Śviet55

Za dva dni ŭ Rasii złamalisia ŭ pavietry piać samalotaŭ

Samaloty rasijskich avijakampanij, jakija zastalisia biez techničnaha absłuhoŭvańnia praz sankcyi, uviedzienyja za ŭvarvańnie va Ukrainu, praciahvajuć łamacca ŭ pavietry. Za apošnija dva dni zafiksavana piać takich vypadkaŭ, piša The Moscow Times.

Zdymak ilustracyjny. Fota: JoanValls/Urbanandsport /NurPhoto via Getty Images

U subotu bort Airbus A321 «Aerafłota», jaki lacieŭ z Sankt-Pieciarburha ŭ Maskvu, zapytaŭ avaryjnuju pasadku ŭ aeraporcie Šaramiećcieva.

Rašeńnie ab ekstrannym pryziamleńni było pryniata praz admovu levaha ruchavika, paviedamili «RIA Naviny» ekstrannyja słužby. U 13:11 samalot zrabiŭ pasadku «ŭ štatnym režymie». Nichto sa 162 pasažyraŭ nie paciarpieŭ. Śpiecsłužby ahladajuć bort, paviedamlaje Maskoŭskaja mižrehijanalnaja transpartnaja prakuratura. U viedamstvie abiacajuć pryniać «vyčarpalnyja miery reahavańnia» ŭ vypadku vyjaŭleńnia parušeńniaŭ.

Taksama 2 śniežnia ŭ Ciumienskim aeraporcie «Roščyna» z techničnaj pryčyny zrabiŭ pasadku na zapasny aeradrom samalot Superjet 100 avijakampanii «Jamał», jaki ruchaŭsia z Najabrska va Ufu, paviedamlaje Uralskaja transpartnaja prakuratura.

Na borcie znachodziŭsia 71 čałaviek, nie ličačy ekipaža. Nichto nie paciarpieŭ. Paśla pasažyry byli adpraŭlenyja va Ufu na reziervovym pavietranym sudnie avijakampanii.

A 1 śniežnia vyjšli z ładu adrazu try samaloty.

Airbus A321 «Aerafłota», jaki lacieŭ z Kalininhrada ŭ Maskvu, byŭ vymušany pryziamlicca ŭ pieciarburhskim aeraporcie «Pułkava» praz spracoŭvańnie indykacyi sistemy kandycyjanavańnia kabiny piłotaŭ. Pasažyraŭ pierasadzili na Boeing 777 dla dalejšaj dastaŭki ŭ stalicu.

Ranicaj taho ž dnia ŭ MNS paviedamili, što inšy samalot «Aerafłota» — Boeing 737 z 408 pasažyrami na borcie, jaki vykonvaŭ rejs z Maskvy, zrabiŭ avaryjnuju pasadku ŭ Južna-Sachalinsku. Rašeńnie było pryniata z-za spracoŭvańnia indykacyi ab padzieńni cisku na adnym z šaści kołaŭ stojki šasi, udakładnili ŭ avijakampanii.

U Novasibirsku ŭ samalota «IrAera» z 78 pasažyrami na borcie admovili aŭtapiłot i zakryłki paśla vyletu z aeraporta Tałmačova. Pa danych Shot, bort Superjet 100, jaki pavinien byŭ nakiravacca ŭ Tałakan, zrabiŭ bolš za dzieviać kołaŭ u zonie čakańnia pierad tym, jak paśpiachova pryziamlicca. Nichto nie paciarpieŭ. U pres-słužbie «IrAera» paviedamili, što ŭ samalota była pamyłka ŭ adnym z kanałaŭ sistemy kiravańnia. 

Rasijskaja hramadzianskaja avijacyja stała čaściej sutykacca z techničnymi prablemami paśla taho, jak sankcyi adrezali jaje ad absłuhoŭvańnia łajnieraŭ i pastavak aryhinalnych zapčastak.

Kab padtrymlivać samaloty ŭ pracoŭnym stanie, Rasavijacyja razdała avijakampanijam siertyfikaty raspracoŭščykaŭ avijatechniki. Heta dazvoliła pieravozčykam samastojna rabić ramont sudnaŭ, paśla čaho jany pačali raźbirać niekatoryja z samalotaŭ na kamplektujučyja dla absłuhoŭvańnia inšaj častki svajho parku.

Kamientary5

  • Boinh 737
    02.12.2023
    U vas pamyłka: jakija 408 pasažyraŭ na 737??? Mabyć, 108?
  • Pa
    03.12.2023
    Letajtie samaletami Aerafłotu, skrepnyja. Bu-ha-ha.
  • Gf
    03.12.2023
    Nie aśviacili mabyj.

Błohierku ź dziciom nie puścili ŭ restaran «na minskich Patrykach». Čakajcie, dzie?6

Błohierku ź dziciom nie puścili ŭ restaran «na minskich Patrykach». Čakajcie, dzie?

Usie naviny →
Usie naviny

U mašynie chłopca, što stralaŭ u Trampa, znajšli vybuchoŭku7

Apakalipsis u Mazyry. Štorm nakryŭ Homielščynu8

U Hiermanii biełarus pabiŭsia z małdavaninam. Apošni byŭ parezany

U Indyi ženicca syn samaha bahataha čałavieka krainy. Na viasielle patracili šalonyja hrošy11

Łukašenka achviaravaŭ ministram: jak i za što pazbaŭlalisia ad samych važnych čynoŭnikaŭ jaho sistemy

Marharyta Laŭčuk vypuściła pieśniu, jakuju zapisała razam z mužam5

Eduardu Babaryku prysudzili dadatkova bolš, čym paŭtara hoda1

Kolki biełarusaŭ chočuć mieć dziaciej, a kolki ŭchvalajuć razvody7

Pa Viciebsku prakaciŭsia brazilski karnavał. Voś jak heta vyhladała ŠMAT FOTA45

bolš čytanych navin
bolš łajkanych navin

Błohierku ź dziciom nie puścili ŭ restaran «na minskich Patrykach». Čakajcie, dzie?6

Błohierku ź dziciom nie puścili ŭ restaran «na minskich Patrykach». Čakajcie, dzie?

Hałoŭnaje
Usie naviny →