Vynieśli prysud žycharu Homiela, jaki ledź nie zahubiŭ svaju siamju
Padziei adbyvalisia 8 maja. 39-hadovy žychar Homiela sieŭ za rul lehkavika i ź piaćciu pasažyrami nakiravaŭsia ŭ bok vioski Łapičy Buda-Kašaloŭskaha rajona. Na zakruhleńni mužčyna nie spraviŭsia z kiravańniem i aŭtamabil prataraniŭ budynak bulbaschovišča.
Vyśvietliłasia, što mužčyna ŭvieś dzień vypivaŭ, a kali ałkahol skončyŭsia, adpraviŭsia «pa dabaŭku». Razam ź im u ałkatryp adpraviłasia i jaho siamja: žonka i dzieci va ŭzroście 3, 6 i 12 hadoŭ, jakija, darečy, pieravozilisia bieź dziciačych utrymlivalnych pryład, paviedamlajuć «Mocnyja naviny».
Usie piaciora paciarpieli ŭ avaryi: dvoje atrymali ciažkija cialesnyja paškodžańni, siarod ich — 3-hadovaje dzicia. Kancentracyja etyłavaha śpirtu ŭ kryvi kiraŭnika siamiejstva skłała nie mienš za 2,58 pramile.
Mužčynu pakarali čatyrma hadami z pazbaŭleńniem prava zajmacca dziejnaściu, źviazanaj z kiravańniem usimi vidami transpartnych srodkaŭ, na termin 8 hadoŭ. Taksama jaho prymusova buduć lačyć ad ałkahalizmu.
Ale i na hetym historyja nie skončyłasia. Prakuratura vyrašyła bolš detalova pravieryć, u jakich umovach rastuć dzieci. Akazałasia, što baćki ŭžo traplali ŭ pole zroku adpaviednych orhanaŭ. Niepaŭnaletnich dziaciej pryznali jak tych, chto znachodzicca ŭ sacyjalna niebiaśpiečnym stanoviščy, siamja pastaŭlena na kantrol i ź joj pravodziacca prafiłaktyčnyja mierapryjemstvy.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary