Kultura1818

Niepataplalnuju Irynu Dryhu źniali z pasady. Ale ŭ Ministerstvie kultury jana zastajecca

Iryna Dryha, viadomaja pa skaračeńniach miežaŭ Kurapataŭ i składańni čornych śpisaŭ artystaŭ, bolš nie adkazvaje za dziaržaŭnyja kancerty.

Iryna Dryha. Skrynšot z efiru STB

Pra zvalnieńnie Dryhi «Našaj Nivie» paviedamili krynicy ŭ sistemie kultury. Pavodle ich słoŭ, čynoŭnicu źniali z pasady 16 listapada. Dryha była načalnicaj Hałoŭnaha ŭpraŭleńnia dziaržaŭnych śpiecyjalnych kulturnych mierapryjemstvaŭ i prafiesijnaha mastactva. Ciapier ža načalnicaj tam značycca inšaja asoba — Kaciaryna Usava, jakaja raniej była dyrektarkaj u Minskim haradskim pałacy kultury.

«Apošnim časam Iryna Dryha pierastała źjaŭlacca na kancertach razam ź ministram, chacia jany zaŭsiody chadzili paračkaj. Heta davoli dziŭna. Jana trymała ŭ strachu ŭvieś Minkult, usie jaje bajalisia, bo nie dapuskała «niadobranadziejnych» artystaŭ da pracy. Tym nie mienš, niekatoryja arhanizacyi vypuskali niezamiennyja kadry, što spravakavała šerah skandałaŭ asabista z Dryhaj.

Jana nie prosta zvalniała artystaŭ, a jašče i telefanavała na inšyja ich miescy pracy, kudy jany ŭładkavalisia. Kazała, maŭlaŭ, hety čałaviek nie pavinien u vas pracavać. Hetaha možna było i nie rabić, ale jana pieravykonvała płan»,

— kaža krynica «Našaj Nivy».

Iryna Dryha ciapier pastaŭlena načalnicaj u adździeł pa kiniematahrafii, što našy surazmoŭcy nazyvajuć «haniebnym panižeńniem».

«Treba razumieć, što kiniematohrafa ŭ Biełarusi praktyčna niama, nie zdymajecca amal ničoha, akramia sumiesnych z Rasijaj karcin. To-bok pracy dla Dryhi tam praktyčna nul. A pasada načalnika pa śpiecmierapryjemstvach mieła na ŭvazie absłuhoŭvańnie prezidenckich śviataŭ. Jana była na samym viersie, a ciapier nie vyrašaje ničoha», — miarkujuć surazmoŭcy.

Cikava, što Dryha nie dahadziła i prarasijskaj aktyvistcy Volzie Bondaravaj i jaje paplečnikam. Tyja ličyli, što Dryha nie daje darohu na scenu sapraŭdnym patryjotam.

Sioleta padčas vystupleńnia na dziaržaŭnym telekanale STB Iryna Dryha akreśliła patrabavańni dla artystaŭ, jakija stracili pracu z-za svajoj pazicyi i chočuć viarnucca ŭ śfieru kultury.

Pa-pieršaje, takija artysty pavinny publična zajavić pra svaju pazicyju i adznačyć prynaležnaść da peŭnaj hrupy ludziej. Pa-druhoje, jany pavinny pryniać udzieł u «kulturnych prajektach, jakija majuć hramadska-palityčny charaktar», to-bok prajektach vidavočnaj praŭładnaj skiravanaści. Taksama čynoŭnica ŭźniała pytańnie ščyraści pakajańnia artystaŭ.

Dryha stała viadomaja ŭ suviazi sa sprečnymi momantami ŭ śfiery kultury. Jaje podpis staŭ pad dakumientam ab skaračeńni achoŭnych miežaŭ Kurapataŭ — miesca masavych rasstrełaŭ u stalinskija časy. Taksama imia Dryhi zhadvałasia ŭ suviazi sa skandałam na kinafeście «Listapad-2018», kali nie dapuścili pracy niekatorych režysioraŭ, a dyrekcyju festu nie zaprasili ŭ kamisiju pa adbory finalistaŭ nacyjanalnaha konkursu. 

Pavieł Łatuška kazaŭ, što Iryna Dryha piersanalna składała čornyja śpisy biełaruskich muzykantaŭ. 

Kamientary18

  • Oni naša usio
    26.11.2023
    Na dryh bohata ziemla biełorusskaja. Takich dryh prud-prudi, - v hubopikach, mvd, khb, mo, oac, viertikali. Nieponiatno počiemu familii raznyje nosiat, mohli odnoj obojtiś - dryha....
  • hrači priletieli
    26.11.2023
    horški poletieli
  • ))
    26.11.2023
    Mdia, intiellekta v kłazach nol... Vokruh Łukašienko vsie takije?

Bajden vychodzić z prezidenckaj honki28

Bajden vychodzić z prezidenckaj honki

Usie naviny →
Usie naviny

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»9

bolš čytanych navin
bolš łajkanych navin

Bajden vychodzić z prezidenckaj honki28

Bajden vychodzić z prezidenckaj honki

Hałoŭnaje
Usie naviny →