«Niama nieabchodnaści pastajanna havaryć ab pahrozach biaśpiecy». Prezident Kazachstana na samicie ADKB palemizavaŭ z Łukašenkam
Prezident Kazachstana Kasym-Žamart Takajeŭ na ŭčarašniaj siesii ADKB u vuzkim składzie krytyčna vykazaŭsia adnosna zajavaŭ pra toje, što dziaržavam-udzielnicam arhanizacyi chtości niepasredna pahražaje. Choć kazachstanski lidar nie nazyvaŭ kankretnych proźviščaŭ, možna mierkavać, što asnoŭnym apanientam tut byŭ Łukašenka.
«Vybudoŭvajučy taktyku i stratehiju dziejnaści ADKB, my, biezumoŭna, pavinny ŭličvać pahrozy i vykliki sučasnych realij. Razam z tym, na moj pohlad, niama nieabchodnaści pastajanna havaryć ab pahrozach biaśpiecy dziaržaŭ-udzielnic ADKB, navat kali takija isnujuć. Pahrozy zaŭsiody byli. Takaja sutnaść mižnarodnaj supolnaści.
Častyja zajavy na hetuju temu sparadžajuć iluziju, byccam my kahości baimsia. Padobnyja zajavy mohuć taksama atrymać i, padobna, užo atrymlivajuć zusim niasłušnuju interpretacyju.
Rytoryka arhanizacyi pavinna być žorstkaj, ale hranična karektnaj, z ulikam ułasnaj hodnaści dziaržaŭ-udzielnic i ich abjadnanaha vajskova-palityčnaha patencyjału i mocy. ADKB pakazała svaje pośpiechi jak aŭtarytetnaja vajenna-palityčnaja arhanizacyja, ale napieradzie stajać novyja zadačy, jakija pavinny adpaviadać kanstruktyŭnamu nastroju jaje dziaržaŭ-udzielnic», — zajaviŭ prezident Kazachstana.
Miž tym Łukašenka ŭ svaim vystupleńni jakraz nahniataŭ situacyju i śćviardžaŭ pra najaŭnaść niepasrednaj pahrozy ŭstupleńnia ŭ kanflikt:
«Mižnarodnaje prava pracuje vyklučna dla abranych. Na fonie adyjoznaj vajaŭničaj rytoryki asobnych palitykaŭ i poŭnaj straty ŭzajemnaha davieru idzie metanakiravanaje raskručvańnie śpirali novaj honki ŭzbrajeńniaŭ. Pažar rehijanalnych kanfliktaŭ, z užyvańniem u tym liku najnoŭšych sistem uzbrajeńniaŭ, u luby momant moža pierakinucca ŭ inšyja krainy».
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary