«Razorvať śviaź s Rośsijej?!?! Da v etoj śviazi naša siła!!!» Chto takija praŭładnyja troli, jakija imitujuć hramadskuju dumku ŭ rehijanalnych pablikach?
Kamientary na staronkach dziaržaŭnych rajonnych haziet u sacsietkach — źjava redkaja. Ale časam pad niekatorymi pastami ŭ pablikach rajonak Homielskaj vobłaści ŭźnikajuć cełyja płyni kamientaroŭ, pryčym z adnapalarnymi mierkavańniami. Na hetuju tendencyju źviarnuŭ uvahu «Fłahštok», pravioŭšy nievialikaje rasśledavańnie na prykładzie adnaho z vydańniaŭ, chto hetyja kamientary piša.
Jak praviła, kamientary źjaŭlajucca pad tymi pastami, śćviardžeńni ŭ jakich treba padtrymać ideałahična «pravilnym» mierkavańniem, albo paśla taho, kali pad jakim-niebudź pastom źjaŭlajecca niehatyŭny kamientar abo mierkavańnie, jakoje nie supadaje z pasyłami prapahandy.
Heta dobra zaŭvažna pa pabliku haziety «Pietrykaŭskija naviny» ŭ sacsietcy «UKantakcie». Kamientar, jaki nie spadabaŭsia redakcyi, tut zvyčajna vydalajuć, ale ŭ adkaz pakidajuć niekalki kamientaroŭ, jakija haniać apanienta, vyśmiejvajuć jaho pazicyju, dublujuć prapahandysckija štampy.
«Fłahštok» pahladzieŭ, što ź siabie ŭjaŭlajuć troli, jakija pakidajuć kamientary na staroncy pietrykaŭskaj rajonki.
Naprykład, heta karystalnik ź imiem «Luda Nikołajeva». U jaje zakryty profil, ale, jak udałosia vyśvietlić, heta siabra praŭładnaha «Biełaruskaha sajuza žančyn» Ludmiła Batan, jakaja ŭžo stanaviłasia hierainiaj publikacyj rajonnaj haziety. Naprykład, demanstratyŭna ŭskładała kvietki napiaredadni aficyjnaha Dnia niezaležnaści, kazała pra «honar za krainu», «mirnaje nieba» i «ŭpeŭnienaść u zaŭtrašnim dni». Była siabroŭkaj vybarčaj kamisii — jak minimum adnojčy, u 2016 hodzie.
Taksama siarod kamientataraŭ — Taćciana Rybak, miarkujučy ź infarmacyi na staroncy — supracoŭnica miascovaha adździeła adukacyi.
Adnak bolšaść akaŭntaŭ, ź jakich pakidajuć «patrebnyja kamientary», — fejkavyja. Na ich staronkach niama nijakaj infarmacyi, niama siabroŭ, a padpiska tolki adna — na «Pietrykaŭskija naviny».
U toj ža čas adna z tych, chto najbolš aktyŭna «trolić» u pabliku pietrykaŭskaj rajonki — jaje ž hałoŭnaja redaktarka Halina Kazak. Kali ŭ žniŭni 2020-ha jana raźmiaščała na svajoj asabistaj staroncy zaklik «pačuć adno adnaho», to ciapier na mierkavańnie karystalnika «jak možna tak stavicca da hramadzian krainy, kab pazbavić ich mahčymaści mianiać pašpart za miažoj», adkazvaje (arfahrafija i punktuacyja zachavanaja):
«Prijed́, pomieniaj pasport i živi dalšie… A kol hraždaninom RB javlaješsia čisto naminalno i vieśma usłovno… Ja ponimaju o čiem vy: v hraždanie jevropiejskich stran nie bierut, tak pusť choť RB ostanietsia. Tak vot niet, pravilnyj zakon i svojevriemiennyj».
Abo:
«U nas vojna? Hdie???? Razorvať śviaź s Rośsijej?!?! Da v etoj śviazi naša siła!!! Vo vriemiena Sovietskoho Sojuza hlanuť koso v našu storonu bojaliś. A vsie počiemu? Potomu čto v jedinstvie siła!»
Taksama aktyŭna prasoŭvaje štampy prapahandy ŭ kamientarach adkaznaja sakratarka pietrykaŭskaj rajonki Śviatłana Sobaleva. Svaju staronku jana apošnim časam nie abnaŭlaje, ale vykarystoŭvaje jaje ŭ pabliku haziety dla stvareńnia bačnaści masavaj padtrymki režymu.
Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie
«Chto ŭsich ździviŭ, dyk heta Prydybajła». Adzin z byłych kiraŭnikoŭ Studsajuza BDU razvažaje pra zakryćcio arhanizacyi
Tonki namiok? Top-čynoŭniki nie pryjšli na adkryćcio pomnika Alaksandru Nieŭskamu, a sam pomnik tłumačać «daninoj pavahi rasiejcam»
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami9
Kamientary
fryzura 50hadovaj daúniny, pohlad z płakata stalinskich časoú... Padazraju, i astatnija fanatki toj tualetnaj hazetki vyhladajuć nie lepš... Ščyra skažu, chaču pamylicca😊😊😊