Eks-lidar Partyi BNF Ryhor Kastusioŭ, asudžany na 10 hadoŭ źniavoleńnia, źmieščany ŭ pamiaškańnie kamiernaha typu, napisaŭ u sacsietkach jahony ziać Dźmitryj Antončyk.
«Paćvierdziłasia infarmacyja. Ryhor Kastusioŭ źmieščany ŭ PKT. Chutčej za ŭsio, 11 listapada», — napisaŭ jon.
Ryhoru Kastusiovu — 66 hadoŭ. Jaho zatrymali 12 krasavika 2021 hoda razam z Alaksandram Fiadutam i Jurasiom Ziankovičam pa «spravie ab zachopie ŭłady».
U vieraśni 2022 hoda sud pryhavaryŭ palityka da 10 hadoŭ kałonii ŭzmocnienaha režymu. Pakarańnie adbyvaje ŭ PK-22 u «Voŭčych norach» u Ivacevickim rajonie.
Jašče ŭ minskim SIZA ŭ Ryhora Kastusiova dyjahnastavali ankałahičnaje zachvorvańnie. Čarhovaje miedycynskaje abśledavańnie palitviazień prajšoŭ u žniŭni, ale pra vyniki ahladu i analizaŭ jamu nie paviedamili.
«Raskazaŭ, što ciapier vielmi balać nohi. Nohi aciakajuć, bo ŭ jaho mocny varykoz. Va ŭmovach ŠIZA z varykozam vielmi ciažka. Nočču davodzicca lažać na hołych doškach, a ŭdzień narmalna niemahčyma navat pasiadzieć», — apisvaŭ u pačatku kastryčnika Źmicier Antončyk situacyju ź cieściem.
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary