Śviet

KNDR vyvieła na arbitu svoj pieršy raźviedvalny spadarožnik

Paŭnočnaja Kareja vyvieła na arbitu svoj pieršy raźviedvalny spadarožnik, paviedamlaje Centralnaje telehrafnaje ahienctva Karei (CTAK). Ekśpierty ličać, što ŭ hetym joj dapamahła Rasija ŭ abmien na zbroju.

KNDR vyvieła na arbitu svoj pieršy raźviedvalny spadarožnik. Usie fota: kcna.kp

Rakietu-nośbit zapuścili 21 listapada ŭ 22:42 pa miascovym časie z kasmadroma Soche. Za zapuskam asabista naziraŭ lidar KNDR Kim Čen Yn.

Na nastupny dzień, pavodle ahienctva, Kim Čen Yn aznajomiŭsia sa spadarožnikavymi zdymkami vajskovych baz ZŠA. Paŭnavartasnuju ža pracu, jak paviedamlaje krynica, spadarožnik pačnie tolki z 1 śniežnia, bo na jaho nastrojku patrebna 7-10 dzion.

ZŠA nazvali hety zapusk «nachabnym parušeńniem šmatlikich rezalucyj Rady biaśpieki AAN», jaki «pavyšaje napružanaść i ryzykuje destabilizavać situacyju ź biaśpiekaj u rehijonie i za jaho miežami».

Ekśpierty miarkujuć, što KNDR udałosia heta dziakujučy dapamozie Rasii. Raniej Paŭnočnaja Kareja mieła dźvie niaŭdałyja sproby zapusku — u mai i žniŭni. Uličvajučy, što pamiž druhoj i treciaj sprobaj prajšło ŭsiaho kala troch miesiacaŭ, ekśpierty miarkujuć, što KNDR skarystałasia «technałahičnymi nou-chau rasijskich inžynieraŭ».

Kim Čen Yn ža, pavodle ahienctva CTAK, zajaviŭ, što KNDR «ułasnymi siłami praviała pracu pa stvareńni zdolnaści da aerakaśmičnaj vyviedki».

Rasija i Paŭnočnaja Kareja ŭ apošni čas zaŭvažna zblizilisia. U lipieni ŭ KNDR pryjazdžaŭ ministr abarony Rasii Siarhiej Šajhu. U vieraśni Rasiju naviedaŭ lidar Paŭnočnaj Karei Kim Čen Yn. U kastryčniku ŭ KNDR pryjechaŭ ministr zamiežnych spraŭ Rasii Siarhiej Łaŭroŭ.

Mižnarodnyja ahienctvy paviedamlajuć, što KNDR dapamahaje Rasii z uzbrajeńniem. Pavodle Bloomberg, sa žniŭnia KNDR adpraviła ŭ Rasiju bolš za miljon artyleryjskich snaradaŭ u abmien na dapamohu Maskvy ŭ zapusku raźviedvalnaha spadarožnika. Associated Press pisała, što Paŭnočnaja Kareja mahła pieradać Rasii balistyčnyja rakiety.

Kamientary

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ4

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad20

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →