Hramadstva55

Da sprobaŭ vyzvaleńnia palitviaźniaŭ dałučali Aŭstryju, Šviejcaryju i Čyrvony Kryž — Viačorka

Daradca Śviatłany Cichanoŭskaj Franak Viačorka padčas słuchańniaŭ, jakija prachodziać 2-3 śniežnia ŭ Kaardynacyjnaj radzie, zajaviŭ, što da sprobaŭ vyzvaleńnia palitviaźniaŭ sprabavali padklučać zamiežnych čyńnikaŭ, u pryvatnaści, Aŭstryju i Šviejcaryju, adnak biezvynikova. Pra heta piša Reform.by.

Franak Viačorka. Fota: Ofis Śviatłany Cichanoŭskaj

Viačorka ŭ jakaści hałoŭnaj prablemy bačyć toje, što režym nie demanstruje nijakaj hatoŭnaści da vyzvaleńnia palitviaźniaŭ:

«Dla nas z vami palitviaźni źjaŭlajucca prablemaj. Dla Zachadu źjaŭlajucca, ale mienšaj. Dla Łukašenki siońnia heta nie hałoŭnaja prablema. I jon nie stavić i nie ličyć, što hetym vyzvaleńniem jon moža dasiahnuć niejkich palityčnych metaŭ. Plus jość mocny emacyjny składnik, kali jon prosta pomścić za padziei 2020 hoda. Naša zadača zrabić, kab heta stała dla jaho taksama prablemaj», — zajaviŭ jon.

Ź instrumientaŭ cisku jon nazvaŭ Alimpijskija Hulni, sankcyi, pahrozu zakryćcia tranzitu na handal, Mižnarodnuju arhanizacyju pracy, zvanki zamiežnych lidaraŭ, temu palitviaźniaŭ, jakaja ŭpłyvaje na hramadstva ŭ zachodnich krainach.

Jon adznačyŭ, što demsiły mohuć upłyvać na sankcyi, kab u tym liku jany ŭvodzilisia za represii, za palitviaźniaŭ.

«Bolš za paŭtara hoda nie było nijakich mocnych sankcyj suprać režymu Łukašenki. Apošni pakiet u žniŭni — jon prosta zakryvaŭ tyja pradpryjemstvy, jakija ŭžo byli pad sankcyjami, paŭtarahadovaj daŭniny, i majuć simvaličny charaktar. I bolš za dva hady nie było sankcyj za represii i za palitviaźniaŭ. Tamu naša zadača, kab pytańnie palitviaźniaŭ staviłasia pierad zachodnimi partniorami, u tym liku jak arhumientacyja ŭ sankcyjnaj palitycy», — prapanavaŭ jon.

Pa słovach Viačorki, demsiły padklučali da vyrašeńnia prablemy zamiežnych čyńnikaŭ, u pryvatnaści, Aŭstryju i Šviejcaryju.

«My padklučali zamiežnyja arhanizacyi. U pryvatnaści, — ja dumaju, što možna nazyvać — heta Aŭstryja i Šviejcaryja, jakija zajmajuć adnosna niejtralnyja pazicyi, u pryncypie zaŭsiody sprabavali šukać niejkija ahulnyja padychody z režymam. Ale ni ŭ tym, ni ŭ inšym vypadku heta nie dało plonu, choć jany prykłali vielmi šmat namahańniaŭ dla hetaha.

Padklučali i Mižnarodny Čyrvony Kryž, ale ciapier my bačym, jak Čyrvony Kryž razyšoŭsia z Čyrvonym Kryžam biełaruskim, jak u mory karabli. I navat sprabavali, vieryli, što Humanitarny dyjałoh, jaki pracuje ŭ Minsku, moža dapamahčy. ( … ) Ale Humanitarny dyjałoh prosta zrośsia z MZS Łukašenki i staŭ paŭtarać, što heta nie palitviaźni, a terarysty», — adznačyŭ pradstaŭnik Ofisa.

«Na našuju prośbu były finski ministr zamiežnych spraŭ nieadnarazova pisaŭ [Uładzimiru] Makieju i pra palitviaźniaŭ, i inšyja našy ahulnyja pazicyi pieradavaŭ. Pisaŭ prezident Parłamienckaj asamblei ABSIE — i Makieju, i inšym. Adkaz byŭ, što jany złačyncy i nijakaha vyzvaleńnia nie budzie», — raskazaŭ Viačorka.

Jon zapeŭniŭ, što kanałaŭ kamunikacyi z pradstaŭnikami režymu Łukašenki «chapaje».

«Hetyja kanały jość va ŭsich dypłamatyčnych misijach, jakija znachodziacca ŭ Biełarusi. I dla hetaha prysutnaść pasłoŭ nie treba, nijakim čynam jano na heta nie ŭpłyvaje. Ale pieramovy, navat kali jany adbyvajucca, razmovy — jany lubiać cišyniu. Tamu kali heta nie hučyć u publičnym dyskursie abo spravazdačach paśla sustreč Śviatłany Cichanoŭskaj, heta nie značyć, što sprobaŭ pahavaryć pra humanitarny śpis, pra vyzvaleńnie palitviaźniaŭ nie było», — padkreśliŭ jon.

Arhumient «kali b nie sankcyi, to palitviaźniaŭ užo daŭno pačali b vyzvalać», na dumku Viačorki, nie pracuje. «Kali b heta była pazicyja, my b čuli ŭmovy ad režymu», — adznačyŭ jon.

«Davajcie rabić heta temaj numar adzin, vykarystoŭvać našy kantakty. Sankcyjny cisk nie piarečyć stratehii pieramovaŭ, sankcyjny cisk — heta ŭzmacnieńnie našaj pazicyi na mahčymyja pieramovy, na luby dyjałoh.

Sankcyjny cisk — heta toj instrumient, jaki my možam realna zadziejničać pry ŭmovie, kali našy zamiežnyja partniory taksama buduć bačyć palitviaźniaŭ prablemaj. A dla hetaha patrebnyja vielmi aktyŭnyja dziejańni biełaruskaj demakratyčnaj supolnaści, patrebnyja dziejańni biełaruskaj dyjaspary», — zaklikaŭ jon.

Čytajcie taksama: 

Siarhiej Alejnik u Ńju-Jorku pacisnuŭ ruku Franku Viačorku

Cichanoŭskaja lacić u ZŠA

Cichanoŭskaja parekamiendavała, što rabić u «adziny dzień hałasavańnia»

Kamientary5

  • Majo imia
    02.12.2023
    Nikoli - ni pad čas vojnaŭ, ni pad čas baraćby z dyktaturami vyzvaleńnie palitźniavolenych nie było hałoŭnaj metaj i spravaj. U našym vypadku niechta štučna vyšturchoŭvaje hetaje pytańnie na pieršy płan. Robicca heta vidavočna dla taho, kab atrymać dobruju płatu za ich vyzvaleńnie i kab raskałoć i dematyvavać praciŭnikaŭ režyma.
  • tak
    03.12.2023
    Majo imia, zvyčajna heta stanovicca vynikam pieramohi. Ci jak častka pracesu abmienu. A ci jość u praciŭnikaŭ Łuki abmienny fond? 
  • umka
    03.12.2023
    a jaki ŭ Viačorki płafon? chto skaža? a-to ja nie raźbirajusia

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →