Zdaroŭje33

Ci dapamahajuć chvorym malitvy? Daktary ŭ Brazilii pravieryli

Na praciahu tysiačahodździaŭ vierniki pa ŭsim śviecie — pradstaŭniki samych roznych relihij i kultur — źviartalisia da Boha z malitvami ab vyzdaraŭleńni svaich blizkich i rodnych.

Fota: Photo by Mario Tama / Getty Images

Navukoŭcy (siarod jakich taksama niamała ludziej hłybokaj viery) nieadnarazova rabili sproby vyśvietlić, nakolki efiektyŭnyja takoha rodu malitvy — zrešty, biez asablivaha pośpiechu, piša Bi-bi-si.

I choć niekatoryja daśledavańni pakazvajuć na mahčymuju słabuju suviaź malitvaŭ za zdaroŭje (razam sa zvyčajnaj terapijaj) z paskoranym akryjańniem pacyjentaŭ, bolšaść navukoŭcaŭ staviacca da ich vysnoŭ vielmi skieptyčna, pakazvajučy na adsutnaść nadziejnych mietadaŭ vymiareńnia efiektyŭnaści padobnaha «ŭmiašańnia».

Čarhovuju sprobu raspačali ŭ razhar pandemii Covid-19, ź vieraśnia pa śniežań 2020 hoda, brazilskija miedyki z pryvatnaj balnicy ŭ San-Paŭłu.

Sotniam pacyjentaŭ, zaražanych dahetul nieviadomym śmiarotnym virusam, malitvy, moža, i nie dapamohuć, ale ŭžo sapraŭdy nie pieraškodziać, vyrašyli jany — i, zaručyŭšysia piśmovaj zhodaj chvorych, praviali ŭłasnaje kliničnaje daśledavańnie.

U aficyjnaj dakumientacyi ŭ jakaści ekśpierymientalnaj terapii tak i napisana: «malitva».

Ekśpierymient doŭžyŭsia ź vieraśnia pa śniežań 2020 hoda. Vykarystany mietad pravierki — tak zvanaje randomnaje padvojnaje ślapoje daśledavańnie z kantrolnaj hrupaj — ličycca załatym standartam dokaznaj miedycyny.

Uličvajučy adsutnaść śpiecyfičnych lekaŭ ad novaj infiekcyi, miedyki ŭsio roŭna mahli prapanavać kavidnym chvorym tolki simptamatyčnaje lačeńnie. A tamu i asnoŭnaja meta ekśpierymientu była hranična prostaja: pravieryć, ci paŭpłyvajuć malitvy ab bolš chutkim vyzdaraŭleńni pacyjentaŭ na pracent śmiarotnych vynikaŭ siarod ich (heta značyć na ich vyžyvajemaść).

Dla hetaha dźvie sotni darosłych pacyjentaŭ balnicy z paćvierdžanym karanavirusnym dyjahnazam vypadkovym čynam padzialili na dźvie hrupy (papiarednie vyklučyŭšy tych, kamu pa toj ci inšaj pryčynie dapamahčy było ŭžo nielha).

U jakuju z hrup trapiŭ u vyniku losavańnia toj ci inšy kankretny chvory, nie viedaŭ ni sam infikavany, ni daktary.

Abiedźvie hrupy pacyjentaŭ atrymlivali zvyčajnuju miedycynskuju dapamohu «ŭ adpaviednaści z pryniatym pratakołam lačeńnia karanavirusnych pacyjentaŭ».

Adzinaje adroźnieńnie zaklučałasia ŭ tym, što pa prośbie miedykaŭ ab vyzdaraŭleńni kožnaha z pacyjentaŭ ekśpierymientalnaj hrupy na praciahu ŭsiaho lačeńnia rehularna, trojčy ŭ dzień (ahułam pa čatyry hadziny štodnia) malilisia lidary miascovaj chryścijanskaj parafii.

«Bahasłoŭskija viedy kožnaha kankretnaha čałavieka, jaki molicca, niemahčyma acanić abjektyŭna, — pryznajuć aŭtary daśledavańnia, — adnak ich dobraachvotny ŭdzieł [u ekśpierymiencie] i ščyraja viera ŭ efiektyŭnaść malitvy byli važnymi kryteryjami pry ich adbory».

Malicca možna było ŭ svabodnaj formie, adnak ahulnyja rekamiendacyi miedykaŭ byli vielmi kankretnyja: prasić treba było ab zachavańni žyćcia pacyjenta, a taksama ab admovie ad štučnaj vientylacyi lohkich i skaračeńni znachodžańnia chvoraha ŭ reanimacyi (i ŭ balnicy ŭ cełym).

Vyniki kliničnych daśledavańniaŭ u abiedźviuch hrupach akazalisia praktyčna identyčnymi. Va ŭsiakim vypadku na dolu śmiarotnych zychodaŭ malitvy za zdaroŭje nie paŭpłyvali zusim: kolkaść zahinułych ad kavidu ŭ abodvuch vypadkach akazałasia adnym i tym ža (pa vosiem čałaviek).

Tady daśledčyki pačali paraŭnoŭvać inšyja pakazčyki: nieabchodnaść i praciahłaść padklučeńnia chvoraha da aparata ŠVŁ, pieravod u pałatu intensiŭnaj terapii i praciahłaść znachodžańnia ŭ reanimacyi, a taksama ahulnuju praciahłaść špitalizacyi.

Pa kožnym z hetych paramietraŭ razychodžańnie pamiž dvuma hrupami akazałasia nastolki nikčemnym, što ni razu nie pieravysiła statystyčnaj chibnaści.

A takim čynam, zaklučajuć aŭtary daśledavańnia, malitvy ab vyzdaraŭleńni kavidnych chvorych — chaj i ŭ ramkach adnosna nievialiki vybarki — «nie akazali jakoha-niebudź istotnaha ŭpłyvu» ni na ahulny vynik lačeńnia pacyjentaŭ, ni na jaho chutkaść.

Kamientary3

  • Kazik
    05.12.2023
    Heta nie moža być dvajnym ślapym daśledvańniem, bo subjekt daśledvańnia(Boh) vydatna bačyŭ jaho i moh upłyvać na vynik
  • Vładisłav
    05.12.2023
    Kazik, 1. Boh moh i nie chacieŭ
    2. Boh arhanizavaŭ ekśpierymient, kab navučyć nachabnych viernikaŭ: nie padšturchoŭvajcie mianie malitvami
    3. Boha niama 
  • Maksim Dizajnier
    06.12.2023
    Kołchoznyje i prletarskije atieisty, fas!

Voś čamu ŭ Kitai mohuć prysłuchoŭvacca da Polščy13

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie8

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy13

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →