Zbornaja Kazachstana finišavała ŭ svajoj hrupie treciaj, ale maje šaniec u sakaviku trapić na Jeŭra-2024. Fota: Sport.kz

Zbornaja Kazachstana finišavała ŭ svajoj hrupie treciaj, ale maje šaniec u sakaviku trapić na Jeŭra-2024. Fota: Sport.kz

Hruzija finišavała ŭ hrupie A na 4-m miescy, prapuściŭšy napierad Ispaniju, Šatłandyju i Narviehiju. Tut na Jeŭra pa vynikach adboračnaha turniru jeduć Ispanija i Šatłandyja, a Narviehija z Erlinham Chołanam naohuł skončyła baraćbu.

Kazachstan u svajoj hrupie zmahaŭsia da apošniaha i skončyŭ adbor trecim z 18 bałami ŭ hrupie H (tut pramyja pucioŭki na kantynientalnaje pieršynstvo atrymali Danija i Słavienija). Stolki ž (18 bałaŭ) nabrała Finlandyja.

Luksiemburh u hrupie z Partuhalijaj, Słavakijaj, Bośnijaj, Isłandyjaj i Lichtenštejnam finišavaŭ trecim.

Ale Kazachstan, Hruzija, Luksiemburh i Finlandyja majuć šaniec prabicca na Jeŭra-2024 praz stykavyja matčy Lihi nacyj (turnir zasnavany UEFA niekalki hadoŭ tamu). 

Heta 11 kamandaŭ (Polšča, Estonija, Finlandyja, Ukraina, Isłandyja, Izrail, Bośnija, Hruzija, Kazachstan, Luksiemburh, Hrecyja), jakija pakazali dobryja vyniki ŭ tym turniry.

Siońnia taksama vyznačycca, Charvatyja ci Uels atrymajuć pramuju pucioŭku na Jeŭra-2024, a chto budzie prabivacca praz styki Lihi nacyj.

Zbornaja Biełarusi ŭ dyvizijonie S (treci z čatyroch pa mocy) Lihi nacyj vystupiła žachliva: zaniała apošniaje miesca za Kazachstanam, Słavakijaj i Azierbajdžanam i budzie ŭ sakaviku 2024 hoda naohuł zmahacca za prava zastacca ŭ im z kamandaj Litvy.

Siońnia pozna ŭviečary kamandy kančatkova raźmiarkujucca pa «šlachu A», ci «šlachu B» (u kožnym pa čatyry kamandy). 

Formuła nastupnaja: paŭfinały i finał. Na Jeŭra-2024 traplaje tolki pieramožca.

«Šlach S» užo sfarmavany: Hruzija zhulaje doma ź Luksiemburham, a Hrecyja doma z Kazachstanam. Pieramožcy paŭfinałaŭ sustrenucca pamiž saboj i vyznačać zbornuju, jakaja jedzie na čempijanat Jeŭropy.

Kančatkovyja ŭdzielniki šlachoŭ A (siudy ŭžo trapiła Estonija) i B (siudy trapili Izrail i Bośnija) stanuć viadomyja pozna viečaram. Stykavyja matčy projduć u sakaviku.

Čempijanat Jeŭropy pa futbole projdzie z 14 červienia pa 14 lipienia 2024 hoda ŭ Niamieččynie.

Vyznačylisia 20 z 24 zbornych, jakija voźmuć udzieł u čempijanacie Jeŭropy nastupnym letam. Heta Niamieččyna (haspadynia spabornictvaŭ), Ispanija, Šatłandyja, Francyja, Niderłandy, Anhlija, Italija, Turcyja, Ałbanija, Čechija, Bielhija, Aŭstryja, Vienhryja, Sierbija, Partuhalija, Słavakija, Rumynija, Šviejcaryja, Danija, Słavienija.

Čytajcie taksama:

Italija, Słavienija i Čechija zhulajuć na čempijanacie Jeŭropy pa futbole

Zbornaja Partuhalii skončyła adboračny turnir sa stopracentnym vynikam i fantastyčnaj roźnicaj miačoŭ

Francyja razmazała Hibrałtar ź likam 14:0

Клас
0
Панылы сорам
0
Ха-ха
0
Ого
1
Сумна
0
Абуральна
1