Hramadstva66

Łukašenka prylacieŭ u Ekvataryjalnuju Hvinieju

Dziaržaŭnaje ahienctva BiełTA paviedamiła, što samalot z Alaksandram Łukašenkam na borcie pryziamliŭsia ŭ aeraporcie horada Małabo — stalicy Ekvataryjalnaj Hviniei.

U aeraporcie Łukašenku sustreŭ vice-prezident hetaj nievialikaj afrykanskaj krainy Teadora Nhiema Abianh Manhie, syn niaźmiennaha z 1979 hoda prezidenta hetaj krainy Teadora Nhiema Abijanha Mbasoha, jaki niekalki miesiacaŭ tamu byŭ ź vizitam u Biełarusi.

Pryjom Łukašenki, jak niaredka viadziecca ŭ takich krainach, byŭ pyšny, ź pieśniami i skokami, miascovyja žychary demanstravali pierad kamierami vialiki entuzijazm.

Varta adznačyć, što aficyjnaja prapahanda nahaniaje značnaści hetamu vizitu štučnaj intryhaj, jakaja vakoł jaho stvarałasia. Zranku stała viadoma, što Łukašenka palacieŭ niekudy ŭ Afryku, ale da apošniaha nie kazałasia kudy. 

Uvohule i čynoŭniki roznaha ranhu, i prapahandysty nastojliva prasoŭvajuć dumku, što kantakty z afrykanskimi krainami vielmi vyhadnyja i mohuć paśpiachova zamianić stračanyja z-za sankcyj zachodnija rynki. Tamu i kožny palityčny kantakt z krainami hetaha kantynientu padnosicca jak praryŭny i losavyznačalny. Na samaj ža spravie ŭsio nie tak prosta, bo publičnyja abdymki Łukašenki z afrykanskimi aŭtarytarnymi kiraŭnikami zvyčajna majuć dastatkova ścipłyja ekanamičnyja nastupstvy. 

Tak, u vieraśni hetaha hoda na naradzie, pryśviečanaj raźvićciu handlu z afrykanskimi krainami, premjer-ministr Raman Hałoŭčanka źviarnuŭ uvahu na šerah prablem, jakija nazirajucca ŭ hetaj śfiery, pryčym adny z asnoŭnych — źnižeńnie biełaruskaha ekspartu ŭ rehijon i adsutnaść novych vyhadnych prajektaŭ.

Jak zajaviŭ Hałoŭčanka, dobryja adnosiny z kiraŭnictvam niekatorych krain kantynienta, a taksama palityčnyja kantakty na najvyšejšym uzroŭni pakul nie dali kankretnych vynikaŭ u vyhladzie novych i paśpiachovych handlova-ekanamičnych prajektaŭ.

Bolš za toje — kiraŭnik urada paviedamiŭ navat pra niehatyŭny trend u handli Biełarusi z afrykanskimi krainami:

ekspart ajčynnych tavaraŭ u hetym kirunku ŭ 2022 hodzie skłaŭ usiaho tolki krychu bolš za 200 młn dalaraŭ, pryčym ciapier demanstruje niekatoruju tendencyju da źnižeńnia, što, pavodle jaho słoŭ, «asabliva tryvožna».

Kamientary6

  • Anton
    09.12.2023
    Vajskoŭcy apranutyja jak biełahvardziejcy dy maładych dziaŭčat schavali ad pachatlivaha staryka
  • Juzik
    09.12.2023
    Praryŭ budzie abaviazkova, praryŭ novaha dna. VVP hetaj krainy 12 młrd $, nasielnictva 1,6 młn. I nakont zamieny Zachadu -  dla paraŭnańnia, VVP Jeŭrasajuza składaje 1,6 tryljona dalaraŭ. Sinija palcy ciahnuć jeŭrapiejskuju Biełaruś ŭ afrykanskuju bahnu dziela zachavańnia svajho samauładździa. Plavać na budučyniu krainy, cełaha naroda, na dabrabyt biełarusaŭ, aby va uładzie siadzieć da śmierci. 
  • Kiek
    09.12.2023
    Łukašenka lacić, Łukašenka prylacieu - to užo navina? Voś kali b nie prylacieu...

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh

Usie naviny →
Usie naviny

U Brazilii samalot upaŭ na ažyŭlenuju aŭtastradu

Biełarusa zatrymali ŭ Ispanii4

«U XX stahodździ ŭžo byŭ vopyt». MZS Biełarusi paraŭnaŭ biełarusaŭ i rasijan u Łatvii ź jaŭrejami ŭ Trecim Rejchu16

Rasija sioleta pasprabuje ŭciahnuć Biełaruś u vajnu? Jak usprymać zajavu Zialenskaha18

Kačanava naviedała Połacki małočny kambinat, dzie «samaja składanaja situacyja» ŭ krainie2

Pravaabaroncy paviedamili, što palitviaźniam nie dachodziać hrašovyja pieravody. Svajaki paćviardžajuć

Abjavili zbor na patreby Paliny Šarendy-Panasiuk23

Biełarus, jaki vajavaŭ na baku Rasii, skardzicca, što nie moža zvolnicca sa słužby i atrymać vypłaty11

Na ŭschodzie Minska pabudujuć novy vialiki rajon na 100 tysiač čałaviek3

bolš čytanych navin
bolš łajkanych navin

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh

Hałoŭnaje
Usie naviny →

Zaŭvaha:

 

 

 

 

Zakryć Paviedamić