Hramadstva2323

Chto taki Valeryj Mackievič i čym jon budzie zajmacca ŭ Kabiniecie Cichanoŭskaj

Valeryj Mackievič pačynaŭ karjeru apazycyjnaha dziejača ŭ «Maładym froncie», udzielničaŭ va ŭsich palityčnych kampanijach 2000-ch. Adychodziŭ ad palityki i viartaŭsia. A ciapier staŭ kiraŭnikom aparata Abjadnanaha pierachodnaha kabinieta. Raskazvajem asnoŭnyja fakty pra jaho.

Valeryj Mackievič z Paŭłam Sieviaryncam. Fota: sacyjalnyja sietki

Babrujčanin z «Maładoha frontu»

Valeryju Mackieviču 40 hadoŭ. Jon z Babrujska. Pa słovach paplečnikaŭ, «vielmi ambitny, ale z charyzmaj, dobry aratar, kali vystupaje, to zachaplaje».

Da apazicyjnaj dziejnaści dałučyŭsia ŭ 1999 hodzie. Šasnaccacihadovym chłopcam udzielničaŭ u Maršy Svabody — šmattysiačnym šeści suprać płanaŭ intehracyi Biełarusi i Rasii.

Na Maršy Mackievič paznajomiŭsia z Paŭłam Sieviaryncam.

U 1999-m stvaryŭ u Babrujsku filiju «Maładoha frontu», jakaja z 36 siabrami stała adnoj z najvialikšych supołak moładzievaj arhanizacyi.

Tady ž źviedaŭ pieršyja dopyty ŭ KDB i zapałochvańni.

U 2004 hodzie Mackievič byŭ siarod biełaruskich udzielnikaŭ Aranžavaj revalucyi ŭ Kijevie. U toj čas jon adkazvaŭ za supracoŭnictva «Maładoha frontu» z ukrainskimi moładzievymi arhanizacyjami.

Sustrakaŭsia ź Mierkiel

Mackievič udzielničaŭ u kampanii «Bajkot-2000», mabilizacyjnaj kampanii 2001 hoda. U 2005—2006 hadach pracavaŭ rehijanalnym kaardynataram u kamandzie Alaksandra Milinkieviča, adzinaha kandydata ad demakratyčnaj apazicyi na prezidenckich vybarach 2006 hoda.

A ŭ 2010-m byŭ u kamandzie kandydata ŭ prezidenty Uładzimira Niaklajeva. Paśla vybaraŭ vychodziŭ na płošču na pratesty.

U 2011 hodzie, jak pradstaŭnik «Maładoha frontu», u składzie delehacyi kaalicyi demakratyčnych sił udzielničaŭ u niepubličnaj sustrečy ŭ Varšavie ź fiederalnym kancleram Hiermanii Anhiełaj Mierkiel. Pavodle jaho, niamiecki palityk tady kazała im, što vyrasła ŭ HDR i dobra razumieje, praz što biełarusy prachodziać i pieražyvajuć.

Byŭ na sustrečach taksama sa staršynioj Jeŭrakamisii Žaze Manuelem Barozu dy tahačasnym premjer-ministram Polščy Donaldam Tuskam.

Pratestancki viernik i pradprymalnik

U 2012 hodzie Valeryj adyšoŭ ad palityki i sfakusavaŭsia na pradprymalnickaj dziejnaści. Ličyŭ, što jana dapamoža jamu ŭzbahacicca navykami ŭ stvareńni kamandy. 

Byŭ kirujučym partnioram u minskaj Škole pradprymalnikaŭ dla padletkaŭ «Naśledije 21». 

«My rychtavali ich da darosłaha žyćcia. Vučyli publičnym vystupam, majsterstvu biznes-pieramovaŭ i finansavaj hramatnaści. Vučyli nie zdavacca pa šlachu da svajoj mety», — kaža Mackievič.

Udzielnikami škoły stali niekalki sotniaŭ padletkaŭ. Jaje začynili ŭ 2020 hodzie. 

Valeryj Mackievič, 2016 hod. Fota: sacyjalnyja sietki

Mackievič byŭ zaŭsiodnikam na nabaženstvach u pratestanckaj carkvie «Novaje žyćcio». Jaho adnaviercy adznačajuć, što jon dyscyplinavany jevanhielski chryścijanin.

Byŭ u štabie Capkały

U 2020 hodzie Mackievič dałučyŭsia da vybarčaha štaba Valeryja Capkały. U im kiravaŭ «apieratyŭna-analityčnaj hrupaj» i byŭ adkaznym za raspracoŭku stratehii ahitacyjnaj kampanii.

Mackievič kaža, što ŭ prezidenckich ambicyjach Valeryja Capkały i Viktara Babaryki ŭbačyŭ šaniec dla pieramienaŭ u Biełarusi. Tamu viarnuŭsia ŭ palityku, kab być unutry palityčnych pracesaŭ i ŭpłyvać na ich.

Uciakaŭ praz paleskija bałoty

U žniŭni 2020 hoda Mackievič adsiedzieŭ tydzień u izalatary na Akreścina.

Paźniej, ratujučysia ad pieraśledu, prajšoŭ 40 kiłamietraŭ praz paleskija bałoty i lasy va Ukrainu. Pakinuć radzimu navažyŭsia ŭ kastryčniku 2020 hoda, kali ŭžo nie było nijakaj mahčymaści pracavać i isnavała pahroza aryštu.

«Jak ciapier pamiataju raŭniutkuju pałasu, jakaja padzialaje Biełaruś i Ukrainu dy ŭkrainski pamiežny patrul, jaki sustreŭ u huščary. Adzin z pahraničnikaŭ pramoviŭ: «Jak vy prajšli praz hetyja nieprachodnyja miaściny ŭ vašych tuflach i stroi?» — zhadvaje jon.

Što takoje aparat Kabinieta Cichanoŭskaj

Valeryj Mackievič budzie padparadkoŭvajecca Cichanoŭskaj. Jaho kandydatura była ŭchvalenaja ŭsimi 5 pradstaŭnikami Kabinieta.

Pa słovach Mackieviča, aparat Kabinieta — heta sakrataryjat, jaki zajmacca arhanizacyjnaj pracaj, rychtuje analityčnyja, infarmacyjna-daviedačnyja materyjały. Akramia taho, składaje prapanovy pa rašeńniach Kabinieta, zabiaśpiečvaje jaho kamunikacyju ź miedyja i kaardynuje supracu z partniorskimi strukturami.

U strukturu aparata ŭvachodzić miedyjakamanda, pres-sakratar, adździeł, jaki zajmajecca spravavodstvam, a taksama adździeł palityčnaj analityki.

Pasadu kiraŭnika aparata ŭviali z-za pavieličeńnia abjomu pracy ŭ Kabinieta. Zadača kiraŭnika — skaardynavać uzajemadziejańnie adździełaŭ, a taksama kantralavać vykanańnie pryniatych rašeńniaŭ.

Mackievič pra siabie na novaj pasadzie: Chopić kvalifikacyi

U Valeryja Mackieviča 25-hadovy staž apazicyjnaj dziejnaści. Jon byŭ siarod kiraŭnikoŭ «Maładoha frontu», uvachodziŭ u arhkamitet partyi «Biełaruskaja Chryścijanskaja Demakratyja».

Dziesiać hadoŭ pracavaŭ u biznes-strukturach. Byŭ u štabie vyłučenca na prezidenta Valeryja Capkały. Paśla trapiŭ u skład Abjadnanaha štaba Śviatłany Cichanoŭskaj i pracavaŭ u kamisii pa reformie. Jon siabra Kaardynacyjnaj rady.

Valeryj Mackievič na kanfierencyi «Novaja Biełaruś», 2022 hod. Fota: «Naša Niva»

Mackievič pierakanany, što ŭ jaho dastatkova dośviedu dla novaj pasady. Ź jaho słoŭ, jon razumieje važnyja aśpiekty pracy demakratyčnych siłaŭ, ich ciapierašniuju kanfihuracyju i zdolny pravilna aceńvać situacyju. 

«Ja z 1999 hoda ŭ pracesie, prajšoŭ praz prezidenckija i parłamienckija kampanii, tamu mahu źviartać uvahu na klučavyja momanty, jakija čałaviekam biez adpaviednaha dośviedu mohuć być nie zaŭvažnyja», — davodzić Mackievič.

«Naša Niva» — bastyjon biełaruščyny

PADTRYMAĆ

Hladzicie taksama:

Abjadnany pierachodny kabiniet apublikavaŭ spravazdaču za paŭhoda pracy

U Vilni prachodzić kanfierencyja «Novaja Biełaruś», Łatuška i Prakopjeŭ patrabujuć stvareńnia ŭrada ANŁAJN

«Hałoŭnaje, što šmat biełarusaŭ vykazali słovy padtrymki». Cichanoŭskaja prakamientavała reakcyju na svajo intervju «Novoj hazietie»

«Surjozny sihnał usioj siłavoj sistemie». Siłaviki Łukašenki abjaŭleny ŭ vyšuk

Łukašenka pavinšavaŭ niamiecki narod, ale prajšoŭsia pa kiraŭnictvie krainy

Kamientary23

  • Oj
    28.10.2023
    Aaaaaachachacha)))) Cirk na drotie))) Kandidatura čto nado)) Tolko odno choču otmietiť: a kak eto mnoholetnij aktivist i odin iz lidierov MF okazałsia v štiebie adiepta ruśmieoho mira ciepkała?)))
  • Aiyiya
    28.10.2023
    Pavłu jašče 5 hadoŭ siadzieć, najlepšaje što hetyja emitatary mohuć zrabić dyk heta malicca za Paŭła kožny tydzień kali jany tam u Boha vierać, a chto nie vieryć, niachaj s bubnam skača, usio astatniaje heta prafanacyja u hetaj situacyi. Absurdna hučyć ale takaja situacyja.
  • Lolik
    28.10.2023
    Hety piersanaž niedzie niečamu vučyŭsia? Ci ŭsio ŭ pramaskoŭskich štabach Hovpravdy i Capkały spaznaŭ?
    Ja baču biezpryncypnaha cynika pałkaha i a hrošy i pasady.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →