Sport33

Kamanda Rasii fiejeryčna razmałoła zbornuju, jakaja bucy kupiła pierad hulnioj va ŭniviermahu

Futbolnaja zbornaja ŭschodnich susiedziaŭ paśla poŭnamaštabnaha ŭvarvańnia Rasii va Ukrainu adchilena ad jeŭrapiejskich turniraŭ, tamu hulała paŭtara hoda tavaryskija matčy z zusim niatopavymi zbornymi z Afryki i Azii. Učora dajšła čarha Kuby, jakuju ŭ Vałhahradzie razhramili ź likam 8:0.

Fota z sajta Sports.ru

Na Kubie samyja papularnyja vidy sportu heta biejsboł i valejboł. A futboł zusim nie karystajecca papularnaściu. Zbornaja Kuby zajmaje 169-y radok u rejtynhu FIFA. Biełaruś — 100-ja, i heta vielmi słaby vynik. Usiaho ŭ rejtynhu FIFA — 207 zbornych, uklučna ź ladaščymi San-Maryna i Amierykanskimi Virdžynskimi vyspami.

Kubinskaja družyna rehularna ŭdzielničaje ŭ Załatym kubku KANKAKAF (turnir dla kamand Paŭnočnaj i Centralnaj Amieryki), a ŭ čempijanatach śvietu ŭdzielničała tolki adnojčy, u 1938 hodzie. Toj čempijanat mieŭsia prajści ŭ Arhiencinie, ale FIFA addała jaho Francyi i bolšaść zbornych z amierykanskaha kantynienta bajkatavała jaho. U Jeŭropu papłyli tolki Kuba i Brazilija. Tady turnir pravodziŭsia pa sistemie płej-of, kamandy startavali adrazu z 1/8 finału. Kuba prajšła Rumyniju, ale ŭ čverćfinale atrymała 0:8 ad Šviecyi.

U Rasii kubincam pryjšłosia pieraabuvacca ŭ pramym sensie, piša sports.ru.

Hulcam Kuby prosta ŭ Vałhahradzie kupili novyja bucy, pra heta raspavioŭ hienieralny sakratar kubinskaj asacyjacyi futboła Mihiel Anchiel Dyjas.

«Paŭstała pytańnie patrebnych bucaŭ. U nas sintetyčnyja pali, jak praviła, hazon nie taki vilhotny, i tamu vykarystoŭvajem bucy z karotkimi šypami. Kali prylacieli ŭ Rasiju, zrazumieli, što nam patrebny inšy abutak, kab zhulać matč.

Jakaść było nie hetak važna, kolki charaktarystyka abutku, kab była mahčymaść narmalna zhulać u futboł na takim hazonie», — raskazaŭ čynoŭnik.

Krychu paźniej kamientatar Dźmitryj Šniakin padzialiŭsia padrabiaznaściami: u miascovaha vytvorcy bucaŭ zamovili 10 par, ale ŭ vyniku nie damovilisia. U Vałhahradzie kubincy prosta zakupilisia ŭ «Sportmajstry»! Tak-tak, zbornaja Kuby pryjechała ŭ HC i ŭziała 11 par.

«Jany ŭziali paru Demix, Exponenta Enrblast 46 pamieru, niekalki par Puma dla naturalnaha hazona, u nas byli Ultra Match, i niekalki par Adidas Crazyfast 4, — raspavioŭ «RB Sport» rabotnik «Sportmajstra Alaksandr, jaki dapamahaŭ futbalistam z kuplaj. — Ahułam vyjšła dzieści na 100 tysiač rubloŭ (kala 1200 dalaraŭ).

Usio apłaciŭ Rasijski futbolny sajuz: ź imi byŭ rasijski ahient, jon jakraz apłaciŭ, tamu što ŭ jaho rubli byli — u ich [delehacyi zbornaj Kuby] zamiežnyja kupiury. U ich tam svaje damoŭlenaści, skažam tak.

Čamu tolki adna para Demix? Patrebny byŭ vialiki pamier, z Puma i Adidas nastolki vialikaha nie znajšłosia, padyšoŭ Demix».

Kamientary3

  • Volha
    21.11.2023
    Na jakuju chaleru pra heta pisać? Rasieja - čumnaja zona. Kropka.
  • Hy
    21.11.2023
    łapci treba było vydać
  • Kłub po intieriesam
    21.11.2023
    Nu vsio pravilno, vot on, urovień ichniej "lihi". "Pusť zajmutsia łučšie čistkoj sarajev - priamym svoim diełom, i razrucha isčieźniet sama soboj."

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →