U Rasii zajavili ab masiravanaj atacy bieśpiłotnikami, u tym liku pa Maskvie
Jak paviedamlaje Minabarony RF, hetaj nočču nad Maskoŭskaj, Tulskaj, Kałužskaj i Branskaj abłaściami SPA źniščyła 11 ukrainskich dronaŭ. Mer Maskvy Siarhiej Sabianin paviedamiŭ pra sprobu ataki bieśpiłotnikami pa Maskvie.
«Na dadzieny momant siłami SPA źbityja BPŁA ŭ rajonie Nara-Faminska i Adzincoŭskaj haradskoj akruhi, jakija lacieli na Maskvu. Taksama SPA ŭdałosia pierachapić i źniščyć niekalki BPŁA ŭ Branskaj, Tulskaj i Kałužskaj abłaściach. Paciarpiełych i surjoznych razbureńniaŭ papiarednie niama», — zajaviŭ nočču mer Maskvy.
Padmaskoŭny hubiernatar Varabjoŭ napisaŭ inakš: «U troch vypadkach jość paškodžańni budynkaŭ na ziamli, na ščaście, zahinułych i paciarpiełych niama». Ci surjoznyja paškodžańni i što za budynki, Varabjoŭ nie ŭdakładniŭ.
Paźniej zjaviłasia videa traplańnia bieśpiłotnika, mahčyma, źbitaha SPA, u šmatpaviarchovik na vulicy Chvarastuchina ŭ Tule.
Pavodle infarmacyi rasijskich ŚMI, ad vybuchu paciarpieli try čałavieki, jakija atrymali traŭmy i parezy. Žychary niekalkich kvater byli evakujavanyja ŭ bližejšy dziciačy sad.
Abnoŭlena. Jašče čatyry bieśpiłotniki nad Branskaj, Smalenskaj i Tulskaj abłaściami byli źbityja SPA a 9:30, paviedamili ŭ Minabarony RF
Načnaja ataka dronami pa Rasii zdaryłasia na nastupnyja sutki paśla masiravanaha ŭdaru rasijskich bieśpiłotnikaŭ pa Kijevie i Kijeŭskaj vobłaści. Toj udar ukrainskija ŭłady nazvali samym maštabnym z pačatku vajny — bolš za 60 źbitych dronaŭ.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?36
Kamientary
Sami rasiejcy źbili bieśpiłotnik nad šmatpaviarchovikam.