Armienija paprasiła partnioraŭ u ADKB źniać z paradku dnia dakumient ab dapamozie krainie
22 listapada ŭ Minsku adbuducca pasiadžeńni savietaŭ ministraŭ abarony, zamiežnych spraŭ i Kamiteta sakrataroŭ Radaŭ biaśpieki krain ADKB. Na 23 listapada zapłanavana praviadzieńnie siesii Rady kalektyŭnaj biaśpieki ADKB.
Armienija paprasiła partnioraŭ u ADKB źniać z paradku dnia dakumient ab dapamozie krainie. Pra heta zajaviŭ hienieralny sakratar ADKB Imanhali Tasmahambietaŭ 20 listapada na sustrečy z Alaksandram Łukašenkam, piša BiełTA.
22 listapada ŭ Minsku adbuducca pasiadžeńni savietaŭ ministraŭ abarony, zamiežnych spraŭ i Kamiteta sakrataroŭ Radaŭ biaśpieki krain ADKB. Na 23 listapada zapłanavana praviadzieńnie siesii Rady kalektyŭnaj biaśpieki ADKB.
«Što datyčycca vykanańnia płana mierapryjemstvaŭ pa realizacyi rašeńniaŭ Rady kalektyŭnaj biaśpieki listapadaŭskaj siesii minułaha hoda i pryjarytetnych napramkaŭ Biełarusi, z 34 mierapryjemstvaŭ 32 vykanany.
Dva mierapryjemstvy, na žal, vykanać nie mahli. Heta pierš za ŭsio našy mižnarodnyja kantakty ź jeŭrapiejskimi mižnarodnymi arhanizacyjami, takimi jak ABSIE. U siłu ich pazicyj. I druhoje pytańnie — heta daručeńnie Rady kalektyŭnaj biaśpieki pa dapracoŭcy rašeńnia pa dapamozie Armienii. Armianski bok, choć usie astatnija chaŭruśniki padtrymali hetuju pastanovu, nie vykazvaŭ nijakaj svajoj cikavaści da hetaha dakumienta i, bolš za toje, u zaviaršalnaj častcy našaj pracy jany paprasili jaho naohuł źniać z paradku dnia», — skazaŭ hienieralny sakratar ADKB.
U listapadzie 2022 hoda na samicie ADKB u Jerevanie premjer-ministr Armienii Nikoł Pašynian admoviŭsia padpisać prajekt rašeńnia Rady kalektyŭnaj biaśpieki ab sumiesnych mierach pa akazańni dapamohi Armienii. Tahačasny hienieralny sakratar ADKB Stanisłaŭ Zaś paśla pasiadžeńnia rastłumačyŭ žurnalistam, što dakumient u cełym uzhodnieny, vyznačany kompleks mier pa akazańni dapamohi Armienii. Ale pa šerahu pazicyj prajekt rašeńnia mieŭ patrebu ŭ dapracoŭcy. Kiraŭniki dziaržaŭ daručyli dapracavać hety dakumient i dasłać jaho im na padpisańnie.
Pašynian skazaŭ Łukašenku, kab na ADKB jaho nie čakali
Pašynian: U Baku Armieniju nazyvajuć «Zachodnim Azierbajdžanam»
Armienija moža zakryć rasijskuju vajskovuju bazu — Pašynian
«Pašynian idzie pa šlachu Zialenskaha». Maskva rascaniła vystup armianskaha kiraŭnika ŭ Jeŭraparłamiencie jak «absalutna pravakacyjny»
Pašynian: Armienija hatovaja być bližejšaj da ES, nakolki Jeŭrasajuz ličyć heta mahčymym
Pamierłaha 52-hadovaha aŭtaślesara ź Viciebska hod tamu strašna źbili milicyjanty9
Kamientary