«Pieraśledujuć advakataŭ, kab ludzi ŭsprymali svajo biaspraŭje jak normu». Byłaja advakatka Cichanoŭskaha i Babaryki zjechała ź Biełarusi
Advakatka Natalla Mackievič, jakaja baraniła palitykaŭ Siarhieja Cichanoŭskaha i Viktara Babaryku, razam z mužam Viktaram, taksama byłym advakatam Cichanoŭskaha i Babaryki, zjechali ź Biełarusi. Pra heta Natalla raspaviała «Nastojaŝiemu vriemieni».
Siamja zjechała ź Biełarusi 10 lipienia 2023 hoda. Jany palacieli ŭ ES praz Batumi.
«My trymalisia-trymalisia, trymalisia-trymalisia, ale suma abjektyŭnych patreb i pahroz prymusiła», — raspaviadaje jana pra adjezd.
Mackievič kaža, što pakul muž zastavaŭsia ŭ prafiesii, ab hetym nie dumali. «Ale kali jaho pazbavili licenzii, my stali bačyć, što dalej tut niama nijakaj mahčymaści raźvivacca», — raspaviała jana.
Mackievič kaža, što znajści inšuju pracu mužu nie dali b.
«A dla mianie stała niebiaśpiečna, bo vykładańnie, daśledavańnie patrabujuć, pa-pieršaje, svabody słova. Ty nie možaš vykładać moŭčki. Kali robiš daśledavańnie, ty pavinna jaho publikavać. Heta takoje žyćcio, jakoje patrabuje publičnaści peŭnaj i svabody vykazvańnia mierkavańnia, jakoj niama ŭ krainie», — kaža jana.
Kali ŭ čarhovy raz jana viartałasia ź Vilni i jaje vyciahnuli ŭ kabiniet na miažy na razmovu, stali hladzieć telefon i zadavać pytańni, jana zrazumieła, što takoha režymu nie vytrymaje.
«Mnie treba było raźvivacca, pracavać. A dla hetaha patrebny svabody.
I voś za hetuju svabodu treba achviaravać nasiedžanym miescam. Nie kažučy ŭžo pra pahrozy. Takoje ŭražańnie, što represii dojduć da kožnaha kolki-niebudź viadomaha svaimi pohladami čałavieka. I potym stała dumać, što da ciabie ranicaj pastukajuć, — heta nie zusim zvyčajny čałaviečy stan», — havoryć jana.
U intervju Mackievič havoryć, što advakaty pakazali siabie jak siła: «Padpisali bolš za dziasiatak publičnych pietycyj — i prosta ŭ abaronu, suprać hvałtu, i ŭ abaronu svaich zatrymanych kalehaŭ». U ich ułady, pavodle jaje, pabačyli takuju ž siłu, jak u pravaabaroncach, tamu vyrašyli «niekalkich pasadzić, kab napałochać usich».
«Naohuł, mnie padajecca, jašče i dla taho pieraśledujuć advakataŭ, kab ludzi ŭsprymali svajo biaspraŭje jak normu. Ludzi zaraz pazbaŭlenyja luboj mahčymaści vykazać svajo mierkavańnie niejkim čynam, nie kažučy ŭžo pra schody. Kab nie chadzili pa vulicach i ničoha nie kazali, bo «vam nichto nie dapamoža i ŭ vas nie budzie navat advakata», — havoryć jana.
Natallu Mackievič vyklučyli z kalehii advakataŭ padčas pracesu nad Siarhiejem Cichanoŭskim 25 kastryčnika 2021 hoda. Paśla pazbaŭleńnia licenzii jaje klijentaŭ pa palityčnych spravach abaraniaŭ muž. Jaho pazbavili advakackaj licenzii ŭ śniežni 2022 hoda.
Pratasieviču admianili hihancki štraf, i jon palacieŭ na adpačynak u Dubaj3
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary
ale...
naša čarhovaja žyćciovaja historyja... heta było hetym letam... muž "pociełovałsia" s "advokatom" adnym na pierakryžavańni... nu tam... što nazyvajecca, vstrietiliś 2 odinočiestva... muž jechaŭ paśla druhoj načnoj źmieny (tam stomlennaść asobaja), a advakat niośsia kudyści pa svaich dziališkach (rehistracyjny znak - 5 - minskaja vobłyść) sprava była rankam. vyratavała chutkaja reakcyja muža. paśpieŭ zatarmazić. mahło b usio skončycca horš...
jon potym, kali adyšoŭ ad stresu, praanalizavaŭ, kazaŭ - u mianie było pradčuvańnie, što treba jechać adrazu damoŭ, ale ja rašyŭ zajechać na zapraŭku... a tut jašče śvietłafor pamianiali... daišnik, jakoha vyzvaŭ t.zv. advakat, skazaŭ - čamu vy nie mahli raźjechacca paluboŭna? (nu to bok biez vyklika dai) muž prapanoŭvaŭ, ale advakat zachacieŭ vyzvać dai...
muža pryznali vinavatym. jon usio apłaciŭ, pačyniŭ. za svaje (nu i maje)) jak raptam... prychodzić ad hetaha advakata "piśmo sčasťja" - moł tak i tak, vy dołžny mnie stolko-to i stolko-to. my takija dumajem - jakoha chrena? usio ž pavinna była vypłacić strachavaja... i jana vypłaciła. ale. tut pryniali novy ,,zakon,, z chitrymi farmuloŭkami... nu i hety ,,advakat,, dasłaŭ mužu pozvu ŭ sud...
sud byŭ nie adzin... tyj ,,advakat,, chacieŭ dajści da viarchoŭnaha... ale. nie atrymałasia) muža pryznali pravym. pieršaja sudzia skazała - mda. vy ŭ nas takija pieršyja.
ja bačyła, što pisaŭ toj ,,advakat,, i što moj muž... muž nievinavaty. ale jon vahaŭsia... ja skazała jamu - tak. elemientarna. toj ,,advakat,, nieviadoma jakija zapcacki kupiŭ, karystajučysia hetaj dzirkaj (chitraj farmuloŭkaj) u t.zv. novym zakonie. pravilna? my nie viedajem, jakija i dzie. dyk čamu my vinny jamu?
,,advakat,, jašče havaryŭ, čamu jon rašyŭ padać u sud - a mnie, maŭlaŭ, dla praktyki...
nu i ,,advakat,, taki na rassłabonie (ja bačyła hetaha ,,advakaty,, predjavy ŭ sud. absalutna niepiśmiennyja). to bok usiu pracu (pa vyvučeńni zakonaŭ) zrabili faktyčna za jaho my. stracili svaje niervy i čas.
a jon tolki zarabiŭ. nie mašeńnik, nie?
p.s. voś tamu ja bolš nie vieru ŭ tym liku i advakatam