Śviet11

Na rasijskaha śpievaka Šarłota zaviali kryminalnuju spravu za «reabilitacyju nacyzmu» i «abrazu pačućciaŭ viernikaŭ»

Ciapier Šarłot adbyvaje 13 sutak aryštu, a potym jaho etapujuć u Samarskuju vobłaść.

Kaciaryna Mizulina zajaviła, što na rasijskaha śpievaka Šarłota zaviali kryminalnuju spravu za «reabilitacyju nacyzmu» i «abrazu pačućciaŭ viernikaŭ». Ab hetym kiraŭnica «Lihi biaśpiečnaha internetu» napisała ŭ svaim telehram-kanale.

Ciapier Šarłot adbyvaje 13 sutak aryštu, jakija jamu pryznačyŭ Leninski rajonny sud Sankt-Pieciarburha 22 listapada pa spravie ab drobnym chulihanstvie, piša «Mieduza».

Ź Pieciarburha śpievaka etapujuć u Samarskuju vobłaść u pačatku śniežnia — pa zakančeńni terminu administracyjnaha aryštu.

U červieni śpiavak Šarłot apublikavaŭ rolik, na jakim jon spalvaje rasijski pašpart. U lipieni Šarłot prybiŭ da raśpiaćcia fatahrafiju patryjarcha RPC Kiryła i svoj vajskovy bilet. U listapadzie Kaciaryna Mizulina źviarnułasia sa skarhaj na śpievaka ŭ SK i MUS. Šarłota zatrymali 22 listapada ŭ aeraporcie Pułkava.

Za «reabilitacyju» nacyzmu Šarłotu moža pahražać da troch hadoŭ źniavoleńnia. Taksama śpievaku moža pahražać da piaci hadoŭ źniavoleńnia za spalvańnie pašparta RF i antyvajennyja vykazvańni.

Šarłot (Eduard Valerjevič Šarłot, 1988, Samara) — rasijski kampazitar, muzykant, śpiavak, aŭtar piesień i akcior. Pieršuju viadomaść atrymaŭ dziakujučy kavieram na pieśni hurta «Pošłaja Moli»; zatym — paśla ŭdziełu ŭ šou «Pieśni na TNT». Paźniej stała viadomaja pieśnia «Ščaka na ščaku», ź jakoj artyst vystupaŭ na šou «Viačerni Urhant»; taksama raspaŭsiudziłasia pieśnia-džynhł, napisanaja Šarłotam dla rekłamy «Miehafona». U sakaviku 2020 hoda byŭ vypuščany sumiesny sinhł z Marhienšternam pad nazvaj «Małyška».

Kamientary1

  • Vania.
    24.11.2023
    Mołodiec śpievak! Budieš s konciertami v Minskie, obiazatielno schožu.

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Usie naviny →
Usie naviny

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →