Hramadstva99

Što adbyvajecca ŭ Kabakach paśla samahubstva stvaralnika prytułku dla žyvioł

Paśla trahičnaj śmierci Siarhieja Niachienia — stvaralnika prytułku dla sabak u vioscy Kabaki Biarozaŭskaha rajona — biez pryhladu zastalisia bolš za 40 žyvioł. Apieratyŭna prystroić ich zdavałasia nierealnym. Ale amal usie ŭžo znajšli novy dom. Ciapier u Kabakach zastałosia ŭsiaho čatyry sabaki — za dvuma ź ich chutka pavinny pryjechać novyja haspadary.

Fota: bereza.by

Pachavali Siarhieja ŭ minułuju subotu. Ale bulinh, z-za jakoha, pa mierkavańni znajomych, jon nakłaŭ na siabie ruki, na hetym nie skončyŭsia. U tyktoku pad roznymi videa z uspaminami pra dziejnaść mužčyny rehularna źjaŭlajucca kamientaryi ad ananimnych akaŭntaŭ, jakija imknucca abrazić jaho. Naprykład: «Narmalny mužčyna pavinien pa 12 hadzin pracavać, adkul u jaho voźmiecca čas na sabak?!» Chtości sprabuje ŭčapicca za toje, što ŭ Siarhieja byli nie samyja prostyja adnosiny ź blizkimi.

«Našaj Nivie» stała viadoma, što niekalki dziaržaŭnych ŚMI rychtujuć vypusk niehatyŭnych tekstaŭ pra stvaralnika prytułku ŭ Kabakach. Całkam imavierna, akcent zrobiać na tym, što apošnim časam Siarhiej mieŭ prablemy z ałkaholem. U svaim tyktoku za niekalki tydniaŭ da samahubstva jon ščyra raspaviadaŭ pra toje, što z-za žyćcia ŭ pastajannym stresie moh vypić piva ci harełki.

@nekhen81mail.ru

♬ orihinalnyj zvuk - Sierhiej

Ale heta nie admianiaje toj fakt, što Siarhieja ckavali z-za jaho lubovi da žyvioł. Starasta ahraharadka Kabaki Anatol Ramanovič rehularna vyklikaŭ milicyju dy roznyja pravierki da niazručnaha susieda. U adnym sa svaich videa Siarhiej śćviardžaŭ, što starasta pahražaŭ jaho paviesić i atrucić sabak. 

@nekhen81mail.ru

♬ orihinalnyj zvuk - Sierhiej

Vałanciory z roznych krain zapisali videazvarot da biełaruskaj prakuratury z patrabavańniem zavieści kryminalnuju spravu za daviadzieńnie da samahubstva. 

Tym časam, losy čatyrochłapych padapiečnych składajucca značna ščaśliviej, čym los čałavieka, jaki padzialiŭsia ź imi domam. Z usioj krainy ludzi jeduć, kab zabrać «chvościkaŭ Siarhieja». U tyktoku šmat videa, dzie novyja haspadary radasna abdymajuć hadavancaŭ.

Skrynšot videa ŭ tyktoku

Pieršaj zabrali ščaniuka-dziaŭčynku — samuju aktyŭnuju z raznamasnaj kampanii. Pa jaje pryjechała siamja z dvuma dziećmi ź Ivacevičaŭ. Na videa bačna, što ŭsie ledź strymlivajuć ślozy radaści, trymajučy na rukach ščaniuka. Nazvali sabačku Žulka.

A sabaka Baradulka ŭ chutkim časie razam ź siamjoj pierajedzie žyć u Vielikabrytaniju (i mabyć źmienić mianušku na Džesi) — ale pakul budzie abžyvacca ŭ minskaj kvatery.

Adna z vałanciorak, jakaja znachodzicca za miažoj, paviedamiła «Našaj Nivie» pra toje, što praktyčna ŭsich sabak udałosia razdać. Ciapier u prytułku zastalisia čatyry sabaki, za dvuma ź jakich u bližejšy čas pavinny pryjechać novyja haspadary.

Klopa. Skrynšot videa ŭ tyktoku

Maleńkaha sabačku Klopu, jaki ŭsiudy biehaŭ za Siarhiejem (jon łaskava nazyvaŭ hadavanca Klopa-zaŭchozicha, tamu što toj imknuŭsia ŭsio prakantralavać), chacieli zabrać u Minsk. Adnak adna sa svajačak Siarhieja vyrašyła pakinuć sabačku ŭ siabie ŭ pamiać pra zahinułaha. Klopa, jak i raniej, bieskłapotna biehaje pa chacie, padstaŭlajučy žyvocik dla časańnia, pačuŭšy zvykłuju kamandu: «Klopa, pakažy puzika!»

 Čytajcie taksama:

«Čamu vy na mianie nakinulisia?» Na Brestčynie zabiŭ siabie stvaralnik sabačaha prytułku

«Treciaj zimy Bim moža nie pieranieści». Pad Maładziečnam sabaka-achoŭnik druhi hod žyvie na łancuhu

Na paŭdniovym uschodzie Minska łasi napadajuć na sabak

Kamientary9

  • Hańba kaniešnie
    05.12.2023
    Što adbyvajecca, dumaŭ napeŭna chodziać abasranyja i maŭčać, maŭčunki, an niet, sprabujuć abasrać navat paśla śmierci, jaki..narodzik. jany ža łuku sabie vybrali.
  • daviedka
    05.12.2023
    Priedsiedatielami sielsovietov v našiej stranie tiepieŕ v osnovnom naznačajut otstavnikov iz MVD i MČS.
  • Maksim Dizajnier
    05.12.2023
    «Narmalny mužčyna pavinien pa 12 hadzin pracavać, adkul u jaho voźmiecca čas na sabak?!»

    Vsie, čto nužno znať pro miestnoje babje.

    "A sabaka Baradulka ŭ chutkim časie razam ź siamjoj pierajedzie žyć u Vielikabrytaniju (i mabyć źmienić mianušku na Džesi) — ale pakul budzie abžyvacca ŭ minskaj kvatery."

    Vsie, čto nužno znať pra biednych i niaščastnych biełarusikau

    https://d3kcf2pe5t7rrb.cloudfront.net/331590

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →