«Nie budziem my nikoli žyć, jak u Jeŭropie». Žychar Barysava pakazaŭ, što za paŭhoda zrabili miascovyja z novym liftam
Błohier z Barysava apublikavaŭ videa, u jakim pakazaŭ stan lifta ŭ domie № 64 pa vulicy Haharyna. Mužčyna kaža, što novy lift pastavili ŭ padjeździe paŭhoda tamu.
Lift raniej byŭ abstalavany videakamieraj. Ciapier jana vyrvanaja «ź miasam», a ścieny i dźviery razmalavanyja čornaj farbaj, knopki lifta sapsavanyja.
— Voś vy ŭsio kažacie, što drenna žyviom u Rasii, Biełarusi. Žadajem žyć, jak u Jeŭropie. A nie atrymajecca, jak u Jeŭropie, nikoli, — źviartajecca aŭtar videa da hledačoŭ.
U kamientarach čytačy aburalisia, raskazvali, što ŭ ich padobnaja situacyja, niechta narakaŭ, čamu aŭtar sam nie prybiare lift.
U nastupnym videa mužčyna, jaki nasamreč nie žyvie ŭ hetym padjeździe, vyrašyŭ sapraŭdy tam pamyć.
Kali dźviery lifta adkrylisia, jon pabačyŭ, što čornaj farby niama — lift pamyli. Ale radaść jahonaja była karotkaj.
Bo sa zvarotnaha boku dźviarej lifta zjavilisia novyja nadpisy — užo čyrvonyja.
Usio bolš vytvorcaŭ praduktaŭ i kaśmietyki pierachodziać na minimalistyčny dyzajn upakoŭki
«Pradaŭ 40 stolikaŭ — zarabiŭ 4000 rubloŭ». Chakieist pierajechaŭ u viosku, kab pracavać z drevam
«Turysty, jakija pryjazdžajuć, usie cudoŭnyja». Jak chłopiec ź biełaruskaj vioski papularyzuje pryrodu Błakitnych azior i zarablaje na hetym
Kamientary