Dla vyznačeńnia losu adnoj minskaj biarozki stvaryli cełuju kamisiju
Pad šklanym dacham padziemnaha pierachodu stancyi minskaha mietro «Płošča Jakuba Kołasa» vyrasła biarozka. Ahienctva «Minsk-Naviny» praviało rasśledavańnie z metaj vyśvietlić, jaki los jaje čakaje. Akazvajecca, usio nie tak prosta — hetaje dreŭca ŭ Biełarusi abaronienaje zakonami našmat lepš, čym mnohija ludzi.
Dreŭca pad šklanym dacham vyrasła ŭžo dastatkova bujnych pamieraŭ i jamu ciesna. A ŭ Minskim haradskim kamitecie pryrodnych resursaŭ i achovy navakolnaha asiarodździa patłumačyli, što prosta tak jaho nibyta nie vyrvieš i nie zrežaš: bo isnuje paradak vydaleńnia abjektaŭ raślinnaha śvietu.
U hetym vypadku treba, maŭlaŭ, kiravacca art. 37 «Padstavy dla vydaleńnia, pierasadki abjektaŭ raślinnaha śvietu» zakona «Ab raślinnym śviecie».
Vyrašać heta składanaje pytańnie musiać nie ŽKH i nie «Zielanbud» Savieckaha rajona, a pradpryjemstva «Haraŭtamost», bo heta jaho terytoryja absłuhoŭvańnia. A vyrašać, što rabić, budzie śpiecyjalna stvoranaja dla hetaha kamisija, jakaja i vyniesie vierdykt.
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika9
Kamientary