Hramadstva2222

«Djabał abvinavačvaje». Ksiondz Łašuk praciahvaje słužyć i vykazaŭsia pra skandał vakoł siabie

Katalickaja carkva praviaraje, ci probašč parafii parušyŭ kananičnaje prava. Śćviardžałasia, što ksiondz adchileny ad słužeńnia, ale siońnia jon słužyŭ u parafii i adkazaŭ na abvinavačvańni.

Fota: skrynšot z youtube.com

Dniami vyjšła rasśledavańnie «Rabočaha ruchu», jaki abvinavaciŭ probašča parafii ŭ Stoŭbcach Ihara Łašuka ŭ tym, što jon łabiravaŭ dla biznesmiena Alaksandra Zajcava tytuł papskaha rycara. Heta, jak śćviardžajecca, rabiłasia, kab toj moh abychodzić sankcyi: Zajcaŭ multymiljanier, nabližany da siamji Łukašenkaŭ. 

Pavodle taho ž rasśledavańnia, u Ihara Łašuka, vierahodna, jość dvoje synoŭ 2010 i 2013 hadoŭ naradžeńnia, i ksiondz byccam maje pastajannuju suviaź ź ich maci. Miž tym, katalickija śviatary prymajuć celibat, i im zabaroniena mieć siamju, to-bok havorka idzie pra mahčymaje parušeńnie carkoŭnaha kananičnaha prava.

25 listapada «Chryścijanskaja vizija» paviedamiła sa spasyłkaj na ŭłasnyja krynicy, što Łašuk adchileny ad słužeńnia na čas carkoŭnaha rasśledavańnia. Pavodle kuryi Minska-Mahiloŭskaj archidyjacezii, kiejs Łašuka «daśledujecca ŭ śviatle normaŭ Kodeksa kananičnaha prava».

Ale siońnia ksiondz Łašuk usio ž taki słužyŭ u svajej parafii. Paśla nabaženstva śviatar prapaviedvaŭ i ŭ niečym adkazaŭ na abvinavačvańni ŭ svoj adras:

«Djabał praz vusny čałavieka havoryć pra hrachi inšaha čałavieka. Jon abvinavačvaje, jon ajciec iłžy, i heta viadoma ŭsim. My, jak chryścijanie, zaŭsiody pavinny ŭśviedamlać, što djabał — ajciec iłžy, jon zaŭsiody budzie falšyva abvinavačvać inšaha čałavieka. Dla čaho? Kab źniščyć, u pieršuju čarhu, śviatara», — skazaŭ jon. 

Dalej Łašuk zusim niečakana «znachodzić» pryčyny skandału vakoł siabie.

«Ja taksama dumaŭ — što zdaryłasia ŭ hetym śviecie? Zdajecca, pracuju ŭ najlepšaj parafii, jakaja isnuje tolki ŭ Biełarusi. Bo toje, što djabał čyniŭ časami tut — heta djabał čyniŭ, ale parafija najlepšaja, i ludzi najlepšyja. U mianie nie było drennych parafij, dzie b ja ni pracavaŭ, usiudy byli dobryja ludzi, vielmi dobryja, ale djabał časami pracavaŭ. Dyk dumaju — što tut robicca takoje? A potym zdahadaŭsia — my Fabijana dastali! My zrabili vialiki cud, my amal raspačali praces bieatyfikacyjny, i jon [djabał] zrobić usio, kab źniščyć, kab hetaha nie raspačałosia!»

Pad Fabijanam Łašuk maje na ŭvazie ksiandza Fabijana Mališoŭskaha, jaki byŭ nastajacielem daminikanskaha manastyra ŭ Stoŭbcach u 17 stahodździ. Pareštki Fabijana ŭdałosia adšukać u 2021 hodzie. U śniežni 2022-ha ich pierapachavali ŭ staŭbcoŭskim kaściole Śviatoha Kazimira.

Padziei vakoł siabie Łašuk nazyvaje vyprabavańniem svajoj viery i zdolnaści daravać: maŭlaŭ, jon vučyć hetamu viernikaŭ, dyk ciapier pryjšoŭ čas takoha vyprabavańnia i dla jaho samoha.

«Naša Niva» — bastyjon biełaruščyny

PADTRYMAĆ

Prajekt rekanstrukcyi Čyrvonaha kaścioła «zapuścili ŭ pracu»

«Ukłali 30 000 dalaraŭ». Biełarusy bolš za 10 hadoŭ adnaŭlali pad Minskam staražytnuju kaplicu

«Rośpis vysokatempieraturnymi pihmientami dla kieramiki». Mastak pakazaŭ, jak stvaraŭ niezvyčajnuju ikonu dla kaścioła ŭ Stoŭbcach

Kamientary22

  • daviedka
    26.11.2023
    I vsieliłsia d́javoł v ksiendza biełorusskoho, i pokrył on siemieniem svoim rabu božiju Taťjanu. Ciełych dva raza.
  • Jozafat
    26.11.2023
    Heta nie pamyłkovaja infarmacyja, a metanakiravany ŭkid suprać katalickaha kaścioła...
  • Abu
    26.11.2023
    Izydzi!

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →