Hramadstva22

«Brali navat miedykaŭ viedamasnaj palikliniki». Što viadoma pra masavyja zatrymańni ŭ Połacku i Navapołacku

Učora stała viadoma, što ŭ Połacku i Navapołacku zatrymali kala 40 čałaviek. Byłyja rabotniki «Naftana» nie vyklučajuć, što paśla hetaha moža zdarycca čarhovaja chvala zvalnieńniaŭ.

Fota: pradpryjemstva «Naftan»

Pra zatrymańni, jakija prajšli ŭ kancy minułaha tydnia pa spravie niezaležnaha prafsajuza «Naftana», paviedamlaŭ «Pozirk». Častku ludziej paśla adpuścili. Bolš detalaŭ «Našaj Nivie» raspavioŭ były naftanaviec, aktyvist «Rabočaha ruchu» Alaksandr Sakałoŭ.

Pavodle jaho źviestak, zatrymańni pravodzilisia na «Naftanie», «Palimiry» i navat u viedamasnaj paliklinicy — u liku zatrymanych jość i miedycynskija siostry, i lekary:

«Kahości zatrymlivali doma, i tady adrazu rabili pieratrus. Kahości chapali na pracy abo paśla źmieny, i taksama vieźli dachaty».

Sakałoŭ ličyć, što pryčyna masavych zatrymańniaŭ i dopytaŭ nastupnaja. 12 śniežnia ŭ lidarki likvidavanaha ŭładami niezaležnaha prafsajuza «Naftana» Volhi Brycikavaj zakančvajecca termin utrymańnia pad vartaj. U śledstva brakuje dokazaŭ, i ciapier ich «vytrasajuć» z tych, chto mieŭ dačynieńnie da dziejnaści niezaležnaha prafsajuza.

«Ciapier jaje trymajuć u viciebskim SIZA, i śledčym terminova patrebnyja padstavy, kab čarhovy raz praciahnuć jaje znachodžańnie pad vartaj. Tamu pravodziać pieratrusy i dapytvajuć ludziej pra dziejnaść prafsajuza i ŭdzielnikaŭ ahulnanacyjanalnaha strajku. Niekatorym pahražajuć, što «zakryjuć» taksama».

Volha Brycikava i rabotniki «Naftana». Fota: gazeta.naftan.by

Były rabotnik «Naftana» nie biarecca nazvać kolkaść tych, kaho adpuścili paśla hutarki ŭ milicyi, a kaho pakinuli za kratami, znajšoŭšy «kramołu» ŭ telefonie ci ŭ sacyjalnych sietkach. 

«Mnohija bajacca raspaviadać, što ich zatrymlivali i apytvali. Mnohija nie kažuć, što na ich skłali administracyjnyja pratakoły za reposty i spasyłki z «ekstremisckich» resursaŭ. Nibyta heta na niešta paŭpłyvaje! Usio vyśviatlajecca vielmi chutka — kali čałavieka zvalniajuć.

Na «Naftanie» isnuje takaja praktyka: kali čałavieka zatrymlivajuć da suda na 72 hadziny, to potym jaho vyklikajuć va ŭpraŭleńnie ŭnutranaj biaśpieki i prapanujuć zvolnicca samomu. Kali adsiedzieŭ «sutki» — heta sto adsotkaŭ zvalnieńnie za prahuły. Tym časam šarahovych rabotnikaŭ na «Naftanie» katastrafična nie chapaje, pra heta ŭ adkrytuju kažuć kiraŭniki. Ale prychodzić čarhovy śpis na zvalnieńnie — i ŭsie padpisvajuć».

Padobna, što «Naftan» čakajuć čarhovyja masavyja zvalnieńni. Bo maštab zatrymańniaŭ hetym razam uražvaje. Pradstaŭniku «Rabočaha ruchu» viadoma, što rabili pieratrusy i zatrymlivali ludziej pradstaŭniki roznych siłavych struktur — ad KDB i AMAPu da ŭčastkovych i inśpiektaraŭ pa spravach niapoŭnahadovych.

«Na «Naftanie» časta pryhadvajuć Volhu Brycikavu, — kaža Alaksandr Sakałoŭ. — Jana adpracavała na pradpryjemstvie 16 hod, pakul jaje nie zvolnili za toje, što ahučyła patrabavańni rabotnikaŭ ab adstaŭcy Alaksandra Łukašenki i čalcoŭ CVK paśla minułych prezidenckich vybaraŭ. Ludzi joj spačuvajuć.

Časam vykazvajuć škadavańnie, što jana nie źjechała za miažu paśla cełaha šerahu aryštaŭ pa administracyjnych spravach — tolki ŭ 2022 hodzie jana praviała za kratami ahulnym likam 105 sutak, ź ich 75 sutak zapar. Ale i paśla hetaha jana kazała: tut maja Biełaruś, tut moj dom, i ja nikudy adsiul nie pajedu».

U miežach kryminalnaj spravy Volhu Brycikavu zatrymali ŭ žniŭni 2023 hoda. Śledstva vinavacić žančynu pavodle č. 2 art. 361 Kryminalnaha kodeksa (zakliki, nakiravanyja na pryčynieńnie škody nacyjanalnaj biaśpiecy Biełarusi, u tym liku na prymianieńnie sankcyj).

Kamientary2

  • Jeroma
    05.12.2023
    [Red. vydalena]
  • daviedka
    05.12.2023
    Śniaťsia v kino i ozvučiť pieried kamieroj tiekst nie priedłahali? Budut!

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →