Hramadstva55

Rasśledavalniki vyjavili schiemy dziejnaści Anatola Tarnaŭskaha — multymiljaniera, jaki pracaŭładkavaŭ Hannu Łukašenka (Siałuk)

Biełaruski rasśledavalnicki centr apublikavaŭ rasśledavańnie, pryśviečanaje stvaralniku «Juniviest-M» i mnohich inšych kampanij.

Anatol Tarnaŭski Anatolij Tarnavskij Anatoly Tarnavskyi
Anatol Tarnaŭski. Skryn videa Belarus_Files / YouTube

Anatol Tarnaŭski — biełaruski biznesoviec ukrainskaha pachodžańnia z rasijskim pašpartam, ułaśnik niekalkich najbujniejšych kampanij Biełarusi. Pra jaho amal adsutničaje infarmacyja ŭ adkrytych krynicach. Jahonaje imia navat nie ŭspłyvała siarod kandydataŭ na sankcyi ŭ apošnija try hady. Tolki adna Kanada ŭviała suprać jaho abmiežavańni.

Biełaruski rasśledavalnicki centr pry padtrymcy Centra pa rasśledavańni karupcyi i arhanizovanaj złačynnaści (OCCRP) i «Kibierpartyzanaŭ» u ramkach prajekta Cyprus Confidential adšukaŭ dakumienty, jakija raskryvajuć schiemy pracy kampanij Tarnaŭskaha.

Za historyju svajho biznesu ŭ Biełarusi, jaki pačaŭsia ŭ 1998 hodzie z pasady vice-prezidenta «Słaŭnafty», pad sankcyi Tarnaŭski trapiŭ tolki adnojčy. Heta adbyłosia ŭ 2012 hodzie. U toj čas imia biznesoŭca było viadomym u Biełarusi. Jaho kampanii ŭvachodzili ŭ dziasiatku najbujniejšych padatkapłacielščykaŭ Biełarusi. A ŭ 2006 hodzie firma «Juniviest-M» była trecim padatkapłacielščykam paśla dvuch naftapierapracoŭčych pradpryjemstvaŭ krainy.

Asabliva blizkija adnosiny Anatol Tarnaŭski mieŭ ź siamjoj siaredniaha syna Łukašenki Dźmitryja. Žonka Dźmitryja, Hanna Łukašenka, pracavała namieśnicaj hienieralnaha dyrektara «Juniviest-M».

Hanna Łukašenka — ambitnaja dziajačka ŭ roznych śfierach biznesu. Tak, jana piša pieśni, jakija prynosiać dachody ŭ vyniku ich vykanańnia ŭ dziaržaŭnych ŚMI i na karparatyvach dziaržpradpryjemstvaŭ. U hetaj śfiery jana dziejničaje pad psieŭdanimam Hanna Siałuk. A ŭ čas jaje pracy na «Juniviest-M» hetaja kampanija atrymała najvyhadniejšy staličny ŭčastak dla zabudovy: mienavita jana realizavała minipolis «Kaskad». Jana ž zbudavała kompleks «Notynhiem» u Minskim rajonie, HRC «Ekvatar» u Breście i mnohija inšyja.

U materyjale rasśledavańnia BRC adznačajecca, što praz čatyry miesiacy paśla taho, jak Tarnaŭski trapiŭ pad sankcyi, na Kipry zjaviłasia novaja kampanija — Medesoil Trading Limited. Jana zajmałasia zakupam i prodažam naftapraduktaŭ. Zasnavalnikam kampanii vystupiŭ afšorny pravajdar MeritServus z dapamohaj svajoj daččynaj kampanii FinServus Trusees.

Apošniaja śpiecyjalizujecca na vałodańni akcyjami sotniaŭ inšych kampanij na daručeńnie svaich klijentaŭ. Jana stavić tam svaich naminalnych ułaśnikaŭ, jakija nie dajuć zrazumieć, chto sapraŭdny ŭłaśnik. Hetym letam FinServus Trusees zhadvałasia jak naminalny akcyjanier kampanii rasijskich aliharchaŭ, takich, jak Kanstancin Małafiejeŭ i Raman Abramovič.

Naminalnym ułaśnikam Medesoil Trading Limited staŭ šviejcarac Štefan Brunier. Jon trymaŭ pakiet da toj pary, pakul z Anatola Tarnaŭskaha nie byli źniatyja sankcyi ŭ kancy 2014 hoda. Za svaje pasłuhi vykanaŭčaha dyrektara, jak śćviardžajecca ŭ materyjale, Brunier atrymaŭ za dva hady zvyš 1,2 miljona dołaraŭ.

U krasaviku 2015 hoda vialikaja častka akcyj pierajšła da dački Tarnaŭskaha Natalli, a ŭ lutym 2016-ha jana stała adnaasobnaj ułaśnicaj. [*]

Jak śćviardžajecca ŭ materyjale, ad samaha pačatku svajho zasnavańnia firma pačała pracavać na vializnych abarotach. U 2013 hodzie, u razhar sankcyj, jana pakazvała vyručku 50 miljonaŭ dołaraŭ. U 2020 hodzie Medesoil Trading zarablała bolš za čverć miljarda dołaraŭ. U 2021 hodzie jana mieła vyručku ŭ pamiery 333 miljonaŭ dołaraŭ.

Pavodle dakumientaŭ prajekta Cyprus Confidential, kampanija Medesoil Trading zakuplała naftapradukty ŭ Biełaruskaj naftavaj kampanii (BNK). Pry hetym zakupki častkova adbyvalisia pa-za konkursam na asablivych umovach. Z dakumientaŭ vidać, što Medesoil Trading pradavała tavary trejdaram, ź jakimi BNK mahła b handlavać naŭprost i zarablać na premijach ad uhod. Akramia hetaha kampanija nabyvała dla pieraprodažu naftapradukty ŭ Rasii.

Sumarny abarot Medisont Treiding za 10 hadoŭ pieravysiŭ 2 miljardy dołaraŭ. Pry hetym ahulny prybytak skłaŭ tolki 10 miljonaŭ dołaraŭ. Ale nasamreč, jak tłumačać śpiecyjalisty, u afšornych sietkach prybytki niaredka asiadajuć nie ŭ jeŭrapiejskich jurysdykcyjach, a ŭ tych firmach, jakija znachodziacca ŭ jurysdykcyjach z nulavymi ci vielmi nizkimi padatkami. Hrošy taksama mohuć vyvodzicca nie ŭ vyhladzie prybytkaŭ, a jak pazyki inšym kampanijam taho ž ułaśnika ŭ afšornych zonach.

Tak, kampanija Medesoil Trading brała kredyty ŭ inšych firmaŭ, źviazanych z Tarnaŭskim, kali toj byŭ pad sankcyjami. U tym liku kampanii Unex Trading Ltd, jakaja ŭ svaju čarhu atrymała amal 70 miljonaŭ dołaraŭ pad vyhladam kredytu ad panamskaj kampanii Santarina Management SA, realnym ułaśnikam jakoj, jak śćviardžajecca, była Natalla Tarnaŭskaja.

Na dumku rasśledavalnikaŭ, takaja schiema dazvalaje pieramiaščać hrošy pamiž źviazanymi kampanijami i finansavać ich dziejnaść. Takim čynam možna abychodzić sankcyi, tamu što imia čałavieka z sankcyjnaha śpisu niama ŭ dakumientach.

BRC źviartaje ŭvahu, što Anatol Tarnaŭski nie trapiŭ ni pad adzin z vaśmi sankcyjnych pakietaŭ Jeŭrapiejskaha sajuza za apošnija try hady. Pa dakumientach, adzinaj kampanijaj u Biełarusi, jakoj ciapier Tarnaŭski vałodaje napramuju, zjaŭlajecca «Resurs i Ko».

Čytajcie jašče:

Multymiljanier Anatol Tarnaŭski raskazaŭ, jak razbahacieŭ

Z «čornaha śpisu» ES vyklučanyja Piefcijeŭ, Tarnaŭski, Orda

Łukašenka ŭznaharodziŭ biznesmiena Tarnaŭskaha

Čyž i Tarnaŭski ciapier zarablajuć na nieruchomaści 

Usie svaje na čale ź niaviestkaj Łukašenki. U Biełarusi nazvali najlepšuju pieśniu 2022 hoda

Heta pieśnia naśmiašyła biełaruski internet. Ale jašče cikaviej toje, chto jaje napisaŭ

Doktar Maryjarci biełaruskaj estrady. Vy nie pavierycie, chto piša patryjatyčnyja pieśni dla dziaržTB i karparatyvaŭ siłavikoŭ

Kamientary5

  • daviedka
    16.11.2023
    Łukašienko, vozmožno, nie vrał, no krivił dušoj, kohda zajavił, čto nikto iz jeho synoviej jakoby nie zanimajetsia biźniesom, no u synoviej jesť žiony, a u samoho Łukašienko nieviestki, kotoryje vovsiu zaniaty biźniesom siemji.
  • Nie cikava
    16.11.2023
    Naŭrad ci...
    Tamu što jano ŭžo nikomu nie cikava.
  • spravka
    16.11.2023
    Iźviestnaja schiema, kohda hos priedprijatija, v dannom słučaje nieftiepierierabatyvajuŝije zavody pod chołdinhom BNK, za kopiejki prodajut svoju produkcii ofšornym prosłojkam, v kotorych potom i osiedajet vsia mnohomillionnaja pribyl. Chotia hos priedprijatija mohli by sami prodavať napriamuju, połučaja bolšuju maržu, sootvietstvienno iz-za etoho oni nie dopołučajut etu pribyl, nie dopołučajet i biudžiet v vidie nałohovych postuplenij, v riezultatie nanositsia vried vsiemu obŝiestvu i stranie. T.ie. eto v čistom vidie priestupnaja, korrupcionnaja schiema. Tak kak vsie eti prosłojki i vsie finansovyje potoki tak ili inačie zaviazany na siemiejku i približiennyje kłany. A jeśli žie kto-to pytajetsia mutiť schiemy bieź viedoma siemiejki, to tiem ustraivajut pokazatielnuju porku v vidie korrupcionnych dieł. Potom ich koniečno žie mohut otpustiť, vystaviv sčiet s multiplikatorom ch10. I takaja situacija nie tolko s BNK, po podobnych schiemach mnoho čieho «prodajetsia», tot žie Zihman «rabotajet» po takim schiemam s afrikanskimi stranami.

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki

Usie naviny →
Usie naviny

«Simpsany» jašče ŭ 2000 hodzie pradkazali, što Kamała Charys stanie prezidentam?2

«Radujciesia, s*ki!» Čym skončyŭsia skandał pamiž hiniekałahiniaj-błohierkaj i pacyjentkaj pryvatnaha miedcentra?16

99-hadovy biełarus vyrašyŭ atrymać paśviedčańnie ab naradžeńni

Ryžankoŭ prylacieŭ u KNDR

KNDR znoŭ zapuściła šary sa śmiećciem na poŭdzień. Adzin ź ich upaŭ la rezidencyi prezidenta Paŭdniovaj Karei

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?30

Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena27

Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał16

U Minsku źjaviłasia vulica «Čierviekova» — na adnym z damoŭ paviesili tablički z pamyłkaj FOTAFAKT8

bolš čytanych navin
bolš łajkanych navin

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki

Hałoŭnaje
Usie naviny →