«Ludzi čamuści staviacca da hetaha, jak da kino, i čakajuć, što ŭ padziejach nie budzie doŭhich paŭz, što karcinka pierad vačyma zaŭsiody budzie mianiacca, kožny dzień buduć niejkija siurpryzy», — skazaŭ prezident Ukrainy.
Prezident Ukrainy Uładzimir Zialenski adznačyŭ, što raspačataja Rasijaj poŭnamaštabnaja vajna suprać Ukrainy zavieršycca nie tak chutka, jak nam by chaciełasia, ale Ukraina nie źbirajecca apuskać ruki. Pra heta kiraŭnik Ukrainy skazaŭ padčas sustrečy z hienieralnym dyrektaram Fox Corporation Łakłanam Mierdakam, žurnalistami Fox News, piša UNIAN.
Prezident Ukrainy raskazaŭ ab situacyi na poli boju, vysokaj matyvacyi i rašučaści ŭkrainskaha naroda i viery ŭ pieramohu.
Taksama Zialenski adznačyŭ važnaść zachavańnia ŭvahi miru da ŭkrainskich namahańniaŭ u baraćbie za svabodu i svaju dziaržavu.
«Ludzi čamuści staviacca da hetaha, jak da kino, i čakajuć, što ŭ padziejach nie budzie doŭhich paŭz, što karcinka pierad vačyma zaŭsiody budzie mianiacca, kožny dzień buduć niejkija siurpryzy. Ale dla nas, dla našych voinaŭ heta nie kino. Heta našy žyćci. Heta štodzionnaja ciažkaja praca. I zavieršycca ŭsio nie tak chutka, jak nam by chaciełasia, ale my nie majem prava apuskać ruk i nie zrobim hetaha», — padkreśliŭ prezident Ukrainy.
-
U Rasii salistku vajskovaha arkiestra aštrafavali na $30 tysiač za sprobu dakazać kaleham, što va Ukrainie hinuć cyvilnyja
-
U noč na čaćvier Hrozny padvierhnuŭsia napadu bieśpiłotnikaŭ
-
«Rasija nikoli nie spynicca — jaje možna tolki rabić słaboj». Vialikaja hutarka z kamandziram kalinoŭcaŭ Paŭłam Šurmiejem
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary