Śviet

Paralimpijec Oskar Pistoryus, jaki zastreliŭ 10 hadoŭ tamu svaju siabroŭku, damohsia ŭmoŭna-daterminovaha vyzvaleńnia

Jon niekalki razoŭ streliŭ u jaje praź dźviery vannaj u Dzień Śviatoha Valancina ŭ 2013 hodzie, paźniej śćviardžajučy, što pryniaŭ Ryvu za rabaŭnika, jaki pranik u dom.

Oskar Pistoryus padčas sudovaha pasiadžeńnia ŭ Pretoryi ŭ lutym 2013 hoda. AP Photo, File 

Były paralimpijski čempijon z PAR Oskar Pistoryus vyjdzie z turmy ŭmoŭna-daterminova praz 10 hadoŭ paśla zabojstva svajoj siabroŭki fotamadeli Ryvy Stynkamp, piša Bi-bi-si.

Jon niekalki razoŭ streliŭ u jaje praź dźviery vannaj u Dzień Śviatoha Valancina ŭ 2013 hodzie, paźniej śćviardžajučy, što pryniaŭ Ryvu za rabaŭnika, jaki prynik u dom.

U 2016 hodzie Pistoryus, jakomu ciapier 37 hadoŭ, byŭ asudžany na 13 hadoŭ turemnaha źniavoleńnia. I voś ciapier kamisija pa UDV pryznačyła jamu termin vyzvaleńnia 5 studzienia 2024 hoda.

Maci Ryvy Stynkamp, Džun, suprać daterminovaha vyzvaleńnia zabojcy svajoj dački nie piarečyła, ale ŭ liście, nakiravanym kamisii, adznačyła, što zusim nie ŭpeŭnienaja ŭ tym, što ŭ turmie Pistoryus zmoh pieramahčy prystupy raźjušanaści, jakija jaho časam adolvali, dadaŭšy, što patencyjna jana bajałasia b za los luboj žančyny, jakaja vyrašyć być pobač ź Pistoryusam.

Sama Džun paličyła za lepšaje nie prysutničać na słuchańniach kamisii pa UDV, jakija adbylisia ŭ piatnicu ŭ turmie Aterydžvil pad Pretoryjaj. Pavodle jaje słoŭ, jana pa-raniejšamu zanadta mocna pieražyvaje bol straty dački, da jakoj u hetym hodzie dadałasia śmierć jaje muža Bary, baćki Ryvy.

Siabroŭka Pistoryusa, 29-hadovaja Ryva Stynkamp była dypłamavanaj jurystkaj i viadomaj fotamadellu.

Pistoryus čatyry razy streliŭ u Ryvu praź dźviery vannaj ranicaj 14 lutaha 2013 hoda ŭ ich doma ŭ Pretoryi, pryniaŭšy jaje, jak jon paźniej śćviardžaŭ, za rabaŭnika, jaki prakraŭsia ŭ dom, što niaredka zdarajecca ŭ PAR.

Spačatku Pistoryusa asudzili pa bolš miakkim artykule za nienaŭmysnaje zabojstva, adnak paśla patrabavańniaŭ siabroŭ i rodnych Ryvy ŭ 2015 hodzie Viarchoŭny Apielacyjny sud pierahledzieŭ hetaje rašeńnie.

Sud pastanaviŭ, što Pistoryus šmatkroć mianiaŭ svaje pakazańni pra padziei toj ranicy i adkryŭ stralbu, nie majučy słušnych padstaŭ bajacca za svajo žyćcio.

Pa vynikach pieršaha słuchańnia ab UDV, jaki prajšoŭ u sakaviku, Pistoryus atrymaŭ admovu, bo kamisija paličyła, što jon jašče nie adbyŭ minimalny termin pakarańnia, nieabchodny dla daterminovaha vyzvaleńnia. Adnak u kastryčniku Kanstytucyjny sud pastanaviŭ, što heta było pamyłkovaje rašeńnie, tamu ŭ piatnicu było praviedziena paŭtornaje pasiadžeńnie.

Oskar Pistoryus pieramahaje na dystancyi 400 mietraŭ na Parałmpijadzie ŭ Łondanie ŭ 2012 hodzie. Fota: Kirsty Wiggleswort / AP

Pistoryus pazbaviŭsia noh, kali jamu nie było jašče i hoda, adnak pośpiechi miedycyny i najnoŭšyja technałohij u halinie pratezavańnia dazvolili jamu nie tolki asvoić chadu, ale i stać šmatrazovym paralimpijskim čempijonam pa biehu.

Jon zasłužyŭ mianušku «Toj, chto biažyć pa lazie, bo jaho pratezy zbolšaha nahadvajuć dva zahnutyja lazy, i navat zmahaŭsia sa spartoŭcami bieź invalidnaści na łondanskaj Alimpijadzie 2012 hoda.

Kamientary

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →