Hramadstva22

Čamu biełaruski jeduć naradžać u Arhiencinu i kolki heta kaštuje

Apošnim časam niekatoryja biełaruski adpraŭlajucca naradžać za akijan, a adna ź biełaruskich klinik navat prapanuje aficyjnaje supravadžeńnie rodaŭ za miažoj. Vydańnie Blizko.by pahladzieła, što prapanujuć, kolki hrošaj treba brać z saboj u Arhiencinu i jakija bonusy možna atrymać ad rodaŭ na čužynie.

Zornyja rody

Naprykład, krychu bolš za miesiac tamu ŭ Buenas-Ajresie naradziła dačku viadomaja rasijskaja aktrysa Volha Kuźmina — jana zamužam za biełarusam Jaŭhienam Apanasievičam.

«Pieralot my płanavali zahadzia, i nijakich siurpryzaŭ nie było. My źbirali ŭsie nieabchodnyja dakumienty, daviedki, ja kansultavałasia ź lekaram… — raskazvała zorka rasijskich sieryjałaŭ u sacsietkach. — Rašeńnie lacieć u Arhiencinu było pryniata sumiesna — jak ź vialikaj radaściu i apiaredžańniem, tak i z dolaj sumnieńniaŭ i pieražyvańniaŭ. Ale nie varta zabyvać, što varjackija rašeńni-heta častka našaha stylu. Tamu ŭ vyniku my ŭsio ž apynulisia na inšym kantyniencie…»

Naradžać u Arhientynu latajuć i biełaruski.

Čamu Arhiencina?

Pavodle suśvietnaha rejtynhu krain pa ŭzroŭni miedycyny Biełaruś zajmaje 81 miesca, Rasija — 58, a Arhiencina — 33. Pryvatnyja balnicy ŭ Arhiencinie abstalavanyja pa apošnim słovie techniki i anitrochi nie sastupajuć balnicam u ZŠA. Dla hramadzian mnohich krain praduhledžany biaźvizavy ŭjezd na 90 dzion z mahčymaściu padaŭžeńnia biaźvizavaha znachodžańnia.

Rody ŭ Arhiencinie zabiaśpiečvajuć novanarodžanamu hramadzianstva pa pravie ziamli. A razam ź dziciom atrymać arhiencinski pašpart mohuć i jaho baćki.

Što daje arhiencinski pašpart? Prava na biaźvizavyja padarožžy ŭ 170 krain śvietu, uklučajučy krainy ES, Vialikabrytaniju, Japoniju, Novuju Ziełandyju. A vizy ŭ ZŠA arhiencincam vydajucca zvyčajna adrazu na 10 hadoŭ.

Košt pytańnia

Rody ŭ pryvatnaj balnicy ŭ Arhiencinie kaštujuć u razy tańniej, čym, naprykład, rody ŭ klinicy takoha ž uzroŭniu ŭ ZŠA ci Jeŭropie, havorać u biełaruskim miedcentry.

Košt pakieta pa arhanizacyi rodaŭ u Arhiencinie — kala 2500 u.a. Dla paraŭnańnia: voś jakija ceny na rody ŭ niekatorych inšych krainach: Čyli — 5000 dalaraŭ, ZŠA — 18000 dalaraŭ, Brazilija — 4000 dalaraŭ, Kanada — 20000 dalaraŭ, Jeŭropa — ad 3000 dalaraŭ da 20000 dalaraŭ (u zaležnaści ad krainy).

Adnym z vyznačalnych pytańniaŭ pry pryniaćci rašeńnia ab rodach u Arhiencinie źjaŭlajecca košt samich rodaŭ. Jon składajecca z dvuch kampanientaŭ: košt pryvatnaj balnicy + cana za lekara i jaho kamandu albo za dziažurnuju bryhadu lekaraŭ u klinicy.

Voś jakija ceny byli aktualnyja ŭ traŭni hetaha hoda ŭ pryvatnych balnicach: naturalnyja rody — ad 1800 dalaraŭ, košt dziažurnaj bryhady miedykaŭ ≈ 850 dalaraŭ, kiesarava siačeńnie — 200-400 dalaraŭ da koštu naturalnych rodaŭ. Ceny na rody ŭ pryvatnych radzilniach mohuć mianiacca kožnyja 40-60 dzion.

Aficyjnaja valuta Arhienciny — piesa, u jakoj i adbyvajecca bolšaja častka raźlikaŭ. U Arhiencinu rajać jechać z najaŭnymi dalarami, pakolki mienavita dalary možna abmianiać pa samym vyhadnym kursie. Jeŭra cenicca mienš, čym dalar.

Košt kvatery ŭ dobrym rajonie startuje ad 1000 dalaraŭ u miesiac i vyšej. Jak praviła, damovu na arendu kvatery zaklučajuć ad 3 miesiacaŭ i ŭ hetym vypadku nieabchodna ŭnieści poŭnuju pieradapłatu za ŭvieś pieryjad. Da hetaj sumy, mahčyma, pryjdziecca dadać: pracent ahientu pa nieruchomaści (kala 20%), miesiac koštu arendy ŭ jakaści zvarotnaha depazitu (jak zakład za meblu, techniku, ramont).

Ceny na pradukty — nie zavobłačnyja. Naprykład, vialikaja restarannaja pica kaštuje kala dziesiaci dalaraŭ. Zakupić pradukty na siamju z troch čałaviek na tydzień na rynku možna za 30-40 dalaraŭ!

Taksi — 3-5 dalaraŭ za pajezdku.

Mietro — 0.10 dalara adzin prajezd.

Śniadanak — 3-5 dalaraŭ na čałavieka (kava+ tost/ kruasan).

Vialikaja viačera na dvaich va ŭstanovie — 20-30 dalaraŭ.

Padhuźniki dla novanarodžanych — 7-8 dalaraŭ.

Cikavyja fakty

U Arhiencinie, kali dzicia naradžajecca, u jaho adrazu biaruć adbitak nožki, a ŭ mamy — adbitak palca. Heta robicca dla taho, kab, nie daj Boh, nie pierabłytać dzicia i kab byŭ dokaz, što dzicia — sapraŭdy vaša.

Dzicia na ŭsie ahlady paśla naradžeńnia abaviazkova chtości supravadžaje (mama, tata, doŭła), jaho nidzie nie pakidajuć sam-nasam ź miedycynskim piersanałam.

Paśviedčańnie ab naradžeńni afarmlajecca adrazu paśla vypiski z radzilni. ZAHS, dzie vydajuć usie nieabchodnyja dakumienty, taksama znachodzicca pry radzilni.

Na kožnaj pałacie ŭ radzilni visić vialikaja karcinka-biehiemocik, kudy adrazu paśla naradžeńnia dziciaci zapisvajuć jaho imia, tamu ź imiem pažadana vyznačycca jašče da rodaŭ. Hetuju miłuju nalepku potym addajuć baćkam na pamiać. A pierad rodami ŭručajuć padarunkavy pakiet, kudy ŭvachodziać prezienty i nieabchodnyja na pieršy čas dla dziciaci i mamy rečy.

Kamientary2

  • Ola
    17.11.2023
    Och, ludi vy ludi...
    Jeśli vsie chorošo - kakaja raźnica hdie rožať.
    A jeśli vsie płocho - pointieriesujtieś skolko stojat v arhientinskoj častnoj klinikie sutki rieanimacii i intiensivnoj tierapii. I jesť li oni tam voobŝie.
  • Maksim Dizajnier
    17.11.2023
    Staťju možno było sokratiť do dvuch priedłožienij:"Za hraždanstvom dla riebienka" i ciena. 

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»33

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Usie naviny →
Usie naviny

Tramp uvioŭ taryfy dla Kitaja i choča abkłaści imi Jeŭrasajuz. Ci zakranie Biełaruś?4

U 2024 hodzie ŭ Polščy zatrymali bolš za 900 biełarusaŭ, jakija nielehalna pracavali ŭ krainie3

Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?1

Hetuju sadavinu ludzi masava spažyvajuć zimoj. A jana litaralna našpihavanaja chimijaj9

Stvorany asfalt, jaki sam siabie ramantuje i adnaŭlaje6

«Kinuŭ i zabyŭsia». U ZŠA stvaryli ŭdarny dron u vyhladzie miača dla amierykanskaha futbołu2

U Vilni i Varšavie zapuskajecca adukacyjnaja prahrama «Žurfak pa subotach», jakaja budzie rychtavać kadry dla niezaležnych miedyjaŭ12

U Akademii navuk prapanujuć zabaranić mietałašukalniki9

Tramp uvodzić sankcyi suprać Mižnarodnaha kryminalnaha suda21

bolš čytanych navin
bolš łajkanych navin

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»33

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Hałoŭnaje
Usie naviny →

Zaŭvaha:

 

 

 

 

Zakryć Paviedamić