaj Rasii. Tady Pucin daŭ zadni chod.

Ale potym rasijski prezident pasłaŭ dadatkovyja «vyraznyja sihnały» ab svaim namiery siłaj pašyryć miežy Rasii, kali ŭ 2008 hodzie nakiravaŭ vojski ŭ susiedniuju Hruziju. Uśled za hetym viasnoj 2014 hoda jon zachapiŭ Krym.

«Było vielmi niepryjemna, što śviet nie adreahavaŭ. Maŭčali», — skazaŭ Kučma. «Pucin razumieŭ, što moža zrabić usio, tamu što pryncypovaha adkazu nie było».

Były prezident Ukrainy skazaŭ, što daremna dumać, što Pucin pahodzicca na mirnyja pieramovy.

«Pucin nie moža padpisać dakumient, u jakim śćviardžajecca, što jon nie atrymaŭ [va Ukrainie] taho, čaho chacieŭ. Jamu treba było b heta rastłumačyć heta ruskamu narodu. Jon kiraŭnik Rasii», — skazaŭ Kučma.

Na pytańnie, čamu Ukraina, na ździŭleńnie Kramla, letaś akazała supraciŭ Rasii, Kučma adkazaŭ: «Tamu što ruskija — nie ŭkraincy. U nas inšy mientalitet».

Jon skazaŭ, što ruski ład myśleńnia pachodzić ad manhołaŭ, jakija kiravali rańniaj Maskvoj. Ukraina, naadvarot, biare svoj pačatak z Kijeŭskaj Rusi, pravasłaŭnaha kniastva IX stahodździa, na spadčynu jakoha Pucin pretenduje.

Kučma vykazaŭsia pra sučasny palityčny stan va Ukrainie. Jon padtrymlivaje rašeńnie nie pravodzić vybaraŭ prezidenta ciapier.

«Našy damy bambiać. Sałdaty ŭ akopach. Piać miljonaŭ ukraincaŭ žyvuć u Jeŭropie. U hetych umovach nielha prasić ludziej vyjści i prahałasavać. Heta absurd», — skazaŭ jon i dadaŭ:

«Kali b jany adbylisia, ja ŭpeŭnieny, što pieramoh by Zialenski».

Poŭnamaštabnaja vajna «abjadnała» Ukrainu i źniščyła «supiarečnaści», jakija isnavali padčas jaho prezidenctva pamiž uschodnimi i zachodnimi rehijonami, havoryć Kučma. «Ludzi nienavidziać Rasiju za pakuty i straty. Stolki ŭkraincaŭ zahinuła abo paraniena». Pavodle jaho, budučynia Ukrainy ŭ ES i NATA, a nie ŭ składzie rasijskaj impieryi.

Na pytańnie, ci moža Kijeŭ pieramahčy ŭ toj čas, kali mižnarodnaja salidarnaść, zdajecca, zhasaje, jon adkazaŭ: «Ja vieru ŭ pieramohu. Ja nie mahu isnavać pa-inšamu».

«ZŠA stracili Afhanistan. Paraza Ukrainy aznačaje stratu tvaru ZŠA pierad usim śvietam», — ličyć Kučma.

Skončyŭ jon papiaredžańniem Zachadu. «My nikoli nie zdamosia — ni ŭ jakim razie. Kali vy nam dapamožacie, my pieramožam. Kali vy pierastaniecie nam dapamahać, my možam pamierci». I dadaŭ: «Ale tady vy budziecie nastupnymi, kaho Rasija zachoča źniščyć».

Čytajcie taksama:

Łukašenka raskazaŭ bajku, jak ledź-ledź nie napisaŭ dla Ukrainy kanstytucyju

Na Čarnihaŭščynie pieradumali nazyvać vulicu ŭ honar Leanida Kučmy

Ci praŭda, što biełarusy nosiać u sabie «hieny rabstva», a ŭkraincy valnalubcy ad pryrody?

Клас
45
Панылы сорам
2
Ха-ха
3
Ого
1
Сумна
2
Абуральна
4