Jak by časta i staranna vy ni mianiali i ni prali praściny, vaš matrac usio roŭna patrabuje čystki. Heta źviazana z pyłavymi klaščami, alejami dla cieła, potam i admierłaj skuraj, čaścinki jakoj asiadajuć na matracy.
Prykłaŭšy krychu namahańniaŭ, vy zmožacie ačyścić i pradezinfikavać pavierchniu vašaha matraca. Nakont unutranaj častki — inšaja historyja (tut vam spatrebicca dostup da paraačyščalnika pramysłovaha typu). Ale ŭ bolšaści vypadkaŭ nas chvaluje mienavita pavierchnia.
Ačystka matraca
Kali heta mahčyma, čyścicie matrac na vulicy ŭ ciopły, soniečny i nie zanadta vilhotny dzień. Soniečnaje śviatło dapamoža vašamu matracu chutčej vysachnuć i dziejničaje jak naturalny dezinfikavalny srodak, dapamahajučy źniščyć niekatoryja bakteryi dobraj dozaj UF-promniaŭ. Kali vy nie možacie vyjści na vulicu, lepšy varyjant — vyzvalić miesca ŭ pakoi i prychinuć matrac da ściany pierad soniečnym aknom.
Dla vydaleńnia pyłu skarystajciesia pyłasosam, pravioŭšy pa ŭsioj pavierchni nasadkaj dla abiŭki i vuzkaj nasadkaj dla ščylin. Kali zabrudnieńnie było vyklikana fors-mažoram — śviežym raźlivam niejkaj vadkaści, niaščasnym vypadkam z chatniaj žyviołaj abo načnym nietrymańniem mačy — vykarystoŭvajcie čystyja ručniki, kab uvabrać jak maha bolš vadkaści, pierš čym pyłasosić.
Samy prosty sposab vydalić plamy — heta naturalna srodak dla myćcia dyvanoŭ i abiŭki, stvorany śpiecyjalna dla vydaleńnia plam ad chatnich žyvioł. Źlohku raspylicie ačyščalnik na matrac i pramaknicie plamu ad vonkavaha kraju ŭnutr. Heta pavinna praduchilić raspaŭzańnie plamy. Kali plama źniknie, usio, što vam treba zrabić, heta pracierci vobłaść vilhotnaj tkaninaj, a zatym pracierci vobłaść suchoj tkaninaj.
Dezynfiekcyja matraca
Paśla vydaleńnia pyłu i plamaŭ, možna vykarystoŭvać niekalki roznych mietadaŭ dla dezinfiekcyi. Praviadzicie pa pavierchni adparvalnikam dla adzieńnia abo inšym ručnym paraačyščalnikam, kab źniščyć mikroby i pyłavych klaščoŭ. Kab aśviažyć abiŭku i vydalić słabyja pachi, Howstuffworks raić skarystacca charčovaj sodaj (pasypcie, dajcie joj niekalki chvilin, a zatym prapyłasoście). Ale kab źniščyć bolš bakteryj, vam spatrebicca bolš surjozny dezinfikavalny srodak.
Vybierycie antybakteryjny sprej abo zrabicie rosčyn samastojna z vodaram, jaki vam padabajecca (kali vy amatar ekzotyki, to možacie vykarystać rastvor vocatu i charčovaj sody abo prosta tannuju harełku!) Paźbiahajcie vykarystańnia adbielvalniku: jon vydatna źniščaje mikroby, ale zanadta rezki dla pakryćcia z tkaninaŭ, jakija vykarystoŭvajucca ŭ bolšaści matracaŭ.
Kali vy vykarystoŭvajecie vadki ačyščalny srodak, raźviadzicie jaho ciopłaj vadoj u adpaviednaści ź instrukcyjami na etykietcy, apuścicie ŭ rosčyn čystuju anuču, a potym (heta klučavaja častka) staranna adciśnicie anuču, kab jana była ledź vilhotnaj. Meta ŭ tym, kab ačyścić pavierchniu matraca, nie dajučy joj nasycicca vilhaćciu, jakaja moža pryvieści da źjaŭleńnia ćvili.
Kali vy karystajeciesia dezinfikavalnym sprejem, źlohku apyrskajcie pavierchniu ŭsiaho matraca, zatym pratrycie čystaj anučaj, zmočanaj u ciopłaj vadzie i hetak ža staranna adcisnutaj. Nie zabudźciesia dać vašamu matracu dastatkova času dla vysychańnia: lepš za ŭsio niekalki hadzin z kožnaha boku. Zatym nakryjcie jaho čystym namatracnikam, praścinami i paścielnaj bializnaj i atrymlivajcie asałodu ad dobraha snu.
Kamientary