Mebli ŭ hetym katedžy praktyčna niama, zatoje paviešany stylovyja žyrandoli. Pradajuć dom za $189 000, piša BG.Media.
Sučasny dom z mansardaj 2018 hoda pabudovy raźmieščany ŭ rajonie Kavaloŭka ŭ indyvidualnaj katedžnaj zabudovie. Budynak adrazu vyłučajecca svaim niestandartnym vyhladam.
Za košt dvuchschilnaha dacha i karkasa z dreva, jaki składajecca ź viertykalnych, haryzantalnych i dyjahanalnych belek, dom nahadvaje niamieckija fachvierki (rašecistaja kanstrukcyja). Hety karkas harmanična pieraklikajecca z draŭlanymi reječnymi aharodžami terasy.
Ścieny doma vykanany z hazasilikatnych błokaŭ i atynkavanyja ŭ styli «amierykanka». Dach pakryty mietaładachoŭkaj. Ahulnaja płošča doma — 154,7 kv.m, žyłaja — 62, 9 kv.m. Katedž pakul nie abstalavany meblaj, ale ahulny ton u interjery zadadzieny.
«U efiektny aljans biełaha i śvietła-bežavych koleraŭ ulivajucca elemienty stylu «łoft». Imitacyja cahlanaha mura, mietaličnyja bliskučyja detali i chramavanyja śviacilni nadajuć interjeru indyvidualnaść. Bahaćcie pavietra ŭ prastory interjeru dasiahajecca za košt śviatła i tekstur», — havorycca ŭ apisańni.
Kuchnia-stałovaja raźmieščanaja na pieršym paviersie. Jana abjadnanaja z haścinaj, ź jakoj jość vychad na terasu.
Taksama na pieršym paviersie raźmieščany žyły pakoj i topačnaja.
Na mansardnym paviersie raźmiaścilisia try spalni, vanny pakoj i nievialiki choł. Va ŭsich pamiaškańniach zrobleny ramont, a ŭ vannym pakoi — dušavaja kabina. Taksama na mansardnym paviersie jość vychad na bałkon.
Z kamunikacyj: elektryčnaść, haz (aciapleńnie — hazavy kacioł), vodazabieśpiačeńnie, kanalizacyja — centralizavanyja.
Prysiadzibny ziamielny ŭčastak płoščaj amal 10 sotak abharodžany dychtoŭnym mietaličnym płotam. Łaźnia i haraž, raźmieščanyja na prydamavoj terytoryi, abjadnany pad adnym dacham.
Vuličnaje aśviatleńnie terytoryi padtrymlivajecca ŭ ciomny čas sutak. Dom raźmieščany ŭdalečyni ad prajeznaj častki. Niedaloka jość prypynki hramadskaha transpartu i infrastruktura: supiermarkiet «Miks», viaślarny kanał, rynki i kramy.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary