Hramadstva33

Kuprejčyk raskazaŭ pra syna Kubrakova i plamieńnika Šunieviča, ź jakimi vučyŭsia razam

Pradstaŭnik «Biełpoła» Maćviej Kuprejčyk u intervju «Tok» raspavioŭ pra svajakoŭ ministraŭ, jakija vučylisia ź im na kursie, zhadaŭ Volhu Čamadanavu i padzialiŭsia, čym skončyłasia jaho papiaredžańnie byłych kalehaŭ ab prasłuchoŭvańni.

Maćviej Kuprejčyk Matviej Kupriejčik Matvey Kupreichik
Maćviej Kuprejčyk padčas intervju. Skryn videa TOK_talk / YouTube

Pra syna ministra ŭnutranych spraŭ Kubrakova

Maćviej Kurejčyk zhadvaje, što vučyŭsia razam z synam Kubrakova Vovam u Akademii MUS na adnym patoku.

«U Akademii jon byŭ charošym chłopcam. My ź im niekalki razoŭ pierasiakalisia ŭ naradach pa stałovaj, stajali na tak zvanaj «dydžejcy» (kali pieradajuć talerki ź niedajedkami i tabie treba vielmi chutka skinuć ich u asobny kacioł i pastavić u pasudamyjku)», —

raspaviadaje Kuprejčyk.

Pa jaho infarmacyi, Uładzimir Kubrakoŭ ciapier pracuje načalnikam kryminalnaj milicyi ŭ Centralnym RUUS Minska.

«Zvańnie ŭ jaho ciapier kapitan ci major. I atrymlivajecca, što dla takoj pasady heta vielmi nizkaje zvańnie. I ŭsim usio zrazumieła — syn ministra stanovicca na vysokuju pasadu. A dzie dośvied pracy? Kali toj samy načalnik kryminalnaj milicyi adnačasova adkazvaje za kryminalny vyšuk, narkakantrol, adździeł pa baraćbie z ekanamičnymi złačynstvami.

Jon padpisvaje pastanovy na praviadzieńnie apieratyŭna-vyšukovych mierapryjemstvaŭ. Heta pavinien być kałasalny vopyt, kab raźbiracca, dzie jakaja sprava, što za čym i čamu. I tut jaho staviać. Voś karupcyja ŭ svaim sapraŭdnym vyhladzie».

Pra plamieńnika Ihara Šunieviča

Akramia syna Kubrakova, na adnym patoku z Kuprejčykam vučyŭsia plamieńnik byłoha ministra ŭnutranych spraŭ Ihara Šunieviča Pavieł. «Taksama byŭ narmalny chłopiec», — charaktaryzuje jaho Maćviej i zhadvaje cikavy momant.

«Kali Šunievič pryjazdžaŭ u Akademiju, to lubiŭ prajścisia pa raspałažeńniach kursantaŭ. Naš kursavy zaŭsiody išoŭ na chitraść. Jon u hety dzień staviŭ u narad Pašu Šunieviča. Jon stajaŭ «na tumbačcy» pierad dźviaryma. Zachodzić ministr, a jamu daje spravazdaču jaho plamieńnik. Zrazumieła, što ministr užo nikudy dalej nie chadziŭ i nie praviaraŭ».

Pa słovach Kuprejčyka, ciapier plamieńnik Šunieviča zjaŭlajecca supracoŭnikam KDB i pracuje ŭ biełaruskim pasolstvie ŭ Jehipcie.

Čamu Volha Čamadanava pajšła na cyvilnuju pasadu

Havoračy pa byłuju pres-sakratarku MUS Volhu Čamadanavu, jakaja ŭ 2021 hodzie była pryznačana načalnicaj upraŭleńnia pa ideałohii i spravach moładzi Minskaha harvykankama, Maćviej Kuprejčyk zaŭvažyŭ, što «heta nie pavyšeńnie». Na jaho pohlad, heta pieramiaščeńnie kštałtu «pavysić, kab pra jaje ŭsie zabylisia» i sama Čamadanava «cudoŭna pra heta viedaje».

Volha Čamadanava Olha Čiemodanova Olga Chemodanova
Volha Čamadanava. Skryn videa ANT

Pa słovach Kuprejčyka, byłuju pres-sakratarku padčas jaje słužby ŭ milicyi nazyvali Čamadanichaj. Jaje kamientary časta byvali bolš prycharošanyja, čym treba.

Jak papiaredziŭ kaleh pra prasłušku, a tyja zdali jaho

Kali «Kibierpartyzany» ŭzłamali bazy danych, da ich u ruki taksama patrapili zapisy razmoŭ, jakija prasłuchoŭvalisia.

«Ja znajšoŭ tam prasłušku na traich svaich byłych kalehaŭ, — kaža Kuprejčyk. — I na toj momant, nie razabraŭšysia, ja paličyŭ, što ich słuchajuć z-za mianie. Bo heta byli jakraz tyja ludzi, ź jakimi ja dastatkova blizka kamunikavaŭ. Ź niekatorymi moh mieć niejkija spravy paśla pracy. I ja hetym ludziam adpraviŭ infarmacyju: «Chłopcy, budzie aściarožnyja. Vy «visicie na huku».

Dvoje ź ich pajšli i raspaviali kiraŭnictvu, što ja im takoje napisaŭ. A jašče adzin uvohule ŭ KDB pajšoŭ ź pierapiskaj i pakazaŭ: «Hladzicie, što mnie tut prysłali. Ja, kali što, da hetaha dačynieńnia nie maju».

«Voś tak jano ŭsio paviarnułasia», — kanstatuje były siłavik.

Hladzicie całkam:

Kamientary3

  • daviedka
    06.11.2023
    Čiemodanova užie zarabotała siebie połkovničju piensiju po vysłuhie MVD, poetomu ušła na okład v Minhorispołkom.
  • daviedka
    06.11.2023
    Matviej Kupriejčik rasskazał pro błatnoho syna Kubrakova i plemiańnika Šunieviča, no nie podieliłsia s narodom siekrietom svojeho uśpiecha, kak pośle akadiemii u nieho piervym miestom słužby okazałsia stoličnyj hłavk MVD.
  • Śpiecnaz 3214
    07.11.2023
    Kuriejčik, my tiebia śvierniom v baranij roh skoro

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Źnikłaha ŭ Polščy biełarusa znajšli ŭ Varšavie źbitym i biez dakumientaŭ8

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT30

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»19

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj4

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury25

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →