U paviedamleńni Minabarony Rasii havorycca, što «USU 4 listapada nanieśli ŭdar 15 kryłatymi rakietami pa sudnabudaŭničym zavodzie imia Butomy ŭ Kierčy. Srodkami SPA źbityja 13 kryłatych rakiet. U vyniku traplańnia kryłataj rakiety praciŭnika atrymaŭ paškodžańni karabiel, jaki znachodziŭsia na zavodzie».

Spačatku ŭłady Kryma zajaŭlali pra źbićcio «ŭsich 18 rakiet».

Kierč znachodzicca na ŭschodnim uskrajku Kryma, kala Krymskaha mosta.

Miascovyja telehram-kanały śćviardžajuć, što ŭkrainskaja rakieta ŭdaryła pa małym rakietnym karabli (MRK) «Askold», jaki stajaŭ u Kierčy na sudnabudaŭničym zavodzie. «Askold» — nośbit kryłatych rakiet «Kalibr», jakimi Rasija ad pačatku vajny abstrelvała terytoryju Ukrainy.

Raniej pad udarami ŭkrainskich rakiet i bieśpiłotnikaŭ Rasija była vymušanaja pierapravić bolšuju častku Čarnamorskaha fłota ź Sievastopala ŭ Fieadosiju, Kierč i Novarasijsk.

MRK «Askold» — niadaŭna zbudavany karabiel. Jaho spuścili na vadu ŭ 2021 hodzie, akurat u Kierčy jon i budavaŭsia.

Клас
62
Панылы сорам
0
Ха-ха
4
Ого
1
Сумна
0
Абуральна
3