Hramadstva1010

Adšukali čałavieka, jaki, mierkavana, pieravodziŭ hrošy Alehu Aksionavu ad KDB

Učora ŭ efiry ANT pakazali, na jakoje imia byŭ zarehistravany rachunak, ź jakoha KDB płaciŭ Aksionavu. Telehram-kanał «Biełaruś hałaŭnoha mozha» raskazaŭ, što razam z «Kibierpartyzanami» jany adšukali hetaha čałavieka.

Anton Lemiešaŭ. Fota: telehram-kanał «Biełaruś hałaŭnoha mozhu»

Miarkujecca, što hetym čałaviekam byŭ Anton Lemiešaŭ. Jamu 25 hadoŭ, rodam z Mahilova. Pa źviestkach, jakija telehram-kanału «Biełaruś hałaŭnoha mozha» pieradali «Kibierpartyzany», jon prachodziŭ terminovuju słužbu va ŭnutranych vojskach.

My daviedalisia taksama, što ź vieraśnia 2013-ha pa maj 2016-ha Anton vučyŭsia ŭ Mahiloŭskim prafiesijnym licei № 5 na stanočnika drevaapracoŭčych stankoŭ. Imavierna, paśla vučyŭsia ŭ Biełaruska-rasijskim univiersitecie ŭ Mahilovie, ale niezrazumieła, ci skončyŭ jaho — na 2020-y jon ukazvaŭ, što ŭ jaho siaredniaja śpiecyjalnaja adukacyja. A ŭ 2020-m šukaŭ pracu raznarabočym u Mahilovie.

Reziume Antona. Fota: flagma.by

Pa źviestkach «Kibierpartyzanaŭ», jon šmat jeździŭ u Polšču, a pra jahonuju pracu ŭ Biełarusi ničoha nieviadoma.

Jakaja jahonaja rola ŭ apieracyi pa «razvodzie» Aksionava i dziela čaho ANT vyrašyła pakazać jahonyja imia i proźvišča (naŭrad ci vypadkova) — heta hałoŭnaja zahadka.

My pasprabavali zadać pytańni Antonu, ale jon zabłakavaŭ našaha žurnalista paŭsiul, dzie toj jamu pisaŭ.

Nahadajem, aktyvist i juryst Aleh Aksionaŭ staŭ achviaraj śpiecapieracyi KDB — pad vyhladam jeŭrapiejskaj arhanizacyi jaho paprasili chadzić na mierapryjemstvy i «pierapraviarać» toje, jak traciacca hranty ES. Za heta jamu płacili.

U subotu čekisty raskryli karty — jany prapłacili Aksionavu «sieminar pa biaśpiecy» ŭ Biełaruskim moładzievym chabie, ale ŭ efir pad vyhladam «sponsara i arhanizatara» vyjšli namieśnik načalnika śledčaha ŭpraŭleńnia KDB Kanstancin Byčak i prapahandyst Ihar Tur.

«Naša Niva» — bastyjon biełaruščyny

PADTRYMAĆ

Kamientary10

  • dlinnyje ruki
    20.11.2023
    so mnohimi tut nado raźbiraťsia... Prav inohda Zianon, "kruhom heb́jo".
  • Jan Norman
    20.11.2023
    Nievierojatnyje jašče praciahvajuć kamłańnie pierad mikrafonami "U Paźniaka usie navokał ahienty" ci užo krychu paprycichli?
  • Josik
    20.11.2023
    Drenna ŭsio hetaje, što zaraz adbyvajecca ŭ Biełarusi. Ale śmiešna, jakija kadebešniki kałdyry, niama ani fantazii, ani hłuzdoŭ. Byčak, tur, možna było šče siaścior hruździevych zaprasić, jakija jany ŭsie končanyja. I jak pahancu turu doma z žonkaj dy małym saškam, narmalova? A što ty rabiŭ siońnia? A naciahnuŭ paryk, akulary, hrym, morda była padobnaja na sr.ku, jašče adnaho voraha znajšli. Mnie kadebist miedal abiacaŭ, mo, navat, orden daduć Za addanaje słužeńnie ahrafiureru piataj stupieni. A ty ž moj rodnieńki, a ty ž moj śmieły mužčyna, tolki hladzi, kab dzie butelkaj pa hałavie nie lasnuli ci horła nie pierarezali ŭ ciomnym miescy.

Hod Syrskaha. Jak vajuje ŭkrainskaja armija z hetym hałoŭnakamandujučym

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?45

Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna1

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić