Biełaruskija školniki ździekavalisia z šaścikłaśnika i zdymali praces na videa. Siłaviki kažuć, što ŭsio z-za sieryjała
U Minsku padletki ździekavalisia z vučnia šostaha kłasa. Chłopčyk kryčaŭ ad bolu i prasiŭ jaho adpuścić. Siłaviki chutka ŭstanavili tych, chto byŭ datyčny da ździekaŭ, i apublikavali spravazdaču pra heta ŭ adnym sa svaich telehram-kanałaŭ.
Skrynšot ź videa
Pavodle infarmacyi siłavikoŭ, siamikłaśniki adnoj ź minskich himnazij pryznalisia, što hladzieli sieryjał, jaki «maje nieadnaznačnyja vodhuki». Maŭlaŭ, mienavita paśla hetaha prahladu školniki «vyrašyli prymieryć na siabie roli «płachišoŭ». Vierahodna, majecca na ŭvazie rasijski sieryjał «Słova pacana».
Dzieci, jak paviedamlajecca, raskajalisia ŭ zroblenym, a za ich dziejańni daviadziecca adkazvać baćkam.
Kamientary