Zdareńni11

U Paŭdniovaj Karei dali pažyćciovy termin fanatcy dakumientalnych detektyvaŭ, jakaja zabiła nieznajomku «ź cikaŭnaści»

Heta žorstkaje zabojstva šakavała krainu. Prakurory prasili dla abvinavačanaj śmiarotnaha prysudu.

Čon Ju-čon. Fota: palicyja Pusana

Sud u Paŭdniovaj Karei prysudziŭ da pažyćciovaha źniavoleńnia 23-hadovuju Čon Ju-čon, prychilnicu žanru dakumientalnych detektyvaŭ, jakaja ŭčyniła zabojstva, pavodle jaje słoŭ, «ź cikaŭnaści», piša Bi-bi-si.

Zabojstva adbyłosia ŭ horadzie Pusan na paŭdniovym uschodzie krainy. Pavodle śledstva, padsudnaja była apantanaja idejaj zabojstva.

U mai hetaha hoda praz prahramu dla pošuku repietytaraŭ pa anhlijskaj movie jana paznajomiłasia z maładoj nastaŭnicaj, damoviłasia ź joj pra zaniatki doma i zarezała.

Heta žorstkaje zabojstva šakavała krainu. Prakurory prasili dla abvinavačanaj śmiarotnaha prysudu.

Takaja miera pakarańnia ŭ Paŭdniovaj Karei farmalna nie skasavanaja, ale nie ŭžyvajecca z 1997 hoda.

Pošuk achviary

Čon Ju-čon była biespracoŭnaj, žyła sa svaim dziadulem i viała vielmi zamkniony ład žyćcia.

Abvinavačvańnie raskazała sudu, što na pošuk achviary ŭ jaje syšło niekalki miesiacaŭ. Jana napisała bolš jak 50 patencyjnym repietytaram, u asnoŭnym žančynam, pytajučysia, ci zajmajucca jany ŭ siabie doma.

U mai, pradstaviŭšysia mamaj vypusknicy škoły, jakoj patrebnyja ŭroki anhlijskaj movy, Čon Ju-čon napisała 26-hadovaj žančynie i daznałasia jaje adrasa.

Praź niekalki dzion Čon Ju-čon pryjšła da nastaŭnicy dadomu, apranutaja ŭ školnuju formu, nabytuju anłajn, i nakinułasia na achviaru, jak tolki taja začyniła ŭvachodnyja dźviery.

Abvinavačanaja naniesła svajoj achviary bolš za 100 nažavych udaraŭ, bolšuju častku pa ŭžo miortvym ciele.

Imia achviary palicyja nie nazyvaje.

Zatym jana raździaliła cieła i na taksi adviezła čamadan u addalenuju lesaparkavuju zonu ŭ paŭnočnaj častcy horada.

Jaje aryštavali paśla taho, jak taksist paviedamiŭ u palicyju, što jaho pasažyrka viezła bahaž, ź jakoha sačyłasia kroŭ.

Śledčyja vyśvietlili, što ciaham niekalkich miesiacaŭ jana šukała ŭ internecie infarmacyju pra sposaby zabojstva i pra toje, jak pazbavicca ad cieła.

Pry hetym, adznačaje palicyja, Čon Ju-čon nie zrabiła ničoha dla zaściarohi, kab nie patrapić na kamiery nazirańnia pry naviedvańni doma achviary.

Vysokaja stupień najaŭnaści śviadomaści

Začytvajučy prysud, akruhovy sudździa Pusana skazaŭ, što dziejańni padsudnaj «pasiejali ŭ hramadstvie strach, što možna stać achviaraj złačynstva biez usialakich pryčyn» i sparadzili niedavier pamiž ludźmi.

Pa chodzie śledstva Čon niekalki razoŭ mianiała pakazańni, ale ŭ červieni pryznałasia ŭ ździajśnieńni złačynstva i prasiła źmiakčyć joj prysud, zajaviŭšy, što ŭ toj čas jana pakutavała ad halucynacyj i inšych psichičnych rasstrojstvaŭ.

Ale sud adchiliŭ jaje dovady na padstavie taho, što złačynstva było staranna spłanavanaje. Akramia taho, ekśpiertyza pakazała vysokuju stupień najaŭnaści śviadomaści.

U chodzie pracesu jana zajaviła, što jaje cikavaść da zabojstva padahravali kryminalnyja šou i teleprahramy.

Kamientary1

  • -
    24.11.2023
    a rasiejskaja teleprastora ž pierapoŭniena kryminalnym kantentam

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →